မွန်

A d v e r t i s e m e n t With Us

January 19, 2021

မွန်တွင် စည်းကမ်းလိုက်နာပါက တိုင်းနှင့်ပြည်နယ်က ပြန်လာသူများကို ကွာရန်တင်းစနစ် ဖြုတ်ပေးမည်

ပြည်သူတွေ စည်းကမ်းလိုက်နာပါက တိုင်းနဲ့ပြည်နယ်က ပြန်လာသူတွေကို သတ်မှတ်ထားတဲ့ ကွာရန်တင်းစနစ် ဖြုတ်ပေးဖို့ အဆင်သင့်ရှိတယ်လို့ မွန်ပြည်နယ် ပြည်သူ့ကျန်းမာရေး ဦးစီးဌာနက ပြောဆိုလိုက်ပါတယ်။ မွန်ပြည်နယ်မှာတော့ တခြားတိုင်းနဲ့ ပြည်နယ်က လာရောက်သူတွေနဲ့ နိုင်ငံရပ်ခြား ပြန်လာသူတွေ အစိုးရက သတ်မှတ်ထားတဲ့ ကွာရန်တင်း ဒါမှမဟုတ် ဟိုတယ် ကွာရန်တင်းတွေမှာ ၇ ရက် အသွားအလာကန့်သတ်ပြီး စောင့်ကြည့်တဲ့ စနစ်ကို ကျင့်သုံးနေတာပါ။  လက်ရှိမှာတော့ ပြည်နယ်အတွင်း ပြန်လည်ဝင်ရောက်လာသူတွေဟာ ရောဂါပိုး စစ်ဆေးမခံဘဲ ဝင်ရောက်တာ၊ ခိုးဝင်တာတွေ ရှိနေတဲ့အတွက်ကြောင့် နေအိမ်မှာစောင့်ကြည့်ပြီး ရောဂါပိုး စစ်ဆေးတဲ့ စနစ်ကို လုပ်ဆောင်ဖို့ တိုက်တွန်းတာတွေ ရှိနေတာပါ။  ကျန်းမာရေးဦးစီးဌာနကတော့ ပြည်သူတွေအနေနဲ့ ထုတ်ပြန်ထားတဲ့ စည်းမျဉ်းစည်းကမ်းတွေ လိုက်နာမယ်ဆိုရင် တိုင်းနဲ့ပြည်နယ်က ပြန်လာသူတွေကို သတ်မှတ်ထားတဲ့ ကွာရန်တင်းစနစ် ဖြုတ်ပေးဖို့ အဆင်သင့်ရှိတယ်လို့ မွန်ပြည်နယ် ပြည်သူ့ကျန်းမာရေးဦးစီးဌာန ဒုပြည်နယ်ဦးစီးမှူး ဒေါက်တာဝတ်မှုံက ပြောပါတယ်။ မွန်ပြည်နယ်မှာတော့ တခြားတိုင်းနဲ့ပြည်နယ်က လာသူတွေကို ကွာရန်တင်းစနစ် ကျင့်သုံးနေပေမယ့် ခိုးဝင်တာတွေကြောင့် ထိရောက်မှု မရှိတော့ဘူးလို့ ကိုဗစ်ရောဂါ ထိန်းချုပ် ကုသရေး လုပ်ငန်းစဉ်မှာ ပါဝင်ကူညီနေသူတွေ ပြောပါတယ်။ ဒါအပြင် ရန်ကုန်က ပြန်လာသူတွေကို မွန်ပြည်နယ်မှာ ကွာရန်တင်းထားရှိတာဟာ လက်ရှိ လူဦးရေ အချိုးနဲ့ ပိုးတွေ့ရှိနှိုင်းယှဉ်ရင် ကွာတော့တာ မဟုတ်တဲ့အတွက်ကြောင့် ပြည်သူတွေ အသွားအလာ လုပ်တဲ့နေရာ အခက်အခဲရှိလာတဲ့အတွက်ကြောင့် ဒီစနစ်ဟာ မဖြစ်သင့်တော့ဘူးလို့ မော်လမြိုင် Isolation Ward 3 စေတနာ့ဝန်ထမ်း ဆရာဝန် ဒေါက်တာ သက်ကျော်စိုးက ပြောပါတယ်။ ဒါကြောင့် တခြားတိုင်းနဲ့ပြည်နယ်က ပြန်လာသူတွေကို ရောဂါပိုး စစ်ဆေးပြီး နေအိမ်မှာ စောင့်ကြည့်တဲ့ စနစ်အား ကျင့်သုံးဖို့ လိုအပ်နေတယ်လို့ ဆိုပါတယ်။  မွန်ပြည်နယ်မှာတော့ အခုအခါ ကိုဗစ်-၁၉ အတည်ပြုလူနာတွေနဲ့ အဓိက ထိတွေ့ထားတဲ့သူတွေကို နေအိမ် အသွားအလာကန့်သတ်ပြီး စောင့်ကြည့်တဲ့ စနစ်ကို ကျင့်သုံးနေတာပါ။ ဇော်လွင်ထွဋ်
1 week Ago

