မြေအောက်ရထား

A d v e r t i s e m e n t With Us

June 11, 2020

နယူးယောက်တွင် မြေအောက်ရထားလိုင်းများ ပြန်ဖွင့်

ကိုဗစ်-၁၉ ကပ်ဘေးကာလအတွင်း  သုံးလနီးပါး အသွားအလာကန့်သတ်ချက် လော့ဒေါင်းချထားခဲ့ပြီးနောက် အမေရိကန်ပြည်ထောင်စု နယူးယောက်မြို့မှာ အများသုံး မြေအောက်ရထားလိုင်းတွေ ပြန်ဖွင့်နေပါပြီ။ ဒါဟာ လော့ဒေါင်းချထားတာကို ပထမအဆင့် ပြန်ဖွင့်မှုအဖြစ် ဇွန်လ ၈ ရက်က စဖွင့်ခဲ့ တာဖြစ်ပြီး နယူးယောက်မြို့ပြပို့ဆောင်ရေးအာဏာပိုင်အဖွဲ့ကလည်း မြို့တော်ရဲ့ မြေအောက်ရထားလမ်းစနစ်ကို ကပ်ဘေးမတိုင်ခင်အဆင့်ရဲ့ ၉၅ ရာခိုင်နှုန်း ပြန်ဖွင့်ထားခဲ့ပြီလို့ ဆိုပါတယ်။ ဒါပေမဲ့ ရထားစီးသူတွေကတော့ အရင်ကထက် နည်းပါးနေဆဲဖြစ်ပြီး တော်တော်များများက နေအိမ်ကနေပဲ အလုပ်လုပ်နေဆဲပါ။  နယူးယောက် မြို့သူမြို့သား တော်တော်များများဟာ မြို့တော်ရဲ့ရထားစနစ်ကို မှီခိုသွားလာ နေရတာဖြစ်ပြီး ဒီအပတ်ထဲမှာ လူသောင်းနဲ့ချီပြီး လုပ်ငန်းခွင်တွေ ပြန်ဆင်းဖို့ ရှိနေပါတယ်။  ဘူတာရုံတွေမှာ ရဲတွေက ဝင်လာတဲ့ ခရီးသည်တွေကို လက်သန့်ဆေးရည်နဲ့ မျက်နှာဖုံးတွေ ဝေငှနေတာ တွေ့ရတယ်လို့ ရိုက်တာသတင်းမှာ ဖော်ပြပါတယ်။ 
9 months Ago

March 22, 2020

ဟောင်ကောင် မြေအောက်ရထားများတွင် ရိုဘော့များဖြင့် ပိုးသတ်ဆေးဖျန်း 

ဟောင်ကောင် မြေအောက်ရထားတွေမှာ ရေခဲသေတ္တာငယ်အရွယ် ရိုဘော့တွေနဲ့ ပိုးသတ်ဆေးဖျန်းနေပါတယ်။ သေတ္တာပုံစံ ရိုဘော့တွေဟာ မြေအောက်ရထားထဲမှာ အလိုအလျောက် ဟိုက်ဒရိုဂျင်ပါ အောက်ဆိုက်ပျော်ရည်ကို  ပက်ဖျန်းနိုင်ပါတယ်။ ရိုဘော့တွေကို အဝေးထိန်းခလုတ်နဲ့ ထိန်းကျောင်းနိုင်သလို ကြိုတင်သတ်မှတ်ထားတဲ့ ပုံစံနဲ့  လမ်းညွှန်နိုင်ပါတယ်။ တွဲ ၈ တွဲပါ ရထားတစင်းကို ရိုဘော့နဲ့ ပိုးသတ်ဆေးဖျန်းမယ် ဆိုရင် အချိန် ၄ နာရီခန့် ကြာတယ်လို့ ကုမ္ပဏီက ဆိုပါတယ်။  မတ် ၂၀ ရက်နေ့မှာတော့ MTR Operations Director တိုနီလီက ရိုဘော့ဟာ လူသား သန့်ရှင်းရေးတွေ လက်လှမ်းမမီတဲ့နေရာတွေကို သန့်ရှင်းပေးနိုင်ပြိး အန္တရာယ်များလှတဲ့ တာဝန်တွေကိုလည်း ထမ်းဆောင်နိုင်တယ်လို့ ပြောပါတယ်။ ဖေဖော်ဝါရီလ နှောင်းပိုင်းက မောင်းကွတ်ခရိုင် MTR ရုံးမှာ ဝန်ထမ်းတဦး ဗိုင်းရပ်စ် ကူးစက်ခံရပြီးနောက်မှာ ရိုဘော့နဲ့ အစားထိုး အသုံးပြုနေပြီ ဖြစ်ပါတယ်။  ပုံမှန်အားဖြင့် ပိုးမွှားကူးစက်ခံရမှုကင်းအောင် ဆေးရုံနဲ့ စမ်းသပ်ခန်းမှာ ရိုဘော့ နည်းပညာကို အသုံးပြုနေပါတယ်။ ကိုရိုနာဗိုင်းရပ်စ်ကို ထိန်းချုပ်ရာမှာ ဟောင်ကောင်ဟာ အောင်မြင်မှု ရနေပါတယ်။ ဗိုင်းရပ်စ် ကူးစက်ခံရသူ ၂၅၆ ဦး ရှိပြီး ၄ ဦး သေဆုံးထားတဲ့ ဟောင်ကောင်မှာ ခရီးသွားသူတွေကို တင်းတင်းကျပ်ကျပ် ထိန်းချုပ်ပြီး မတ် ၁၉ ရက်က ရောက်လာသူတွေကို  ၁၄ ရက် သီးခြားစောင့်ကြည့်ဖို့ ညွန်ကြားထားပါတယ်။ ဒါ့အပြင် မလိုအပ်ဘဲ ခရီးမသွားကြဖို့  အကြံပြုထားတယ်လို့လည်း ရိုက်တာသတင်းက ဖော်ပြပါတယ်။
12 months Ago
Up