ယူကျု

June 21, 2019

သုံးရက်အတွင်း ကြည့်ရှုသူ သုံးသန်းကျော်သွားသည့် အဆိုတော် Pink သီချင်းသစ် - 90 Days (ရုပ်သံ)

ဂရမ်မီဆု ၃ ဆု အပါအဝင် တေးဂီတထူးချွန်ဆုတွေ အများကြီးရရှိထားတဲ့ အမေရိကန် အမျိုးသမီးအဆိုတော် Pink ရဲ့ သီချင်းသစ်တပုဒ်ဟာ ထွက်ရှိပြီး ၃ ရက်အတွင်း ယူကျုပေါ်မှာ ဝင်ရောက်ကြည့်ရှုကြတဲ့ အကြိမ်ရေ ၃ သန်းကျော် ရှိနေပါတယ်။ 90 Days လို့ အမည်ပေးထားတဲ့ ဒီသီချင်းကို Pink နဲ့အတူ Featuring သီဆိုပေးထားသူကတော့ အမေရိကန် အမျိုးသားအဆိုတော် Wrabel ဖြစ်ပြီး ရုပ်သံဗွီဒီယိုဖိုင်ထဲမှာတော့ သူတို့နှစ်ယောက် ချစ်သူတွေအဖြစ် သရုပ်ဆောင်ထားတာကို ခံစား နားဆင်ကြရမှာပါ။ တူဒေးသတင်းတပုဒ်မှာတော့ ဒီသီချင်းထဲက စာသားတွေနဲ့ သရုပ်ဆောင်ချက်တွေဟာ Pink ရဲ့ ပြင်ပကမ္ဘာက ခင်ပွန်းဖြစ်တဲ့ ကယ်ရီဟတ်နဲ့အတူ ဖြတ်သန်းရတဲ့ ခက်ခဲကြမ်းတမ်းတဲ့ စိန်ခေါ်မှု၊ အခက်အခဲတွေကို ထင်ဟပ်နေတယ်လို့ သုံးသပ်ဖော်ပြထားပါတယ်။ အသက် ၃၉ နှစ်အရွယ်ရှိပြီဖြစ်တဲ့ Pink ဟာ လက်ရှိအချိန်ထိ Can't Take Me Home, Missundaztood, Try This, I'm Not Dead, Funhouse, Greatest Hits... So Far!!!, The Truth About Love, Beautiful Trauma စတဲ့ တကိုယ်တော်တေးအယ်လ်ဘမ် ၈ ချပ် ထွက်ရှိခဲ့ပြီးဖြစ်ကာ အောင်မြင်တဲ့ ဂီတကြယ်ပွင့်တဦး ဖြစ်နေခဲ့ပါပြီ။ ပြီးခဲ့တဲ့ ၂၀၁၈ ခုနှစ်မှာတော့ သူဟာ ဖို့ဘ်မဂ္ဂဇင်းက ရွေးချယ်တဲ့ ကြေးအများဆုံးရရှိသူ အမျိုးသမီး အနုပညာရှင်တွေ စာရင်းမှာလည်း ရွေးချယ်ခံထားရပါတယ်။ Nielsen SoundScan ရဲ့ သတင်းထုတ်ပြန်ချက်တွေ အရတော့ Pink ဟာ ကမ္ဘာ့ရောင်းအားအကောင်းဆုံး ဂီတအနုပညာရှင်စာရင်းမှာ ပါဝင်နေပြီး တကမ္ဘာလုံးမှာ အယ်လ်ဘမ်ချပ်ရေ သန်း ၄၀ ကျော် ရောင်းချခဲ့ရပြီးဖြစ်တယ်လို့ ဆိုပါတယ်။ Dear Mr. President, So What, Just Give Me a Reason စတဲ့ သီချင်းတွေဟာ မြန်မာပရိသတ်တွေလည်း မစိမ်းတဲ့ သီချင်းတွေဖြစ်တာမို့ ခုနောက်ဆုံးထွက်ရှိလာခဲ့တဲ့ သီချင်းမှာရော Pink ရဲ့ ထုံးစံအတိုင်း ဘယ်လိုခံစားမှုအား ကောင်းကောင်းနဲ့ သီဆို ဖန်တီးထားမလဲ ဆိုတာကို နားဆင်ခံစားကြည့်နိုင်ပါတယ်။
2 years Ago

