ယာဉ်ထိန်းရဲကင်း

October 27, 2021

အင်းလျားကန်ပန်းခြံရှေ့ ယာဥ်ထိန်းရဲကင်းတွင် ဗုံးကွဲ

ရန်ကုန်၊ ပြည်လမ်းမ၊ အင်းလျားကန်ပန်းခြံရှေ့၊ ကန်လမ်းမျက်နှာချင်းဆိုင်ဘက်ခြမ်းရှိ ယာဉ်ထိန်းရဲကင်းရုံးမှာ အောက်တိုဘာ ၂၇ ရက်  ဒီနေ့မနက်အစောပိုင်းက ဗုံး၂ လုံး ပေါက်ကွဲခဲ့တယ်လို့ ဒေသခံတွေထံက သိရပါတယ်။

“မနက် ၈ နာရီမထိုးခင်က အင်းလျားကန်ဘောင်မှာ ဗုံးနှစ်လုံးတွေ့တယ်လို့ ကြားတယ်။ စည်ပင်တွေ သန့်ရှင်းရေးလုပ်ရင်း တွေ့ကြတာဖြစ်မယ်။ နောက်မကြာဘူး နှစ်လုံး စကွဲသံ ကြားရတော့တာပဲ” လို့ ဒေသခံက ပြောပါတယ်။

အဆိုပါ ဗုံးကွဲမှုကြောင့် လူတွေ ထိခိုက် ဒဏ်ရာရတာ ရှိ၊ မရှိတော့  မသိရသေးသလို  ဗုံးခွဲမှုကို ဘယ်အဖွဲ့က လုပ်ဆောင်ခဲ့တယ်ဆိုတာလည်း ကြေညာတာ မတွေ့ရသေးပါဘူး။ 

ဗုံးပေါက်ပြီးမကြာခင် ကန်ဘောင်နားတဝိုက်ကို စစ်ကောင်စီတပ်က  စစ်ကားနဲ့ ရဲကားတွေ ရောက်လာပြီး  နယ်မြေရှင်းလင်း၊ စစ်ဆေးရှာဖွေနေပါတယ်။

ဒါ့အပြင် ပြည်လမ်းမတလျှောက်  လုံခြုံရေး တင်းကျပ်စစ်ဆေးရေးမှုတွေ ပြုလုပ်နေတယ်လို့ ဒေသခံတစ်ဦးက ပြောပါတယ်။

1 day Ago

October 23, 2021

ဗားကရာလမ်းဆုံက ယာဉ်ထိန်းရဲကင်း ပစ်ခတ်ခံရပြီး ၁ ဦးသေ၊ ၁ ဦးဒဏ်ရာရ

ရန်ကုန်တိုင်း၊ စမ်းချောင်းမြို့နယ်၊ ဗားကရာချောက်အတွင်းရှိ မီးပွိုင့်လမ်းဆုံက ယာဉ်ထိန်းရဲကင်းကို အောက်တိုဘာ ၂၃ ရက် ဒီနေ့ မွန်းလွဲပိုင်းက   ပစ်ခတ်ခံရပြီး စစ်ကောင်စီ လုံခြုံရေးတပ်ဖွဲ့ဝင် ၁ ဦးသေဆုံးကာ ၁ ဦးဒဏ်ရာရသွားတယ်လို့  စစ်ချောင်းဒေသခံတွေဆီက သိရပါတယ်။

ဒီနေ့လယ် ၂ နာရီခွဲလောက်က အမည်မသိ လက်နက်ကိုင်တချို့ ရောက်ရှိလာပြီး ယာဉ်ထိန်းရဲကင်း ကို ဝင်ရောက် ပစ်ခတ်ခဲ့တာလို့ ဆိုပါတယ်။ ပစ်ခတ်မှုဖြစ်ပွားပြီးနောက် ရဲနဲ့ စစ်တပ်တွေ ရောက်လာပြီး  လမ်းပိတ် စစ်ဆေးနေပါတယ်။

ဒီကနေ့မနက်ကလည်း ဗိုလ်တထောင်မြို့နယ်၊ မဟာဗန္ဓုလလမ်းပေါ်ရှိ ယာဉ်ထိန်းရဲကင်းနဲ့  သန်လျင်မြို့နယ်၊ နည်းပညာတက္ကသိုလ်အနီး လုံခြုံရေး ဂိတ်တို့ ပစ်ခတ်တိုက်ခိုက်ခံရပြီး စစ်ကောင်စီ လက်နက်ကိုင်တပ်တွေ ထိခိုက်သေဆုံး ဒဏ်ရာရခဲ့တယ်လို့သိရပါတယ်။ 

5 days Ago
More News
Up