ယူကရိန်းဝန်ကြီးချုပ်

April 23, 2022

ရုရှားအင်ပါယာအောက် မဝင်လိုဟု ယူကရိန်းဝန်ကြီးချုပ် ပြော

ယူကရိန်း ပြည်သူတွေဟာ ယဉ်ကျေးတဲ့ ကမ္ဘာရဲ့ အစိတ်အပိုင်းဖြစ်လိုကြပြီး ရုရှားအင်ပါယာ အောက်ထဲကို မဝင်လိုကြဘူးလို့ ယူကရိန်းဝန်ကြီးချုပ် ဒန်နီစ် ရှမ်မဟာ က ဧပြီ ၂၂ ရက်နေ့မှာ ပြောပါတယ်။ 

အမေရိကန် ပြည်ထောင်စုမှာ ရောက်နေတဲ့ ယူကရိန်းဝန်ကြီးချုပ်ဟာ အမေရိကန် နိုင်ငံခြားရေး ဝန်ကြီး အန်တိုနီ ဘလင်ကန်နဲ့ ဝါရှင်တန်မှာ တွေ့ဆုံစဉ်မှာ အခုလို ပြောလိုက်တာပါ။ 

အမေရိကန်ဘက်ကလည်း ယူကရိန်းကို လက်နက်နဲ့ စီးပွားရေး အကူအညီတွေ ပေးမယ်လို့ ထပ်လောင်း ကတိပြုခဲ့ပါတယ်။ 

နိုင်ငံခြားရေးဝန်ကြီး ဘလင်ကန်က “ကျနော်တို့ဘက်က ယူကရိန်းကို ဆက်ပြီး ကူညီပေးသွား မယ်ဆိုတာ ဝန်ကြီးချုပ်ကို သိစေချင်ပါတယ်။ ယူကရိန်းရဲ့ လွတ်လပ်ရေးတိုက်ပွဲ၊ အချုပ်အခြာ အာဏာအတွက် တိုက်ပွဲဟာ အောင်မြင်စေရပါမယ်” လို့ ပြောပါတယ်။ 

ရုရှားဘက်တော့ ယူကရိန်းတောင်ပိုင်းဒေသကို အပြည့်အ၀ ထိန်းချုပ်လိုတယ်လို့ ရုရှား ဗိုလ်ချုပ်တယောက်က ဧပြီ ၂၂ ရက်နေ့မှာ ပြောပါတယ်။ 

ရုရှားဟာ အရင်က ယူကရိန်းမြေကို သိမ်းပိုက်ဖို့ ရည်ရွယ်ချက်မရှိဘူးလို့ ပြောခဲ့ပေမယ့် အခုတော့ တောင်ပိုင်းဒေသကို လိုချင်တယ်လို့ ပေါ်ပေါ်တင်တင် ထုတ်ပြောလာတာပါ။ 

ရုရှားစစ်တပ် အလယ်ပိုင်းစစ်တိုင်းရဲ့ ဒုတိယအကြီးဆုံးဖြစ်တဲ့ ဗိုလ်ချုပ် ရူစတမ်း Rustam Minnekayev ရဲ့ ပြောဆိုချက်ကို ရုရှားနိုင်ငံပိုင် သတင်းတွေမှာ ဖော်ပြခဲ့ကြပါတယ်။

ဒီအတောအတွင်း ယူကရိန်းဝန်ကြီးချုပ်နဲ့ အကြီးတန်းအရာရှိတွေပါဝင်တဲ့ ကိုယ်စားလှယ်အဖွဲ့ ဟာ ဝါရှင်တန်မှာ ရောက်နေပြီ နိုင်ငံတကာ ငွေကြေးရန်ပုံငွေအဖွဲ့၊ ကမ္ဘာ့ဘဏ်တို့နဲ့ တွေ့ဆုံကာ ယူကရိန်းအတွက် ငွေကြေး အကူအညီရရှိရေး ကြိုးပမ်းနေပါတယ်။ 

စစ်ဘေးသင့်နေတဲ့ ယူကရိန်းနိုင်ငံအတွက် နိုင်ငံတကာငွေကြေး အကူအညီတွေ ရရှိမှပဲ တိုင်းပြည်စီးပွားရေး တည်ငြိမ်ပြီး လူသားချင်းစာနာမှု အကူအညီတွေနဲ့ တခြား လူမှုရေး လုပ်ငန်းတွေကို ဆောင်ရွက်နိုင်မယ်လို့ ယူကရိန်းဝန်ကြီးချုပ်က ပြောပါတယ်။

