ယာဉ်တိုက်မှု

July 26, 2019

ဖြူးမြို့နယ်၌ တွဲကားတစီးက လမ်းဘေးဆီဆိုင်ကို ၀င်တိုက်သဖြင့် လူ ၁ ဦးသေ၊ ၂ ဦးဒဏ်ရာရ

ပဲခူးတိုင်း၊ ဖြူးမြို့နယ် ညောင်ပင်သာမြို့ ရန်ကုန်-မန္တလေးကားလမ်းဟောင်း မိုင်တိုင်အမှတ် (၁၂၁)အနီးမှာ မနေ့ညနေပိုင်းက ယာဉ်တိုက်မှုဖြစ်ပြီး  အမျိုးသမီး ၁ဦးသေဆုံးကာ အမျိုးသား ၂ဦး ပြင်းထန်ဒဏ်ရာရခဲ့တယ်လို့ ညောင်ပင်သာနယ်မြေရဲစခန်း တာဝန်ရှိသူတဦးက ပြောပါတယ်။ ရန်ကုန်ကနေ နေပြည်တော်ဘက် မောင်းလာတဲ့ ၂၂ ဘီးတပ် တွဲကားတစီးက ဆိုင်ကယ်တစီးကို ရှောင်တိမ်းရာက အရှိန်မထိန်းနိုင်ဘဲ လမ်းဘေးရှိ ဓာတ်ဆီဆိုင်ကို ဝင်တိုက်မိခဲ့ပြီးနောက် ဆီထည့်နေတဲ့ ဆိုင်ကယ်နဲ့ ခရီးသွားတွေကို ထပ်ပြီး ဝင်တိုက်မိခဲ့တာပါ။ ညောင်ပင်သာနယ်မြေရဲတပ်ဖွဲ့စခန်းက တာဝန်ကျ ရဲတပ်ဖွဲ့ဝင်တဦးက "ကားက လမ်းဘေးက တက်လာတဲ့ ဆိုင်ကယ်ကိုရှောင်တာ၊ အရှိန်ကများလာတော့ မထိန်းနိုင်ဖြစ်ပြီး လမ်းဘေးက ဆီဆိုင်မှာ ဆီထည့်နေတဲ့ ဆိုင်ကယ်နဲ့ လူတွေကို ဝင်တိုက်တာ။ အမျိုးသမီး တဦးကတော့ ဆုံးသွားတယ်။ တခြားဒဏ်ရာရတဲ့သူတွေလည်းရှိတယ်” လို့ ပြောပါတယ်။ ယာဉ်တိုက်မှုကြောင့် မှော်ယောကြီးဆင်စခန်းမှာနေထိုင်တဲ့ နော်ဖောမူ (၆၅ နှစ်) ဟာ ဆေရုံပို့ဆောင်စဉ် သေဆုံးသွားပြီး တခြားအမျိုးသား ၂ ဦးဟာလည်း ပြင်းထန်ဒဏ်ရာရရှိခဲ့လို့  ဆေးကုသမှု ခံယူနေရပါတယ်။ အဆိုပါဖြစ်စဉ်နဲ့ ပတ်သက်ပြီး ၂၂ ဘီးတပ် ယာဉ်မောင်း ဝင်းမျိုးနိုင်ကို ညောင်ပင်သာနယ်မြေရဲတပ်ဖွဲ့စခန်းက ရာဇသတ်ကြီးပုဒ်မ ၃၀၄-က/၃၃၈ နဲ့ အမှုဖွင့် စစ်ဆေးနေပါတယ်။ သတင်း- ကျော်အောင်(ကညွတ်ကွင်း)
2 years Ago

January 18, 2019

အမြန်လမ်းယာဉ်တိုက်မှုများတွင် လူကြောင့်ဖြစ်ပွားမှု အများဆုံးဟု ရဲတပ်ဖွဲ့မှူးရုံးထုတ်ပြန်

