Warning: mysqli_query(): MySQL server has gone away in /var/www/html/burmese.dvb.no/dvb2020/wp-includes/wp-db.php on line 2056

Warning: mysqli_query(): Error reading result set's header in /var/www/html/burmese.dvb.no/dvb2020/wp-includes/wp-db.php on line 2056

Warning: Error while sending QUERY packet. PID=24094 in /var/www/html/burmese.dvb.no/dvb2020/wp-includes/wp-db.php on line 2056

မြောက်ဦး

September 2, 2020

မြောက်ဦး စစ်ဘေးရှောင်စခန်း ၅ ခုရှိ လူ ၁၀၀ ကျော်ကို ဆေးစစ်ချက်အရ ကိုဗစ်-၁၉ ပိုးမတွေ့

ရခိုင်ပြည်နယ်၊ မြောက်ဦးမြို့ရှိ စစ်ဘေးရှောင်စခန်း ၅ ခုမှာ စစ်ဘေးရှောင် ၁၀၀ ကျော်ရဲ့ နှာခေါင်းနဲ့ အာခေါင်တို့ဖတ် ဓာတ်ခွဲနမူနာရယူ စစ်ဆေးချက်တွေအားလုံး ကိုဗစ်-၁၉ ရောဂါပိုးမတွေ့ရှိဘူးလို့ မြောက်ဦး ပြည်သူ့ဆေးရုံအုပ်ကြီးက ပြောပါတယ်။ မြောက်ဦးမြို့ ပြည်သူဆေးရုံအုပ်ကြီး ဒေါက်တာခင်မောင်သန်းက "စစ်ဘေးရှောင်စခန်း ၅ ခုကနေ ရောဂါပိုးတွေရှိသူတွေနဲ့ ထိတွေခဲ့ကြသူ ၁၀၀ ကျော်ရဲ့ နှာခေါင်းနဲ အာခေါင်တို့ဖတ်တွေကို စစ်ဆေးရာမှာ ကံကောင်းစွာပဲ အားလုံးမှာ ရောဂါပိုး မတွေ့ရှိရပါဘူး။ သူတို့အားလုံးကိုတော့ ဒုတိယအကြိမ်ပြန်စစ်ဆေးရမှာပါ"လို့ ပြောပါတယ်။ လက်ရှိတွင် ပိုးတွေ့လူနာတွေနဲ့ ထိတွေ့ခဲ့တဲ့ စစ်ဘေးရှောင်စခန်း ၅ ခု မှ လူ ၁၀၀ ကျော်ကို အဆိုပါ စစ်ဘေးရှောင်စခန်းတွေရှိ သီးသန့်သတ်မှတ်ထားတဲ့ နေရာတွေမှာ Quarantine နေထိုင်ခိုင်းထားကြောင်း စစ်ဘေးရှောင်စခန်းတွေမှ သိရပါတယ်။ လက်ရှိ မြောက်ဦးမြို့မှာ ကိုဗစ်-၁၉ ရောဂါပိုးတွေ့ရှိသူ ၁၈ ဦးအထိ ရှိနေပြီး ဒီအထဲက ၂ လသား ကလေး ၁ ဦး၊ ၆ လသား ကလေး ၁ ဦး၊ ၂ နှစ်အရွယ်ကလေး ၁ ဦးနဲ့ ၇ နှစ်အရွယ် ကလေး ၁ ဦးပါရှိကြောင်း ဆရာဝန်ကြီးက ဆက်ပြောပါတယ်။ "အသက် ၇ နှစ်အရွယ်ပိုးတွေ့လူနာရဲ့ဖခင်က မြောက်ဦးဆေးရုံက ဆရာဝန်ဖြစ်တယ်။ ဖခင်ကိုယ်တိုင်ပိုးတွေ့ထားတော့ ကလေးကို ကိုယ်တိုင်ပြုစုနိုင်တယ်။ ဒါပေမဲ့ အသက် ၂ နှစ် အရွယ်ပိုးတွေ့တဲ့ကလေးရဲ့ အမေကျတော့ Negative ဗျ။ သူမကိုကျတော့ ၄၈ နာရီအတွင်း ပြန်ပြီးစစ်ဆေးရတယ်။ ကလေးကအသက်မပြည့်ရင် မိခင်ကိုပါထားရပါတယ်။ နောက် ၂ လသား ကလေးနဲ့ ၆ လသားအရွယ် ကလေးတွေကိုပါ တစ်ဦးတည်းထားလို့ မရတာကြောင့် အမေတွေကိုပါ ကလေးတွေနဲ့အတူထားရတယ်။ ကလေး ၄ ဦးစလုံးကတော့ အားလုံး ကျန်းကျန်းမာမာပါ" လို့ မြောက်ဦးမြို့ပြည်သူဆေးရုံအုပ်ကြီး ဒေါက်တာခင်မောင်သန်းက ဒီဗွီဘီ ကိုပြောပါတယ်။ မြောက်ဦးမြို့ပြည်သူဆေးရုံမှာ ကိုဗစ်လူနာ ၂၅ ဦးအထိသာ ဆေးကုသနိုင်တဲ့အတွက် အရင်ဆေးရုံဟောင်းမှာ လူနာ ၅၀ အထိ ဆေးကုသနိုင်အောင်  ဆောင်ရွက်ထားရှိပါတယ်။ သတင်း - လင်းလက်
7 months Ago

