ယီမင်စစ်ပွဲ

A d v e r t i s e m e n t With Us

May 17, 2019

ယီမင်စစ်ပွဲအတွင်း ပါဝင်သည့် အဖွဲ့အစည်းများ ဆွေးနွေးပွဲ သဘောတူညီချက်မရဘဲ ပြီးဆုံး

ဂျော်ဒန်နိုင်ငံ မြို့တော် အမန်မှာ ကျင်းပတဲ့ ယီမင်စစ်ပွဲအတွင်း ပါဝင်တဲ့ အဖွဲ့အစည်းတွေ တွေ့ဆုံဆွေးနွေးပွဲဟာ သဘောတူညီချက်မရဘဲ ပြီးဆုံးသွားခဲ့ပါတယ်။ သန်းချီတဲ့ ယီမင်နိုင်ငံသားတွေရဲ့ အသက်သွေးကြောတခုဖြစ်တဲ့ ဟိုဒေးဒါ ဆိပ်ကမ်းကရတဲ့ ဘဏ္ဍာငွေတွေကို ဘယ်လိုစီမံခန့်ခွဲမလဲဆိုတာ ဆွေးနွေးဖို့ ကုလသမဂ္ဂ ဦးစီးပြီး အဲဒီ အစည်းအဝေးကို ကျင်းပခဲ့တာလို့ ကုလသမဂ္ဂ သတင်းရင်းမြစ်တွေက ပြောပါတယ်။ မေလ ၁၄ ရက်နေ့က စတင်တဲ့ အဲဒီတွေ့ဆုံပွဲမှာ ဟိုဒေးဒါ၊ ဆာလိဖ်နဲ့ ရတ်စ်အီဆာ စတဲ့ ယီမင်ဆိပ်ကမ်းသုံးခုကနေရတဲ့ ဘဏ္ဍာငွေတွေကို စီမံခန့်ခွဲဖို့နဲ့ အဲဒီငွေတွေကို အများပြည်သူဆိုင်ရာ ကဏ္ဍတွေက ဝန်ထမ်းတွေကို လစာပေးရာမှာ သုံးဖို့ ဆွေးနွေးခဲ့ကြတယ်လို့ ကုလသမဂ္ဂက ပြောပါတယ်။ ဟူသီသူပုန်အဖွဲ့ဟာ မေလ ၁၁ ရက်နေ့ကစပြီး အဲဒီဆိပ်ကမ်းသုံးခုကနေ တပ်တွေ ပြန်ဆုတ်ပြီး ကုလသမဂ္ဂ ကြီးကြပ်တဲ့ ဒေသခံတပ်ဖွဲ့တွေဆီကို လွှဲပြောင်းပေးနေပါတယ်။ ၂၀၁၈ ဒီဇင်ဘာလက ဆွီဒင်နိုင်ငံ စတော့ဟုမ်းမြို့မှာ ယီမင်အစိုးရနဲ့ သဘောတူခဲ့တဲ့ ငြိမ်းချမ်းရေး သဘောတူချက်အရ အဲဒီလို တပ်ပြန်ဆုတ်တာလို့ ဟူသီအဖွဲ့က ပြောပါတယ်။ ဆော်ဒီ ကျောထောက်နောက်ခံပေးထားတဲ့ ယီမင်အစိုးရအဖွဲ့နဲ့ အီရန်ရဲ့မဟာမိတ် ဟူသီသူပုန်တပ်ဖွဲ့အကြား ၄ နှစ်ကျော်ကြာ တိုက်ပွဲတွေကြောင့် ယီမင်နိုင်ငံမှာ သိန်းချီတဲ့လူတွေ သေဆုံးခဲ့ပါတယ်။ ဆိပ်ကမ်းသုံးခုကနေ ရလာတဲ့ ဘဏ္ဍာငွေတွေကို ယီမင်ဗဟိုဘဏ်ကို လွှဲပေးရေးအချက်ကို ဟူသီသူပုန်အဖွဲ့က လက်မခံတာဟာ ဟူသီတွေအနေနဲ့ ၂၀၁၈ ငြိမ်းချမ်းရေး သဘောတူညီချက်အတိုင်း လိုက်နာဖို့ ဆန္ဒမရှိဘူးလို့ ဂျော်ဒန်ဆွေးနွေးပွဲကို တက်ရောက်လာတဲ့ ယီမင်အစိုးရ ကိုယ်စားလှယ်က ပြောပါတယ်။
2 years Ago

September 21, 2015

ယီမင် စစ်ပွဲအတွင်း ဒဏ်ရာရသူများကို ဂျော်ဒန်နိုင်ငံ ကုသပေး

ယီမင် စစ်ပွဲအတွင်း ထိခိုက်ဒဏ်ရာရသူတွေကို ဂျော်ဒန်နိုင်ငံက လက်ခံ ကုသပေးနေရပါတယ်။ ယီမင်နိုင်ငံသား လူနာတွေကို လက်ခံ ကုသပေးနေတဲ့ ဆေးရုံ ၈ ရုံထဲမှာ အက်စရာ ဆေးရုံလည်း တခု အပါအ၀င် ဖြစ်ပါတယ်။ ဆေးဘက် ညွှန်ကြားရေးမှူး အတ်နန် ဒူမားက လူနာစာရင်းကို ယီမင်သံရုံးဆီက ရရှိပြီး အများစုက သေနတ်ဒဏ်ရာ ရရှိထားသူတွေ ဖြစ်နေတယ်လို့ ပြောပါတယ်။ ဆေးရုံပေါ်မှာ လက်ရှိ လူနာ ၄၀ ရှိပြီး အယောက် ၂၀ ကတော့ ဆေးရုံက ဆင်းသွားပြီလို့ ပြောပြပါတယ်။ နောက်ထပ် လူနာသစ်တွေကို လေဆိပ်မှာ လူနာတင်ယာဉ်နဲ့ သွားကြိုဖို့ စီစဉ်ထားတယ်လို့လည်း ပြောပါတယ်။ ယီမင်က ရောက်လာတဲ့ လူနာ ၁၂၀ မှာ တချို့က အရိုးကို သေနတ်ကျည်ဆံထိတဲ့ လူနာ၊ ဦးနှောက်အာရုံကြောလူနာ၊ မျက်လုံး၊ မျက်နှာ၊ မေးရိုးတို့ ထိထားတဲ့ လူနာတွေ ဖြစ်တယ်လုိ့လည်း ပြောပြပါတယ်။ ဒဏ်ရာရလူနာ အများစုကို ယီမင်မှာ ကနဦး ကုသမှုပေးခဲ့ပြီး ပြင်းထန်တဲ့ လူနာတွေကိုတော့ ဂျော်ဒန်မှာ ခွဲစိတ်ကုသမှု ခံယူကြတာ ဖြစ်ပါတယ်။ အက်စရာဆေးရုံမှာ ယီမင် လူနာတွေကို သီးသန့် ကုသပေးဖို့ ဆရာဝန် ၇ ယောက်ကို တာဝန်ပေးထားပါတယ်။
5 years Ago
Up