မြွေဟောက်

March 23, 2022

ထိုင်းတွင် ပါဆယ်ဖြင့်ပေးပို့သော အထုပ်ထဲမှ မြွေဟောက်တွေ့ရှိ

ထိုင်းအရှေ့မြောက်ပိုင်း ခွန်ကဲင်ခရိုင် ပို့ဆောင်ရေးကုမ္ပဏီတခုမှာ ပါဆယ်နဲ့ပို့လာတဲ့ အထုပ်တထုပ်ထဲကနေ မြွေဟောက် ၁ ကောင် တွေ့ရှိတယ်လို့ ထိုင်းရတ်သတင်းမှာ ဖော်ပြပါတယ်။

ခွန်ကဲန်မြို့ မြူနီစီပယ်ရပ်ကွက်ရှိ ပုဂ္ဂလိက ပို့ဆောင်ရေးကုမ္ပဏီတခုမှာ မတ် ၂၂ ရက်က မသင်္ကာဖွယ် အထုပ်တထုပ်ကို လာရောက်စစ်ဆေးပေးဖို့ အကြောင်းကြားတာကြောင့်  သွားရောက်စစ်ဆေးရာက မြွေဟောက် ၁ ကောင် တွေ့ရှိတာလို့ ခွန်ကဲန်ပရဟိတ အသင်းသားတဦးက ပြောပါတယ်။

ကုမ္ပဏီဝန်ထမ်း ပြောပြချက်အရ သူဟာ မနေ့မနက်က အနယ်နယ်အရပ်ရပ်ကို ပို့ဆောင်မယ့် ပါဆယ်ထုပ်တွေ စစ်ဆေးနေစဉ် စက္ကူဂျပ်ဖာတထုပ်ဟာ အလိုလိုလှုပ်နေပြီး အကောင်တကောင်ကောင်ရဲ့ အသံပါ ကြားရကြောင်း၊ ဒါကြောင့် ပရဟတိ ကယ်ဆယ်ရေးအဖွဲ့ကို လှမ်းအကြောင်းကြားလိုက်တာလို့ ဆိုပါတယ်။

ကယ်ဆယ်ရေးအဖွဲ့က ဂျပ်ဖာကို ဖွင့်ကြည့်ရာ အထဲမှာ အဝတ်အိတ် ၁ လုံးတွေ့ကြောင်း၊ လက်နဲ့စမ်းကြည့်ရာမှာ မြွေဖြစ်နိုင်တယ်လို့ ခန့်မှန်းပြီး အဝတ်အိတ်ရဲ့ ဇစ်ကို ဆွဲဖွင့်တာနဲ့ အမှန်တကယ်ပဲ အရှည် ၄ မီတာခန့်ရှိ မြွေဟောင်တကောင် လျှောပြီး ထွက်လာတာလို့ ဆိုပါတယ်။

ကယ်ဆယ်ရေးအဖွဲ့က အဆိုပါမြွေကို ဖမ်းဆီးပြီး နမ့်ဖောင်းမြို့ရှိ မြွေဂေဟာကို ပို့ဆောင်လိုက်ကြောင်း၊ အဆိုပါအထုပ်ဟာ ပို့ဆောင်ရေးကုမ္ပဏီခွဲ တခုကနေ ထပ်ဆင့်လက်ခံရတာ ဖြစ်ပြီး အန္တရာယ်ရှိ အဆိပ်ရှိသတ္တဝါကို ပါဆယ်ကနေ ပေးပို့ရတဲ့ အကြောင်းရင်းနဲ့ လိုအပ်သလို အရေးယူဖို့ ပါဆယ်ပိုင်ရှင် နေရပ်လိပ်စာအတိုင်း ဆက်သွယ်နေတယ်လို့ သတင်းမှာ ဖော်ပြထားပါတယ်။

9 months Ago

October 1, 2019

ဘီယာဘူးထဲ ခေါင်းညပ်နေသည့် မြွေဟောက်ကို ကယ်တင် (ရုပ်သံ)

