ယူကရိန်း

August 11, 2022

ရုရှားတပ်များကို ယူကရိန်းအမျိုးသားအစောင့်တပ်က လေယာဉ်ပစ်အမြောက်ဖြင့် တိုက်ခိုက်

ယူကရိန်းအမျိုးသားအစောင့်တပ်က စစ်သည်တွေဟာ ခါကိဗ်ဒေသမှာ သြဂုတ် ၁၀ ရက် အစောပိုင်းက ရုရှားတပ်တွေကို လေယာဉ်ပစ်အမြောက်တွေ သုံးပြီး တိုက်ခိုက်ခဲ့ပါတယ်။

ယူကရိန်းအမျိုးသားအစောင့်တပ်သားတဦးနဲ့ လေယာဉ်ပစ် သေနတ်အမှုထမ်းတဦးဖြစ်တဲ့ ပတ်ဗ်လိုက သူဟာ ပုံမှန်မဟုတ်တဲ့ လက်နက်ကို သုံးခဲ့တယ်၊ ရန်သူတွေကို တိုက်ခိုက်နေတယ်လို့ ပြောပါတယ်။

ယူကရိန်းဟာ သူ့နိုင်ငံတောင်ပိုင်းက ရုရှားထိန်းချုပ်ထားတဲ့ ဒေသတွေကို ပြန်သိမ်းပိုက်ဖို့ အရှိန်မြှင့် လုပ်ဆောင်နေတာပါ။

ရုရှားကလည်း သူသိမ်းပိုက်ထားတဲ့ နယ်မြေကို ကာကွယ်ဖို့ ရုရှားတပ်ဖွဲ့တွေကို ပြန်လည်ဖြန့်ကျက် တပ်ချထားတဲ့ အထောက်အထားတွေ တွေ့ခဲ့ရတယ်လို့ ယူကရိန်းက အရင်သီတင်းပတ်က ပြောခဲ့ပါတယ်။

ရုရှားက ယူကရိန်းကို ဖေဖော်ဝါရီ ၂၄ ရက်က စကျူးကျော်ခဲ့ပြီး အစောပိုင်းမှာ ရုရှားက ယူကရိန်းတောင်ပိုင်းကို သိမ်းပိုက်ခဲ့ပါတယ်။

ဒါပေမဲ့ ယူကရိန်းအစိုးရက တန်ပြန်ထိုးစစ်ကို အကြီးအကျယ် ဆင်နွှဲပြီး ရုရှားထောက်ပံ့ရေး လမ်းကြောင်းတွေနဲ့ ခဲယမ်းမီးကျောက် သိုလှောင်ရာ နေရာတွေကို ထိမှန်အောင် ခေတ်မီတဲ့ အနောက်နိုင်ငံတွေက လက်နက်တွေကို သုံးသွားမယ်လို့ ကတိပြုထားပါတယ်။

10 hours Ago

August 8, 2022

ရုရှားကျူးကျော်မှုတွင် စစ်ရာဇဝတ်မှုကျူးလွန်သူ ၁၃၅ ဦးကို ယူကရိန်း တရားစွဲ

ရုရှားက ယူကရိန်းနိုင်ငံကို ဖေဖော်ဝါရီ ၂၄ ကျူးကျော်မှုနောက်ပိုင်းမှာ စစ်ရာဇ၀တ်မှု ကျူးလွန်ခဲ့တယ်လို့ သံသယရှိသူ အယောက် ၂ သောင်း ၆ ထောင် နီးပါးကို ယူကရိန်းက စုံစမ်းစစ်ဆေးနေပြီး လူ ၁၃၅ ဦးကို တရားစွဲထားတယ်လို့ ယူကရိန်း စစ်ရာဇ၀တ်မှုဆိုင်ရာ အစိုးရရှေ့နေချုပ်က ရိုက်တာသတင်းဌာနကို ပြောလိုက်ပါတယ်။

စွဲချက်တင်ခံရသူတွေထဲက ၁၅ ဦးလောက်ဟာ ယူကရိန်းမှာ ထိန်းသိမ်းခံထားရပြီး နောက်ထပ် အယောက် ၁၂၀ ကျန်နေသေးတယ်လို့ အစိုးရရှေ့နေချုပ်ရုံးရဲ့ စစ်ရာဇဝတ်မှုဆိုင်ရာဌာန အကြီးအကဲ ယူရီ ဘီလောင်ဆော့ဗ်က မြို့တော် ကိယက်ဗ်မှာ သြဂုတ် ၅ ရက်က လုပ်တဲ့ တွေ့ဆုံ မေးမြန်းခန်းအတွင်း ပြောခဲ့ပါတယ်။

တရားရုံးဆီ အမှုပေါင်း ၁၃ မှု တင်သွင်းခဲ့ပြီး စီရင်ချက် ခုနစ်ချက် ထုတ်ပြန်ခဲ့တယ်လို့လည်း သူက ပြောပါတယ်။

ဖေဖော်ဝါရီ ၂၄ ရက်က ရုရှားကျူးကျော်မှုနောက်ပိုင်း ယူကရိန်းမှာ ဖမ်းဆီးခံရတဲ့ အသက် ၂၁ နှစ်အရွယ် ရုရှားစစ်သားတဦးဟာ လက်နက်မဲ့ အရပ်သားတဦးကို သတ်ဖြတ်မှုအတွက် ထောင်ဒဏ်တသက်တကျွန်း ချမှတ်ခံခဲ့ရပါတယ်။

3 days Ago
More News
Up