November 22, 2020

မွန်တွင် ပြည်သူများ ကိုဗစ်စည်းကမ်းမလိုက်နာပါက ထိန်းမနိုင်အခြေအနေရောက်နိုင်ဟု သတိပေး

မွန်ပြည်နယ်မှာ ကိုဗစ်ရောဂါပိုး တွေ့ရှိမှု ဆက်တိုက်မြင့်တက်လာတာကြောင့် ပြည်သူတွေအနေနဲ့ စည်းကမ်းမလိုက်နာပါက ထိန်းမနိုင်တဲ့ အခြေအနေအထိ ရောက်သွားနိုင်တယ်လို့  ပြည်နယ် ပြည်သူ့ကျန်းမာရေးဦးစီးဌာနက တာဝန်ရှိသူက ပြောဆိုလိုက်ပါတယ်။။  မွန်ပြည်နယ်မှာတော့ အောက်တိုဘာ ၂၂ ရက်နေ့ မနက်ပိုင်းအထိ ကိုဗစ်အတည်ပြုလူနာ ၁၁၁၈ ဦးအထိ ရှိလာခဲ့ပါတယ်။ ရောဂါပိုးတွေ့ရှိမှုအရ သထုံမြို့နယ်နဲ့ ကျိုက်ထိုမြို့နယ်ဟာ နိုဝင်ဘာ ဒုတိယအပတ်ကစပြီး ရောဂါပိုး တွေ့ရှိမှု ဆက်တိုက်မြင့်တက်ခဲ့တာပါ။ အခုလို အခြေအနေတွေကြောင့် ပြည်သူတွေအနေနဲ့ ကိုဗစ်စည်းကမ်းမလိုက်နာရင် ထိန်းမနိုင်တဲ့ အခြေအနေအထိ ရောက်သွားနိုင်တယ်လို့ မွန်ပြည်နယ် ပြည်သူ့ကျန်းမာရေးဦးစီးဌာန ဒုပြည်နယ်ဦးစီးမှူး ဒေါက်တာဝတ်မှုံက ပြောပါတယ်။ ကိုဗစ်ရောဂါပိုး တွေ့ရှိမှုအရ သထုံမြို့နယ်နဲ့ ကျိုက်ထိုမြို့နယ်တို့မှာ ပြီးခဲ့တဲ့ ၁၀ ရက်အတွင်း ကိုဗစ်အတည်ပြုလူနာ ၃၀၀ ကျော်ထိ တွေ့ရှိထားတာပါ။ ရောဂါပိုး ဆက်တိုက်တွေ့ရှိနေမှုကို ပြည်သူတွေအနေနဲ့ စိုးရိမ်တာပဲရှိပြီး စည်းကမ်းလိုက်နာမှု မရှိဘူးလို့ ဆိုပါတယ်။ ပြီးခဲ့တဲ့ ၁၀ ရက်အတွင်း ရောဂါပိုး တွေ့ရှိမှုအရ သထုံမြို့နယ် တခုတည်းမှာပင် ကိုဗစ်အတည်ပြုလူနာ ၂၀၀ နီးပါး ရှိလာခဲ့တာပါ။ လက်ရှိမှာတော့ သထုံမြို့နယ်က ကွာရန်တင်း စင်တာတွေမှာ စောင့်ကြည့်လူနာတွေ ပြည့်နေပြီလို့ သထုံမြို့နယ် ပြည်နယ် လွှတ်တော် ကိုယ်စားလှယ် ဦးအောင်ကျော်သူက ပြောပါတယ်။ အခုလို အခြေအနေတွေကြောင့် ပြည်သူတွေအနေနဲ့ ထုတ်ပြန်ထားတဲ့ စည်းမျဉ်းစည်းကမ်းတွေ လိုက်နာဖို့ လိုအပ်နေတာပါ။  မွန်ပြည်နယ်မှာတော့ နိုဝင်ဘာ ၂၂ ရက်နေ့ မနက်ပိုင်းအထိ ကိုဗစ်အတည်ပြုလူနာ ၁၁၁၈ ဦးထိ ရှိလာခဲ့ပြီး အဲဒီထဲမှာ ၁၀ ဦးသေဆုံးထားပါတယ်။  ဇော်လွင်ထွဋ်
2 months Ago
More News
Up