မွေးနေ့

June 18, 2021

ဒေါ်အောင်ဆန်းစုကြည်မွေးနေ့အထိမ်းအမှတ် “ငါတို့ရဲ့ နိုင်ငံတော်”ပန်းချီကားလေလံသိန်း၂၀ ထိရ ရှိနေ

ဖမ်းဆီးထိန်းသိမ်းခံထားရတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အသက် ၇၆ နှစ်ပြည့် အထိမ်းအမှတ် ပန်းချီကားတကားကို ကြမ်းခင်းဈေး ကျပ် ၃ သိန်းနဲ့ လေလံဈေးခေါ်ထားပါတယ်။

  “Our State | ငါတို့ရဲ့နိုင်ငံတော်”လို့ အမည်ပေးထားတဲ့ ၁၀"x၁၂" အရွယ် ဒီ Acrylic ပန်းချီကားကတော့ ပန်းချီဆရာနန္ဒက ရေးဆွဲထားတာဖြစ်ပြီး လေလံတင်ရောင်း ရငွေအားလုံးကို REDs Vote NLD Page ကတဆင့် လှူဒါန်းသွားမှာဖြစ်တယ်လို့ ဆိုပါတယ်။

လေလံဆွဲဝယ်ယူလိုသူတွေအနေနဲ့ ဈေးတကြိမ်တိုးပေးတိုင်း အနည်းဆုံး ၁၀,၀၀၀ ကျပ် တိုးပေးကာ ပါဝင်နိုင်မှာဖြစ်ကာ ဒေါ်အောင်ဆန်းစုကြည်မွေးနေ့‌ဖြစ်တဲ့ ဇွန် ၁၉ ရက် စနေနေ့ နေ့လည် ၁၂ နာရီမှာ အများဆုံးလေလံဈေးပေးထားသူကို ရောင်းချပေးသွားမှာ ဖြစ်ပါတယ်။

Reds Vote NLD ရဲ့ ဖေ့စ်ဘွတ်ခ်လူမှုကွန်ရက်ပို့စ်အောက်မှာတော့ မိမိပေးလိုတဲ့ ဈေးနှုန်းကို မှတ်ချက်ပေးလေလံဆွဲနိုင်မှာဖြစ်ကာ တကယ်လို့ နာမည်မဖော်ပြချင်ရင် လည်း မိမိပေးလိုတဲ့ဈေးနှုန်းကို page messenger ကတဆင့် ပေးပို့နိုင်မှာဖြစ်တယ်လို့ ဆိုပါတယ်။

ပန်းချီကားရောင်းရငွေရဲ့ ၁၀၀ ရာခိုင်နှုန်းလုံးကိုတော့ Reds Vote NLD မှတဆင့်   ပန်းချီဆရာနဲ့ ဝယ်ယူသူ နှစ်ယောက်နာမည်နဲ့ စီစဉ်လှူဒါန်းပေးမှာ ဖြစ်တယ်လို့ ဖော်ပြ ထားပါတယ်။

ပန်းချီကားကို လေလံဈေးဖွင့်တဲ့ အချိန်ပိုင်းအတွင်းမှာပဲ ဈေးတိုးမြှင့်ဝယ်ယူမှုတွေ ရှိနေပြီး လက်ရှိအချိန်ထိ ငွေကျပ်သိန်း ၂၀ ထိ ရောက်ရှိနေခဲ့ပြီ ဖြစ်ပါတယ်။

4 months Ago

May 7, 2020

ဗြိတိန်တော်ဝင်မင်းသားဟယ်ရီ၏ သားငယ် အာချီ ၁ နှစ်ပြည့်မွေးနေ့ပွဲကျင်းပ

ဗြိတိန်ဆက်ဆပ်မြို့စားဟယ်ရီနဲ့ မြို့စားကတော် မက်ဂန်တို့ရဲ့  သားလေး အာချီ တစ်နှစ်ပြည့် မွေးနေ့ကို မေလ ၆  ရက်နေ့က ကျင်းပခဲ့ပါတယ်။  အာချီဟယ်ရီဆင်မောင့်ဘတ်တန်ဝင်ဆာလို့ အမည်ပေးထားတဲ့ ကလေးငယ်ဟာ  ဟယ်ရီပြီးရင်  ဗြိတိန်အရိုက်အရာကို ဆက်ခံမယ့်  သတ္တမ နေရာမှာ ရှိနေပါတယ်။ ဒါပေမဲ့   ဒီနှစ်အစောပိုင်းမှာပဲ ဟယ်ရီက  သူတို့မိသားစုဟာ တော်ဝင်ဝတ္တရားတွေကို ထမ်းဆောင်တော့မှာ မဟုတ်ဘူးလို့ ကြေညာခဲ့တာပါ။ ဒီမကြုံစဖူးလုပ်ရပ်ကြောင့် ဆက်ဆပ်မြိုးစားနဲ့ မြို့စားကတော်တို့ဟာ ဗြိတိန်မှာ နေထိုင်မယ့်အစား  ကနေဒါကနေ တဆင့် အမေရိကန်မှာ ပြောင်းရွှေ့နေထိုင်ပြီး သူတို့ရဲ့ တရားဝင်ပွဲတက် အခမ်းအနားနဲ့ တာဝန်တွေကို   မထမ်းဆောင်တော့ဘူးလို့ ရှုမြင်ကြပါတယ်။ ဒါ့အပြင် မြို့စားနဲ့ မြို့စားကတော်တို့ဟာ  ဗြိတိန် မီဒီယာနဲ့  သဟဇာတ မဖြစ်လှပါဘူး။ ပြီးခဲ့တဲ့ ဧပြီလကပဲ သူတို့က    ဗြိတိန်ရဲ့  လူပြိန်းကြိုက် သတင်းစာတွေနဲ့ ဆက်ဆံရေးဖြတ်တောက်မယ်လို့ ကြေညာထားပါတယ်။ လက်ရှိမှာလည်း သူတို့က ဗြိတိန် သတင်းစာ  The Mail နဲ့ တရားတဘောင် ရင်ဆိုင်နေတယ်လို့ ရိုက်တာသတင်းအရ သိရပါတယ်။ 
1 year Ago
More News
Up