၂၀၁၈ ခုနှစ်အတွင်း ရန်ကုန်-မန္တလေး အမြန်လမ်းပေါ်မှာဖြစ်ပွားခဲ့တဲ့ ယာဉ်မတော်တဆမှုတွေမှာ ကားမောင်းသူတွေရဲ့ ချို့ယွင်းချက်ကြောင့် အများဆုံးဖြစ်တယ်လို့ အမြန်လမ်းမကြီး ရဲတပ်ဖွဲ့ရုံးက သတင်းထုတ်ပြန်ပါတယ်။ အမြန်လမ်းမှာ ၂၀၁၈ ခုနှစ်အတွင်း ယာဉ်တိုက်မှုပေါင်း ၄၀၀ ကျော်ဖြစ်ပွားခဲ့တဲ့အနက် ယာဉ်မောင်းချို့ယွင်းချက်ကြောင့် ဖြစ်ပွားခဲ့တာက အမှုပေါင်း ၃၆၇ မှုထိ ရှိပါတယ်။ ယာဉ်မောင်း ချို့ယွင်းချက်ထဲမှာ အရှိန်လွန်မောင်းတာ ၁၁၇ မှု၊ အိပ်ငိုက်တာက ၆၃ မှု၊ လမ်းကူးသူ ပေါ့ဆတာက ၃ မှု၊ ဆိုင်ကယ်ပေါ့ဆတာက ၆၃ မှု၊ မဆင်မခြင်မောင်းတာက ၆၁ မှု၊ စုစုပေါင်း ၃၇၆ မှုဖြစ်ပါတယ်။ ဇန်နဝါရီကနေ ဒီဇင်ဘာအထိ ယာဉ်မတော်တဆ ဖြစ်ပွားခဲ့တဲ့အကြောင်းအရင်းကတော့ ယာဉ်ချို့ယွင်းချက်ကြောင့် ကားတိုက်မှုဖြစ်တာက ၉၈ မှုရှိပြီး ဒီထဲမှာ ကားဘီးပေါက်လို့ ယာဉ်တိုက်မှုဖြစ်တာ ၈၁ မှုနဲ့ အများဆုံးဖြစ်ပါတယ်။ ကားလမ်းချို့ယွင်းချက်ကြောင့် ယာဉ်တိုက်မှု ၉ မှု ဖြစ်ပွားခဲ့ပြီး လမ်းချော်တာ ဖြစ်ပါတယ်။ အမြန်လမ်းရဲတပ်ဖွဲ့မှူးရုံးအနေနဲ့ ၂၀၁၈ ခုနှစ်အတွင်း မဆင်မခြင်မောင်းနှင်မှု ၁၈၁ မှု၊ သာမာန် ဒဏ်ရာ ၉၇ မှု၊ အပြင်းအထန်ဒဏ်ရာ ၁၂၆ မှု၊ လူသေမှု ၇၀ တို့ကို အမှုဖွင့်အရေးယူထားပါတယ်။ ခရီးသွားပြည်သူတွေအနေနဲ့ အမြန်လမ်းမပေါ် ခရီးသွားလာစဉ် စိတ်လုံခြုံမှု ရရှိစေရေး ဘေးအန္တရာယ် ကင်းရှင်းစေရေးအတွက် အမြန်လမ်းမကြီးရဲတပ်ဖွဲ့ဝင်တွေက ကူညီဝန်ဆောင်မှု ပေးဖို့ ၂၄ နာရီ အသင့်စောင့်ကြိုနေပြီး ပြည်သူတွေက ပူးပေါင်းပါဝင်ကူညီကြဖို့ အမြန်လမ်းတပ်ဖွဲ့ရုံးက  ဖိတ်ခေါ် ပန်ကြားထားပါတယ်။ ၂၀၁၅ ခုနှစ်ကနေ ၂၀၁၈ ခုနှစ်အထိ ၄ နှစ်တာကာလအတွင်း အမြန်လမ်း ယာဉ်မတော်တဆမှုမှာ လူ ၅၀၀ ကျော် သေဆုံးခဲ့ပါတယ်။ ယာဉ်မတော်တဆမှု ၉၃ ရာခိုင်နှုန်းကျော်ဟာ ယာဉ်မောင်းစည်းကမ်းပျက်မှုကြောင့် ဖြစ်ပွားရတာလို့ ပို့ဆောင်ဆက်သွယ်ရေး ဒုဝန်ကြီးက လွှတ်တော်မှာပြောဆိုထားပါတယ်။
3 years Ago
More News
Up