မွေးနေ့ဆုတောင်း

A d v e r t i s e m e n t With Us

January 11, 2020

မြောက်ကိုရီးယားခေါင်းဆောင် မွေးနေ့ အမေရိကန်သမ္မတ ဆုတောင်းအမှာစကား ပေးပို့

မြောက်ကိုရီးယားခေါင်းဆောင် ကင်မ်ဂျုံအန်းကို အမေရိကန်သမ္မတ ဒေါ်နယ်ထရမ့်က   မွေးနေ့ဆုတောင်း အမှာစကားပေးပို့ခဲ့တယ်လို့ တောင်ကိုရီးယား အမျိုးသားလုံခြုံရေးအကြံပေး   ချောင်ယွီယုံက ဇန်နဝါရီ ၁၀ ရက်နေ့မှာ ပြောခဲ့ပါတယ်။   ဒီသီတင်းပတ်အတွင်း သမ္မတထရမ့်နဲ့ တွေ့ဆုံခဲ့တဲ့ ချောင်ယွီယုံက ထရမ့်ဟာ မြောက်ကိုရီးယား ခေါင်းဆောင်ကို ဇန်နဝါရီ ၉ ရက်မှာ မွေးနေ့ဆုတောင်း အမှာစကား ပေးပို့ခဲ့တယ်လို့ သတင်းထောက်တွေကို ပြောခဲ့ပါတယ်။ အင်ချွန်းလေဆိပ်ကို ရောက်လာချိန်မှာပဲ ချောင်ယွီယုံက ထရမ့်ဟာ ကင်မ်ရဲ့ မွေးနေ့ကို   အမှတ်ရနေပြီး သူ့ကို ဆုတောင်းစကားပါးလိုက်တယ်လို့ ပြောခဲ့တာပါ။  ဒါပေမဲ့ ထရမ့်ရဲ့ မွေးနေ့ဆုတောင်းဟာ စာနဲ့ ရေးသား ပေးပို့တာလား၊ မွေးနေ့ဆုတောင်းအပြင် တခြား ဘာတွေပါဝင်သလဲဆိုတာကိုတော့  ချောင်ယွီယုံက မပြောခဲ့ပါဘူး။ မြောက်ကိုရီးယားခေါင်းဆောင် ကင်မ်ရဲ့မွေးနေ့ဟာ ဇန်နဝါရီ ၈ ရက် ဖြစ်တယ်လို့ ယုံကြည်ရပေမယ့် မြောက်ကိုရီးယားအစိုးရက ကင်မ်ရဲ့ မွေးနေ့ရက်စွဲကို အတည်ပြုထားတာ မရှိပါဘူး။   ကင်မ်ရဲ့ မွေးနှစ်ဟာ ၁၉၈၄ ခုနှစ်ဆိုပြီး အမေရိကန်အစိုးရက စာရင်းသွင်းထားတာမို့ ကင်မ်ဟာ ဒီနှစ်မှာ ၃၆ နှစ်ပြည့်တယ်လို့ ရိုက်တာသတင်းမှာ ဖော်ပြပါတယ်။ 
1 year Ago
Up