မြေအောက်

January 24, 2021

မြေအောက် ၁၄ ရက်ကြာ ပိတ်မိနေသည့် တရုတ်ရွှေသတ္ထုတွင်း လုပ်သားများထဲက ၁ ဦးကို ကယ်ထုတ်

တရုတ်နိုင်ငံ မြောက်ပိုင်းက ရွှေသတ္ထုတွင်းထဲမှာ ပေါက်ကွဲမှုဖြစ်အပြီး မြေအောက်ထဲမှာ ၁၄ ရက်ကြာ ပိတ်မိနေတေဲ့ တွင်းသားတွေထဲက ပထမဆုံး တယောက်ကို ဇန်နဝါရီ ၂၄ ရက်မှာ ကယ်ထုတ်နိုင်ခဲ့ပါတယ်။ “သူ့ကို မနက်ပိုင်းမှာ ကယ်ထုတ်အပြီး ဆေးရုံကို အမြန်တင်ပို့ခဲ့ရပါတယ်။ တွင်းသားဟာ အင်မတန် အားနည်းနေတယ်” လို့ တရုတ်အစိုးရ ရုပ်သံ စီစီတီဗီရဲ့ ဝေဘို မိုက်ခရို ဘလော့ အင်တာနက် စာမျက်နှာက ဆိုပါတယ်။ တရုတ်နိုင်ငံ အရှေ့ဘက် ကမ်းရိုးတန်းက ရှန်တုံးပြည်နယ် ယန်ထိုက်စီရင်စု ချီရှားဒေသက ဟူရှန်းသတ္ထုတွင်းထဲမှာ ဇန်နဝါရီ ဆယ်ရက်က ပေါက်ကွဲခဲ့တာကြောင့် တွင်းသား ၂၂ ယောက် မြေအောက်ထဲမှာ ပိတ်မ်နေခဲ့တာပါ။ တွင်းသား ၁ ယောက် ဦးခေါင်းဒဏ်ရာနဲ့ သေဆုံးပြီး ၁၁ ယောက်နဲ့ ကယ်ဆယ်ရေး သမားတွေ အဆက်အသွယ်မရသေးဘူးလို့ ဆင်ဟွာ သတင်းမှာ ဖော်ပြထားပါတယ်။  ကယ်ဆယ်ခံရတဲ့ တွင်းသားဟာ စားနပ်ရိက္ခာ အထောက်အပံ့ရတဲ့ တွင်းသား ဆယ်ယောက် အုပ်စုရှိတဲ့နေရာမှာ မဟုတ်ဘဲ သီးခြားနေရာမှာ ရောက်နေခဲ့ပြီး သူ့ကို အရင် ကယ်ထုတ်နိုင်ခဲ့တာပါ။ တွင်းသား ဆယ်ယောက် ရှိတဲ့နေရာဆီ ရောက်ဖို့ တွင်းတူးစင် မဖောက်ခင် ဆိုးဆိုးရွားရွား ပိတ်ဆို့နေတဲ့ အတားအဆီးတွေကိုဖယ်ဖို့ အချိန် ၂ ပတ် ကြာနိုင်တယ်လို့ အရာရှိတွေက ