ယာယီပိတ်ထား

May 9, 2020

ကမမောင်း-ဖာပွန် ကားလမ်းကို ကေအန်ယူက ယာယီပိတ်ထား

ဖာပွန်ခရိုင်မှာ တပ်မတော်နဲ့ ကေအန်ယူ တပ်မဟာ ၅ တို့ တိုက်ပွဲဖြစ်ပွားပြီးနောက် မေ ၈ ရက် ညနေပိုင်းကစတင်ပြီး ကမမောင်း-ဖာပွန် ကားလမ်းမကြီးကို ကေအန်ယူဘက်က ယာယီပိတ်ထားလိုက်တယ်လို့ တပ်မဟာ ၅ ဆက်ဆံရေးရုံးတာဝန်ခံ ဗိုလ်မှူးစောအယ်ဒိုထူးက  မေ ၉ ရက်နေ့မှာ ဒီဗွီဘီကို ပြောပါတယ်။ နှစ်ဖက်တိုက်ပွဲတွေ ဖြစ်ပွားပြီးနောက် နှစ်ဖက်တပ် လှုပ်ရှားသွားလာနေတဲ့အတွက် ပြည်သူလူထုတွေ ကြားမညပ်အောင်နဲ့ ထိခိုက်မှုမရှိအောင် ကမမောင်း-ဖာပွန်ကားလမ်းမကြီးကို ယာယီပိတ်ထားလိုက်တယ်လို့ ဆိုပါတယ်။ “လမ်းကြောင်းပိတ်တာက ယာယီပိတ်ထားတာ။ တဖက်နဲ့တဖက် လှုပ်ရှားမှုတွေရှိတဲ့အခါ ပြည်သူလူထုတွေ သွားလာလို့ရှိရင် ကြားညပ်မှာစိုးလို့။ တရက် နှစ်ရက်လောက်ပါပဲ။ လှုပ်ရှားသွားလာမှုတွေ နဂိုအတိုင်းပြန်ဖြစ်ရင် ပြန်ဖွင့်မှာပါ”လို့ ပြောပါတယ်။ ဖာပွန်ခရိုင်ဖာပွန်ခရိုင် တပ်မဟာ ၅ နယ်မြေအတွင်း COVID-19 ကာကွယ်တားဆီးရေး ရောဂါစစ်ဆေးရေးစခန်းဖွင့်လှစ်ပြီး ဖြတ်သန်းသွားလာသူတိုင်းကို ကျန်းမာရေးစစ်ဆေးတာ အပူချိန်တိုင်းတာ လက်ဆေးတာတွေ စတဲ့ကျန်းမာရေး​စစ်ဆေးမှုတွေကို ပြုလုပ်နေတာပါ။ ဒီလိုလုပ်ဆောင်​နေတဲ့အပေါ် တပ်မတော်က ဝင်ရောက်ဟန့်တားခဲ့တာကြောင့် နှစ်ဖက်တင်းမာမှု ဖြစ်ပွားပြီး တိုက်ပွဲတွေဖြ စ်ပွားခဲ့တာပါ။ မေ ၆ ရက်နေ့က စတင်ပြီး ကေအန်ယူနဲ့ တပ်မတော်တို့ကြား ပစ်ခတ်မှု ၃ ကြိမ် ဖြစ်ပွားခဲ့သလို့ နှစ်ဖက်တပ်လှုပ်ရှားမှုတွေလည်း ရှိနေတဲ့အတွက် တိုက်ပွဲတွေ ဆက်လက်ဖြစ်ပွားလာမှုကို ဒေသခံတွေက စိုးရိမ်နေကြပါတယ်။ ဖာပွန်ခရိုင်၊ ဒွဲလုံမြို့နယ်၊ လေးဖိုးထားအုပ်စုအတွင်းက ဝါသိုးခိုကျေးရွာနဲ့ ကတိုင်တိကျေးရွာအုပ်စု ဖားလုံး လမ်းသွယ်မှာ နှစ်ဖက်ပစ်ခတ်မှုတွေ ဖြစ်ပွားခဲ့တာပါ။ တိုက်ပွဲ​တွေကြောင့် ဝါးသိုးခိုကျေးရွာက သေခံပြည်သူတွေဟာ ကျေးရွာတွင်း နေထိုင်မရဲတော့တဲ့အတွက် နီးစပ်ရာဆွေမျိုးတွေရှိရာနဲ့ တောထဲကို ထွက်ပြေး တိမ်းရှောင်နေရပါတယ်။ နှစ်ဖက်တိုက်ပွဲတွေ၊ လမ်းပိတ်ဆို့မှုတွေနဲ့ပတ်သက်ပြီး တပ်မတော်(ရတခ) ပြောရေးဆိုခွင့်ရှိသူ ဗိုလ်မှူးကြီးမောင်မောင်လတ်ကို ဆက်သွယ်မေးမြန်းပေမယ့် မေးမြန်းခွင့်မရခဲ့ပါဘူး။ ရဲမင်းခေါင်
1 year Ago

May 6, 2020

တရုတ်နိုင်ငံရှိ ဟူမန်ကြိုးတံတား လေပြင်းတိုက်ခတ်မှုကြောင့်  ယာယီပိတ်ထား

တရုတ်နိုင်ငံ ဂွမ်ဒေါင်းပြည်နယ်က ကြိုးတံတားတစင်းဟာ မေ ၆ ရက်နေ့က  လေပြင်းကြောင့် လှုပ်ခတ်ခဲ့ပြီးနောက် တာဝန်ရှိသူတွေက တံတားကို  ယာယီပိတ်ခဲ့ပါတယ်။ လေပြင်းတိုက်ပြီးနောက် ယာဉ်အသွားအလာများတဲ့  ဟူမန်ကြိုးတံတားဟာ သိသိသာသာ လှုပ်ခတ်သွားခဲ့ပြီး တံတား လှုပ်နေချိန်မှာပဲ ရာနဲ့ချီတဲ့ မော်တော်ကားတွေက အသွားအလာမပြတ် တံတားပေါ်က ဖြတ်သန်းခဲ့ပါတယ်။ တာဝန်ရှိသူတွေက လုံခြုံရေးအတွက် တံတားကို ယာယီပိတ်ထားခဲ့ပြီး တံတားကားလမ်းမ ခုံးထတာတွေ ဖြစ်ခဲ့ပေမယ့် တံတားပင်မ အဆောက်အအုံမှာ ထိခိုက်မှုမရှိဘူးလို့  ပညာရှင် ပြောကြားချက်ကိုကိုးကားပြီး  တရုတ်မီဒီယာက ထုတ်လွှင့်ခဲ့ပါတယ်။  တံတားလှုပ်ခတ်ချိန်မှာ လေတိုက်နှုန်းက တစ်နာရီ ၃၈ မိုင်ရှိခဲ့ပြီး ကြုံတောင့်ကြုံခဲ လေတိုက်နှုန်းမျိုး ဖြစ်တယ်လို့လည်း မီဒီယာက ဖော်ပြပါတယ်။ ဟူမန် ကြိုးတံတားဟာ သက်ရောက်တဲ့အားတွေနဲ့ လိုက်လျောညီထွေဖြစ်အောင်  ဒီဇိုင်းထုတ်ထားတဲ့  ကြိုးတံတားဖြစ်ပြီး အန္တရာယ်ကင်းပေမယ့် ထိတ်လန့်စရာကောင်းတယ်လို့ TMZ သတင်းမှာ ရေးသားထားပါတယ်။ 
1 year Ago
Up