မြွေပါသုတ်သင်ရေး

A d v e r t i s e m e n t With Us

November 14, 2020

ဒိန်းမတ်နိုင်ငံတွင် မြွေပါ ၁၇ သန်း သုတ်သင်ရေးအစီအစဉ် ဆက်လုပ်

ဒိန်းမတ်နိုင်ငံက မြွေပါခြံတွေမှာ မျိုးဗီဇပြောင်း ကိုရိုနာဗိုင်းရပ်စ် တွေ့ရှိတာကို အကြောင်းပြုပြီး တနိုင်ငံလုံးက မြွေပါကောင်ရေ ၁၇ သန်း သုတ်သင်ရေးအစီအစဉ်ကို နိုဝင်ဘာ ၁၃ ရက်မှာ ဆက်လက်လုပ်ဆောင်နေပါတယ်။  ပြီးခဲ့တဲ့ သီတင်းပတ်မှာပဲ အာဏာပိုင်တွေက ကိုရိုနာဗိုင်းရပ်စ် မျိုးရင်းသစ်ဟာ လူသားကို ကူးစက်နိုင်ပြီး လာမယ့် ကာကွယ်ဆေးကို  ရှောင်ကွင်းနိုင်တယ် ပြောဆိုကာ မြွေပါကောင်ရေ အားလုံးသုတ်သင်မယ့် အစီအစဉ်ကို စတင်ခဲ့ပါတယ်။  အဲဒီအစီအစဉ်အပေါ် တရားစွဲဆိုတာတွေ ရှိခဲ့ပြီး နိုဝင်ဘာ ၁၀ ရက်မှာတော့ အစိုးရက မြွေပါသုတ်သင်ရေးအမိန့်ကို ခွင့်ပြုတဲ့ဥပဒေ အလျင်အမြန် ရေးဆွဲခဲ့ပါတယ်။  မျက်မြင်တွေ ရိုက်ကူးထားတဲ့ ဗွီဒီယိုထဲမှာ မွေးမြူရေးသမားတွေက မြွေပါသေ အထီးနဲ့ အမ ခွဲခြားပြီး တွန်းလှည်းပေါ် တင်နေတာကို တွေ့ရပါတယ်။  မြွေပါ တစ်ကောင်စီဟာ ဖုန်မှုန့်တွေနဲ့ တခြားအမှုန်တွေ လွှတ်ထုတ်တဲ့ စက်ထဲကို ဖြတ်သွားရတာပါ။  အဲဒီနောက်မှာတော့ မြွေပါတွေဟာ လွှစာမှုန်တွေကြားထဲ ထွက်လာခဲ့ပါတယ်။  လွှစာမှုန်တွေက မြွေပါတွေကို သန့်ရှင်းရေးလုပ်ပေးပြီးနောက်မှာတော့ မြွေပါတွေကို  သားမွေးထုတ်စက်ရုံဆီ ပို့ဆောင်တယ်လို့ ရိုက်တာသတင်းအရ သိရပါတယ်။
3 months Ago
Up