မြောင်မြို့

November 8, 2021

မြောင်မြို့၌ စစ်ယာဉ်တန်းအား PDF အဖွဲ့များဗုံးခွဲ၊ နွားထိုးကြီးက ပျုစောထီခေါင်းဆောင် အသတ်ခံရ

စစ်ကိုင်းတိုင်း မြောင်မြို့ ရဲစခန်းက ထွက်လာတဲ့ ရဲယာဉ်တန်း ဗုံးခွဲတိုက်ခိုက်ခံရတာကြောင့် ရဲတပ်သား အများအပြားသေဆုံးပြီး နွားထိုးကြီးမြို့ ထန်းခွကျေးရွာမှာ ရှိတဲ့ ပျူစောထီးအဖွဲ့ခေါင်းဆောင် ဦးခင်မောင်အေးကို ပစ်သတ်ခံခဲ့ရတယ်လို့ သိရပါတယ်။

မြောင်ရဲစခန်းထဲက ထွက်လာတဲ့ ရဲကားတစ်စီးနဲ့ဆိုင်ကယ် ၅ စီးကို နိုဝင်ဘာ ၇ ရက် နေ့ နေ့လယ်ပိုင်းက မြင်းခြံ နဲ့မြောင် PDF အဖွဲ့ဝင်တွေက ပူးပေါင်းတိုက်ခိုက်ခဲ့ကြတာလို့ PDFအဖွဲ့ဝင်တွေဆီက သိရပါတယ်။

မြောင်မြို့နဲ့ ခြေရာတော် ကြားအရောက်မှာ မိုင်း ၃ လုံး တွဲ ဖောက်ခွဲတိုက်ခိုက်ခဲ့ရာမှာ ရဲတပ်ဖွဲ့ဝင်တွေ အများအပြားသေဆုံးခဲ့ပြီး အရေအတွက်ကို အတည်မပြုနိုင်သေးဘူးလို့ PDF အဖွဲ့ဝင်တွေဆီက သိရပါတယ်။

မိုင်းဆွဲတိုက်ခိုက်မှုကို 27 Revolution Force (မြင်းခြံ)၊ Myaung Special People ‘s Defence Force (MSPDF)နဲ့ မဟာမိတ်တွေဖြစ်တဲ့ မြောင်မြို့နယ် TGR ပြည်သူ့ ကာကွယ်ရေး တပ်ဖွဲ့၊ Black Eagle Defence Force- MMU ၊ Young Fighters People’s Defence Force Of Myaung -YFPDF၊  11Brothers Revolution Force တို့နဲ့ ပူးပေါင်းပြီး မြောင်မြို့နဲ့ ခြေရာတော် ကျေးရွာကြားမှာ တိုက်ခိုက်ခဲ့ကြာလို့ သိရပါတယ်။

နိုဝင်ဘာ ၇ ရက်နေ့ ည နေ ၅ နာရီခွဲအချိန်လောက်က ထန်းဂွကျေးရွာက ပျူစောထီး အဖွဲ့ခေါင်းဆောင် ဦးခင်မောင်အေးကို ရှင်းလင်းသုတ်သင်ခံခဲ့ရတယ်လို့ သိရပါတယ်။

Natogyi People Defence Forceက သေနတ်တစ်ချက်နဲ့ ရှင်းလင်းသုတ်သင်ခဲ့တယ်လို့ ထုတ်ပြန်ထားပါတယ်။ Natogyi People Defence Force ဟာ နွားထိုးကြီးမြို့နယ် ပဲချက်ကျေးရွာမှာရှိတဲ့ စစ်မှုထမ်းဟောင်း (ထလရ)ဒလန် ဦးသိန်းစိုးကို Revengers Guerrilla Force နဲ့ ပူးပေါင်း ရှင်းလင်းသုတ်သင်ခဲ့တယ်လို့လည်း သိရပါတယ်။