April 18, 2019

တရက်အတွင်း ကြည့်ရှုသူ ၂ သန်းကျော်သွားသည့် LSD အဖွဲ့သီချင်းသစ် - No New Friends (ရုပ်သံ)

နာမည်ကြီး အဆိုတော်အဖွဲ့တဖွဲ့ဖြစ်တဲ့ LSD အဖွဲ့ရဲ့ သီချင်းသစ် No New Friends ဟာ ထွက်ရှိလာပြီး တရက်အတွင်းမှာတင် ပရိသတ်တွေကြား ရေပန်းစားနေပါတယ်။ LSD အဖွဲ့ဆိုတာ တကယ်တော့ အဆိုတော်အသစ်တွေမဟုတ်ဘဲ နာမည်ကြီး အနုပညာရှင် ၃ ဦးရဲ့ နာမည်အစ စာလုံးတွေကို ပေးထားခဲ့တာဖြစ်ပြီး ၂၀၁၈ ခုနှစ်ကမှ စတင်ဖွဲ့စည်းခဲ့တာ ဖြစ်ပါတယ်။ L ဆိုတာကတော့ အသက် ၃၀ အရွယ် အဆိုတော် Labrinth ဖြစ်ပြီး ဒီအဖွဲ့ကို စတင်ဖွဲ့စည်းဖို့ ကြိုးစားခဲ့သူလည်း ဖြစ်ပါတယ်။ S ကတော့ ပရိသတ်တွေ ရင်းနှီးကြပြီးဖြစ်မယ့် အသက် ၄၃ နှစ်အရွယ်ရှိပြီဖြစ်တဲ့ သြစတြေးလျနိုင်ငံသူ အဆိုတော် Sia ပဲ ဖြစ်ပါတယ်။ သူ့ကိုတော့ မျက်နှာတဝက်ဖုံးလုမတတ် ဆံပင်တုကြီးနဲ့ ဖဲပြားအကြီးကြီးတွေကို ခေါင်းပေါ်မှာ အမြဲတပ်ဆင်ထားလေ့ရှိပြီး ဆန်းပြားတဲ့ တင်ဆက်ပုံတွေနဲ့ ဖျော်ဖြေလေ့ရှိတာမို့ သတိပြုမိခဲ့ကြတာ ဖြစ်ပါတယ်။ D ကတော့ အသက် ၄၀ အရွယ်ရှိပြီဖြစ်တဲ့ အမေရိကားက နာမည်ကြီး ဒီဂျေအကျော်အမော် Diplo ဖြစ်ပါတယ်။ သူတို့ ၃ ဦး ပူးပေါင်းဖန်တီးခဲ့ကြပြီး မနှစ်က ထွက်ရှိခဲ့တဲ့ Thunder Clouds သီချင်းဟာလည်း လက်ရှိအချိန်ထိ ယူကျုပေါ်မှာ ဝင်ရောက်ကြည့်ရှုကြတဲ့ အကြိမ်ရေ သန်း ၃၀၀ ကျော် ရှိသွားခဲ့ပြီ ဖြစ်ပါတယ်။ ခုလတ်တလော ထွက်ရှိခဲ့တဲ့ No New Friends သီချင်းသစ်မှာလည်း သူတို့ ၃ ဦးရဲ့ မြူးကြွတဲ့ အရောင်စုံတင်ဆက်မှုတွေ၊ ဆန်းသစ်တဲ့ Dance၊ Pop ဆန်ဆန် သီဆိုသရုပ်ဆောင်မှုတွေကို ရှုစားကြရမှာ ဖြစ်ပါတယ်။ ဒီသီချင်းဟာ တရက်အတွင်း ယူကျုပေါ်မှာ ဝင်ရောက်ကြည့်ရှုကြတဲ့ အကြိမ်ရေ ၂ သန်းကျော် ရှိနေခဲ့ပြီ ဖြစ်ပါတယ်။
2 years Ago
More News
Up