7 months Ago

August 30, 2019

နိုင်ငံရေးအတွေ့အကြုံမရှိသည့် ဟွန်ချာရွတ်ခ်ကို ယူကရိန်းဝန်ကြီးချုပ်အဖြစ် ခန့်အပ်

ယူကရိန်းဝန်ကြီးချုပ်အဖြစ် နိုင်ငံရေး အတွေ့အကြုံမရှိတဲ့ အော်လစ်ဆေ ဟွန်ချာရွတ်ခ်ကို သြဂုတ် ၂၉ ရက်နေ့မှာ ခန့်အပ်လိုက်ပါတယ်။ ဝန်ကြီးချုပ်သစ် ဟွန်ချာရွတ်ခ်က နိုင်ငံတိုးတက်မှုကို ဦးတည်တဲ့ စီးပွားရေးပြုပြင်ပြောင်းလဲမှုတွေ လုပ်သွားမယ်လို့ ပြောပါတယ်။ ယူကရိန်း လွှတ်တော်ဟာ သမ္မတ ဇယ်လန်စကီ အဆိုပြုတဲ့ အသက် ၃၅ နှစ်အရွယ် ရှေ့နေ ဟွန်ချာရွတ်ခ်ကို ဝန်ကြီးချုပ်အဖြစ် အတည်ပြုခဲ့ပါတာပါ။ ပြုပြင်ပြောင်းလဲရေးနဲ့ပတ်သက်လို့ ယူကရိန်းလွှတ်တော်ဟာ အချိန်ဆွဲနေမယ်ဆိုရင် လွှတ်တော်ကို ဖျက်သိမ်းပစ်မယ်ဆိုပြီး သမ္မတ ဇယ်လန်စကီက ခြိမ်းခြောက်ထားပါတယ်။ ဒါ့အပြင် ရှေ့နေနဲ့ တက်ကြွလှုပ်ရှားသူ တယောက်ဖြစ်တဲ့ အန်ဒရီယိုဆာ-ဟောရောညု ကိုလည်း ကာကွယ်ရေးဝန်ကြီး ခန့်အပ်ခဲ့ပါတယ်။ အခုခန့်အပ်လိုက်တဲ့ ဝန်ကြီးချုပ်သစ် ဟွန်ချာရွတ်ခ်ဟာ ပြီးခဲ့တဲ့ မေလက ဇယ်လန်စကီရဲ့ ရုံးအဖွဲ့မှာ ဒုတိယအကြီးအကဲ ဖြစ်လာခဲ့တယ်လို့ ရိုက်တာသတင်းမှာ ဖော်ပြထားပါတယ်။
ႏိုင္ငံေရးအေတြ႕အႀကဳံမရွိသည့္ ဟြန္ခ်ာ႐ြတ္ခ္ကို ယူကရိန္းဝန္ႀကီးခ်ဳပ္အျဖစ္ ခန႔္အပ္ DVB ယူကရိန္းဝန္ႀကီးခ်ဳပ္အျဖစ္ ႏိုင္ငံေရး အေတြ႕အႀကဳံမရွိတဲ့ ေအာ္လစ္ေဆ ဟြန္ခ်ာ႐ြတ္ခ္ကို ၾသဂုတ္ ၂၉ ရက္ေန႔မွာ ခန႔္အပ္လိုက္ပါတယ္။ ဝန္ႀကိးခ်ဳပ္သစ္ ဟြန္ခ်ာ႐ြတ္ခ္က ႏိုင္ငံတိုးတက္မႈကို ဦးတည္တဲ့ စီးပြားေရးျပဳျပင္ေျပာင္းလဲမႈေတြ လုပ္သြားမယ္လို႔ ေျပာပါတယ္။ ယူကရိန္း လႊတ္ေတာ္ဟာ သမၼတ ဇယ္လန္စကီ အဆိုျပဳတဲ့ အသက္ ၃၅ ႏွစ္အ႐ြယ္ ေရွ႕ေန ဟြန္ခ်ာ႐ြတ္ခ္ကို ဝန္ႀကီးခ်ဳပ္အျဖစ္ အတည္ျပဳခဲ့ပါတာပါ။ ျပဳျပင္ေျပာင္းလဲေရးနဲ႔ပတ္သက္လို႔ ယူကရိန္းလႊတ္ေတာ္ဟာ အခ်ိန္ဆြဲေနမယ္ဆိုရင္ လႊတ္ေတာ္ကို ဖ်က္သိမ္းပစ္မယ္ဆိုၿပီး သမၼတ ဇယ္လန္စကီက ၿခိမ္းေျခာက္ထားပါတယ္။ ဒါ့အျပင္ ေရွ႕ေနနဲ႔ တက္ႂကြလႈပ္ရွားသူ တေယာက္ျဖစ္တဲ့ အန္ဒရီယိုဆာ-ေဟာေရာညဳ ကိုလည္း ကာကြယ္ေရးဝန္ႀကီး ခန႔္အပ္ခဲ့ပါတယ္။ အခုခန႔္အပ္လိုက္တဲ့ ဝန္ႀကီးခ်ဳပ္သစ္ ဟြန္ခ်ာ႐ြတ္ခ္ဟာ ၿပီးခဲ့တဲ့ ေမလက ဇယ္လန္စကီရဲ႕ ႐ုံးအဖြဲ႕မွာ ဒုတိယအႀကီးအကဲ ျဖစ္လာခဲ့တယ္လို႔ ႐ိုက္တာသတင္းမွာ ေဖာ္ျပထားပါတယ္။
3 years Ago
Up