မိုင်းဆွဲတိုက်ခိုက်ခံရမှုကြောင့် စစ်ကောင်စီတပ်ဖွဲ့ဝင် အများအပြား သေဆုံးတယ်ဆိုတာနဲ့ပတ်သက်ပြီး ဒီဗွီယီက သီးခြားအတည်မပြုနိုင်သေးပါဘူး။

3 weeks Ago

November 3, 2021

မြောင်မြို့နယ်တွင် စစ်ယာဉ်တန်း မိုင်းခွဲတိုက်ခိုက်ခံရ၊ ရဲနှင့်စစ်သား ၁၅ ဦး သေဆုံး

စစ်ကိုင်းတိုင်း မြောင်မြို့နယ် ဘိုးမြတ်သာရွာ တောင်ဘက်က ပေါက်တောချောင်းတံတားအနီးမှာ စစ်ကောင်စီ ယာဉ်တန်း မိုင်းခွဲတိုက်ခိုက်ခံရတာကြောင့် ၁၅ ဦးထက်မနည်း သေဆုံးတယ်လို့  သိရပါတယ်။

မြောင်မြို့နယ် မဟာမိတ်တပ်ဖွဲ့ ၁၀ ဖွဲ့ ပူးပေါင်းပြီး နိဝင်ဘာ ၂ရက်နေ့ နေ့လည် ၂ နာရီခွဲလောက်က စစ်ကောင်စီယာဉ်တန်း ၃ စီးကို မိုင်း ၁၀ လုံးခွဲတိုက်ခိုက်ခဲ့တာလို့ မဟာမိတ်အဖွဲ့တွေက အတည်ပြုပြောဆိုပါတယ်။

မိုင်းခွဲတိုက်ခိုက်ခံရမှုကြောင့် ယာဉ်ပေါ်ပါလာတဲ့ အကြမ်းဖက် စစ်တပ်နဲ့ရဲတပ်ဖွဲ့ဝင်တွေ အဝေးကို လွှင့်စင်ခဲ့ကြကာ ၁၅ ဦး သေဆုံးခဲ့ပြီး ပြည်သူ့ကာကွယ်ရေးတပ်ဖွဲ့ဝင်တွေကတော့ အထိအခိုက်မရှိခဲ့ဘူးလို့ ဆိုပါတယ်။

တိုက်ခိုက်မှုကို မြောင်မြို့နယ် ပြည်သူ့ကာကွယ်ရေးနဲ့ လုံခြုံရေးအဖွဲ့ CDSOM အဖွဲ့က ဦးဆောင်ပြီး Burmese Guerrilla Fore- BGF  Myaung Union Army – MUA၊ နှလုံးလှလူမိုင်ကြီးများအဖွဲ့၊ မြင်းမူလျှပ်စီးပြောက်ကျားအဖွဲ့၊ MGN TIGER၊ MGN RANGER ၊ PDF Taloke ၊ Myaung Special People Defense Force နဲ့ Myaung Woman Warriors- M2W စတဲ့ မဟာမိတ်အဖွဲ့ ၁၀ ဖွဲ့ ပူးပေါင်းတိုက်ခိုက်ခဲ့ကြတာဖြစ်ပါတယ်။

အောက်တိုဘာ ၃၀ ရက်နေ့က တန်ဖိုးရှိရှိ မြင့်မြတ်စွာ ကျဆုံးခဲ့တဲ့ သူရဲကောင်းရဲဘော်အင်းဆက်အတွက် သွေးကြွေးပေးဆပ်တာလို့ မဟာမိတ်အဖွဲ့ဝင်တစ်ဦးက ပြောပါတယ်။

မိုင်းဆွဲတိုက်ခိုက်မှုကြောင့် စစ်ကောင်စီတပ်ဖွဲ့ဝင်တွေ သေဆုံးဒဏ်ရာရရှိတာနဲ့ပတ်သက်ပြီး ဒီဗွီဘီက သီးခြားအတည်မပြုနိုင်သေးပါဘူး။

4 weeks Ago
Up