ယာယီစခန်း

July 24, 2020

ဘီဟာနှင့်အာသံပြည်နယ်တွင်  ရေကြီးပြီး လူ ၁ သန်း ယာယီစခန်းသို့ ရောက်ရှိ

အိန္ဒိယနိုင်ငံအရှေ့ပိုင်း ဘီဟာပြည်နယ်နဲ့အရှေ့မြောက်ပိုင်း အာသံပြည်နယ်တွေမှာ မုတ်သုန်မိုး ပြင်းထန်စွာ ရွာသွန်းမှုကြောင့်  ရေကြီးပြီး လူ ၁ သန်းကျော် ယာယီစခန်းတွေမှာ နေထိုင်နေရပါတယ်။  ဒါဟာ ကိုဗစ်-၁၉ ကပ်ဘေးကြုံနေပေမဲ့ လူတွေစုဝေးနေထိုင်နေရခြင်းပါ။ ဇူလိုင်လ ၂၂ရက်မှာတော့ ဝေးလံခေါင်ဖျားဒေသက ကျေးရွာတွေဆီမှာ ပိတ်မိနေတဲ့သူ တွေဆီကို ကယ်ဆယ်ရေးသမားတွေက လှေတွေနဲ့သွားရောက် ကယ်ဆယ်နေရပြီး အိမ်တော်တော် များများ လည်း ရေအောက်နစ်မြုပ်နေပါတယ်။  ရေကြီးမှုတွေကြောင့် အာသံပြည်နယ်မှာ လူ ၈၇ ဦးထက်မနည်း သေဆုံးခဲ့တဲ့အပြင် လူ ပေါင်း ၂ ဒဿမ ၇၅ သန်းကိုလည်း မေလကစလို့ နေရာရွှေ့ပြောင်း  ပေးနေရတာပါ ။  ရေကြီးမှုကြောင့် ကမ္ဘာ့အကြီးဆုံး ကြံ့ဥယျာဉ်ဖြစ်တဲ့ ကာဇီရန်ဂါ အမျိုးသားဥယျာဉ်မှာ လည်း ဇူလိုင်လ ၁၄ ရက်က ကြံ့ပေါက်လေး တကောင်ကို ကယ်တင်ပြီး ဥယျာဉ်မှာရှိတဲ့ ပြန်လည်ထူထောင်ရေးစခန်းမှာ ကုသပေးနေရတယ်လို့ သိရပါတယ်။  မုတ်သုံမိုးဟာ အိန္ဒိယစိုက်ပျိုးရေးရဲ့အသက်သွေးကြောဖြစ်ပေမယ့်ဒီနှစ်တော့ ကိုရိုနာ ဗိုင်းရပ်စ်ကူးစက်ကပ်ဘေးကို ရင်ဆိုင်နေရတဲ့ အိန္ဒိယဟာ ရေဘေးကိုပါ ထပ်ဆင့်ရင်ဆိုင်နေရ ပါတယ်။  ဇူလိုင်  ၂၃ရက် မွန်းလွဲ ၂နာရီထိ အတည်ပြုချက်အရ ကိုဗစ်-၁၉ ကူးစက်ခံ လူနာ ၁ ဒသမ ၂၄သန်းကျော်ရှိနေပြီး  သေဆုံးသူ ၃၀၀၀၀ လောက် ရှိနေပါတယ်။
9 months Ago

January 14, 2020

မီးတောင်ပြာများကြောင့် ဖိလစ်ပိုင်ဒေသခံများ ယာယီစခန်းများတွင် ခိုလှုံနေရ

ဖိလစ်ပိုင်နိုင်ငံ မြို့တော် မနီလာတောင်ပိုင်းက တာလ်မီးတောင်ဟာ ပြာတွေ မှုတ်ထုတ်ပြီး မြို့အတော်များများကို မီးတောင်ပြာတွေ ဖုံးအုပ်ခဲ့ပြီးနောက် ဇန်နဝါရီ ၁၃ ရက်က အနီးဝန်းကျင်ရှိ ထောင်ချီတဲ့ ဒေသခံတွေဟာ ယာယီစခန်းတွေမှာ ခိုလှုံနေရပါတယ်။    တာဂေတေမြို့က အရေးပေါ် ရွှေ့ပြောင်းရေးစခန်းတခုမှာလည်း ရာနဲ့ချီတဲ့ ရွှေ့ပြောင်းလာသူတွေ တိုးဝှေ့စုဝေးနေပါတယ်။ လူကြိုက်များ ခရီးသွားဒေသဖြစ်တဲ့ အဲဒီနေရာမှာ မီးတောင်ပေါက်ကွဲလို့ မီးတောင်ရှိရာ ကျွန်းနဲ့ ပတ်ပတ်လည်ဒေသက လူပေါင်း ၁၆၀၀၀ ကျော်ကို  ဘေးလွတ်ရာ ပြောင်းရွှေ့ခဲ့ပါတယ်။ ဖိလစ်ပိုင်နိုင်ငံရဲ့ သက်ရှိမီးတောင်တွေထဲက တခုဖြစ်တဲ့  တာလ်ဟာ ပြီးခဲ့တဲ့ ရာစုနှစ် ၅ ခုအတွင်း ကြိမ်ရေ ၃၀ ကျော် ပေါက်ကွဲခဲ့ပါတယ်။ နောက်ဆုံး ပေါက်ကွဲမှုဟာ ၁၉၇၇ ခုနှစ်မှာ ဖြစ်ပါတယ်။ ၁၉၁၁ ခုနှစ်က တာလ်မီးတောင် ပေါက်ကွဲမှုကြောင့် လူ ၁၅၀၀ သေဆုံးခဲ့သလို ၁၇၅၄ ခုနှစ်ကလည်း   မီးတောင်ပေါက်ကွဲမှုဟာ လအနည်းငယ် ကြာမြင့်ခဲ့တယ်လို့ ရိုက်တာသတင်းအရ သိရပါတယ်။
1 year Ago
Up