မှားယွင်းပစ်ချ

November 10, 2020

ရုရှား ရဟတ်ယာဉ်ကို အဇာဘိုင်ဂျန် စစ်တပ် မှားယွင်းပစ်ချ

အဇာဘိုင်ဂျန် စစ်တပ်ဟာ အာမေးနီးယားနိုင်ငံနဲ့ နယ်စပ်နားမှာ ရုရှား ရဟတ်ယာဉ်တစီးကို မတော်တဆ မှားယွင်း ပစ်ချမိခဲ့ပါတယ်။ ဒီအတွက် ရုရှားအစိုးရကို တောင်းပန်ပြီး လျော်ကြေးပေးဖို့ အဆင်သင့်ပဲလို့ အဇာဘိုင်ဂျန် နိုင်ငံခြားရေးဝန်ကြီးဌာနက နိုဝင်ဘာ ၉ ရက်မှာ ကြေညာချက်ထုတ်ပြန်ပါတယ်။ ရုရှားရဲ့ Mi-24 ရဟတ်ယာဉ်တွေထဲက တစီးဟာ အဇာဘိုင်ဂျန် ပိုင်နက်နဲ့ အာမေးနီးယား နိုင်ငံကြား နယ်စပ်မှာ ပစ်ချခံရတယ်။ ဒါကြောင့် ရဟတ်ယာဉ်ပေါ်က လူ ၂ ဦး သေဆုံးပြီး ၁ ဦး ဒဏ်ရာရတယ်လို့ ရုရှား ကာကွယ်ရေးဝန်ကြီးဌာနက နိုဝင်ဘာ ၉ ရက်မှာ ပြောပါတယ်။
5 months Ago

January 14, 2020

ခရီးသည်တင်လေယာဉ်ကို မှားယွင်းပစ်ချခဲ့သဖြင့် ဒေါသထွက်နေသည့် အီရန်ပြည်သူများ ဆန္ဒပြ

အီရန် အာဏာပိုင်တွေက ယူကရိန်း ခရီးသည်တင်လေယာဉ်တစီးကို မှားယွင်းပစ်ချမိ ကြောင်း ဝန်ခံအပြီးမှာ အီရန်ရဲ့ လမ်းတွေပေါ်မှာ ဆန္ဒပြသူတွေ စုရုံးပြီး အုပ်ချုပ်သူတွေကို ပြစ်တင်ရှုတ်ချခဲ့ကြပါတယ်။ ဆန္ဒပြပွဲအတွင်း အဓိကရုဏ်းနှိမ်နင်းရေး ရဲတွေနဲ့ ဆန္ဒပြသူတွေလည်း ထိပ်တိုက်တွေ့ခဲ့ကြပါတယ်။ အရင်သီတင်းပတ်က ယူကရိန်းလေယာဉ်ကို မှားယွင်းပစ်ချမိမှုဟာ ကပ်ဆိုက်လောက်တဲ့ အမှားလို့ အီရန်သမ္မတက ပြောပါတယ်။ အီရတ်မှာရှိတဲ့ အမေရိကန် ပစ်မှတ်တွေကို ဒုံးကျည်နဲ့ ပစ်ခတ်တိုက်ခိုက်အပြီး အီရန်ရဲ့ လေကြောင်းရန် ကာကွယ်ရေးစနစ်က မှားယွင်းတုံ့ပြန်မိတာလို့လည်း သမ္မတက ပြောပါတယ်။ အီရန်အစိုးရဟာ လေယာဉ်ပျက်ကျမှုအတွက် ရက်ချီပြီး ထပ်ကာတလဲလဲ ငြင်းခဲ့အပြီး စစ်တပ်က ဝန်ခံလိုက်တဲ့နောက်မှာ ပြည်သူတွေ ဒေါသပေါက်ကွဲခဲ့ကြပါတယ်။
1 year Ago
Up