အိန္ဒိယနိုင်ငံ အရှေ့ပိုင်းက မယွန်းဘန်ဂျ်ခရိုင်မှာ စက်တင်ဘာ ၂၈ ရက်နေ့က ဘီယာဘူးထဲ ခေါင်းညပ်နေတဲ့ မြွေဟောက်တကောင်ကို ကယ်ဆယ်ရေးသမားတွေက ကယ်ထုတ်ပေးခဲ့ရပါတယ်။  ဘီယာဘူးထဲ ခေါင်းညှပ်နေတဲ့ အဲဒီမြွေကို ဒေသခံတယောက်က တွေ့လို့ ကယ်ဆယ်ရေးသမားတွေကို အကြောင်းကြားခဲ့တာပါ။  အဲဒီနောက် အမျိုးသားနှစ်ယောက် ရောက်လာပြီး ဓားတချောင်းနဲ့ ဘီယာဘူးအဝကို ချဲ့လိုက်တဲ့အခါမှာတော့ မြွေဟာ လွတ်မြောက်သွားခဲ့ပါတယ်။  မယူဘန်ဂျ်ခရိုင်ဟာ သစ်တောထူထပ်တာကြောင့် တောရိုင်းတိရစ္ဆာန်တွေ ပေါများပါတယ်။ Spectacled Cobra လို့ လူသိများတဲ့ အိန္ဒိယမြွေဟောက်တွေကို အိန္ဒိယနိုင်ငံနဲ့ အရှေ့တောင်အာရှက သစ်တောဧရိယာတွေမှာ တွေ့ရလေ့ရှိပါတယ်။  ဒါ့အပြင် စားကျက် နယ်မြေတွေ နည်းပါးလာတာကြောင့် အဆိပ်ပြင်းတဲ့ အိန္ဒိယမြွေဟောက် အမျိုးအစားဟာ သဘာဝပတ်ဝန်းကျင် ထိန်းသိမ်းရေး အပြည်ပြည်ဆိုင်ရာသမဂ္ဂက သတ်မှတ်ထားတဲ့  အနီရောင်အဆင့် တောရိုင်း တိရစ္ဆာန်စာရင်းထဲမှာလည်း ပါပါတယ်။ ~~~~~~~~~~~~~~~~~~~~~ Zawgyi_version ဘီယာဘူးထဲ ေခါင္းညပ္ေနသည့္ ေႁမြေဟာက္ကို ကယ္တင္ (႐ုပ္သံ) အိႏၵိယႏိုင္ငံ အေရွ႕ပိုင္းက မယြန္းဘန္ဂ်္ခ႐ိုင္မွာ စက္တင္ဘာ ၂၈ ရက္ေန႔က ဘီယာဘူးထဲ ေခါင္းညပ္ေနတဲ့ ေႁမြေဟာက္တေကာင္ကို ကယ္ဆယ္ေရးသမားေတြက ကယ္ထုတ္ေပးခဲ့ရပါတယ္။ ဘီယာဘူးထဲ ေခါင္းညႇပ္ေနတဲ့ အဲဒီေႁမြကို ေဒသခံတေယာက္က ေတြ႕လို႔ ကယ္ဆယ္ေရးသမားေတြကို အေၾကာင္းၾကားခဲ့တာပါ။ အဲဒီေနာက္ အမ်ိဳးသားႏွစ္ေယာက္ ေရာက္လာၿပီး ဓားတေခ်ာင္းနဲ႔ ဘီယာဘူးအဝကို ခ်ဲ႕လိုက္တဲ့အခါမွာေတာ့ ေႁမြဟာ လြတ္ေျမာက္သြားခဲ့ပါတယ္။ မယူဘန္ဂ်္ခ႐ိုင္ဟာ သစ္ေတာထူထပ္တာေၾကာင့္ ေတာ႐ိုင္းတိရစာၦန္ေတြ ေပါမ်ားပါတယ္။ Spectacled Cobra လို႔ လူသိမ်ားတဲ့ အိႏၵိယေႁမြေဟာက္ေတြကို အိႏၵိယႏိုင္ငံနဲ႔ အေရွ႕ေတာင္အာရွက သစ္ေတာဧရိယာေတြမွာ ေတြ႕ရေလ့ရွိပါတယ္။ ဒါ့အျပင္ စားက်က္ နယ္ေျမေတြ နည္းပါးလာတာေၾကာင့္ အဆိပ္ျပင္းတဲ့ အိႏၵိယေႁမြေဟာက္ အမ်ိဳးအစားဟာ သဘာဝပတ္ဝန္းက်င္ ထိန္းသိမ္းေရး အျပည္ျပည္ဆိုင္ရာသမဂၢက သတ္မွတ္ထားတဲ့  အနီေရာင္အဆင့္ ေတာ႐ိုင္း တိရစာၦန္စာရင္းထဲမွာလည္း ပါပါတယ္။
3 years Ago
Up