August 27, 2020

မြောက်ဦး၊ ဘူးသီးတောင်နှင့် ဒဂုံမြို့သစ်တောင်ပိုင်းတို့တွင် ပြည်တွင််းကူးစက်ခံ လူနာသစ် ၆ ဦး တွေ့ရှိ

မြောက်ဦး၊ ဘူးသီးတောင်နဲ့ ဒဂုံမြို့သစ်တောင်ပိုင်းတို့မှာ ပြည်တွင်း ကူးစက်ခံရတဲ့ ကိုဗစ်-၁၉ လူနာသစ် ၆ ဦး တွေ့ရှိတယ်လို့ ကျန်းမာရေးနဲ့အားကစားဝန်ကြီးဌာနက ဒီနေ့မနက် ၈ နာရီ ထုတ်ပြန်ပါတယ်။ အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) က ဓာတ်ခွဲနမူနာ ၈၄၅ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မော်လမြိုင်) က ၁၆၂ ခုနဲ့ ကျောက်ဖြူမြို့ ပြည်သူ့ဆေးရုံကြီးက ၂၄ ခုတို့အား စစ်ဆေးခဲ့ပြီး ကိုဗစ်-၁၉ လူနာသစ် ၆ ဦး တွေ့ရှိခဲ့တာပါ။ လူနာသစ် ၆ ဦးမှာ ရခိုင်ပြည်နယ် မြောက်ဦးမြို့က ၃ ဦး၊ ဘူးသီးတောင်မြို့က ၂ ဦးနဲ့  ဒဂုံမြို့သစ်တောင်ပိုင်းက ၁ ဦးတို့ဖြစ်ပြီး ပြည်ပခရီးသွားရာဇဝင်မရှိဘဲ အသွားအလာကန့်သတ်ထားသူတွေနဲ့ စောင့်ကြည့်လူနာတွေဖြစ်တယ်လို့ သိရပါတယ်။ ရခိုင်ပြည်နယ်က ၅ ဦးကတော့ ကိုဗစ်-၁၉ အတည်ပြုလူနာတွေနဲ့ ထိတွေ့မှုရှိခဲ့ပြီး ဒဂုံမြို့သစ်တောင်ပိုင်းက ၁ ဦးကတော့ ထိတွေ့မှုမရှိဘဲ စစ်တွေကို ခရီးသွားရာဇဝင်ရှိခဲ့တယ်လို့ ဆိုပါတယ်။ သူတို့အားလုံးကို သက်ဆိုင်ရာမြို့နယ် ဆေးရုံတွေမှာ ဆေးကုသမှု ခံယူစေမယ်လို့ ဆိုပါတယ်။ မနေညက ဓာတ်ခွဲနမူနာ ၁,၂၆၅ ခုစစ်ဆေးရာမှာလည်း ပြည်ပခရီးသွားရာဇဝင်မရှိတဲ့ ရခိုင်ပြည်နယ် စစ်တွေမြို့နယ်က ၃ ဦး၊ ကျောက်တော်မြို့နယ်က ၂ ဦးနဲ့ စစ်ကိုင်းတိုင်းကလေးမြို့က အမေရိကန်ပြန် အသက် ၃၃ နှစ်အရွယ် အမျိုးသမီး ၁ ဦးတို့ ဖြစ်ကြပါတယ်။ ဩဂုတ် ၂၇ ရက် မနက် ၈ နာရီအထိ  မြန်မာနိုင်ငံမှာ ကိုဗစ်-၁၉  ရောဂါဓာတ်ခွဲ အတည်ပြုလူနာ ၅၈၆ ဦး၊ သေဆုံးသူ ၆ ဦး၊  နှစ်ကြိမ်ဆက်တိုက် ပိုးမတွေ့ရှိလို့ ရောဂါပိုးကင်းစင်လာသူ ၃၄၅ ဦး၊ ဆေးရုံးမှ ဆင်းခွင့်ပြုခဲ့သူ ၃၃၉ ဦးနဲ့ စောင့်ကြည့်လူနာအသစ် ၄၇ ဦးရှိပါတယ်။ ရခိုင်ပြည်နယ်ထဲမှာတော့ ဩဂုတ် ၁၆ ရက်ကနေ ဒီနေ့မနက်အထိ ကိုဗစ်-၁၉ လူနာ ၁၈၄ ဦး တွေ့ရှိထားပါတယ်။
8 months Ago
More News
Up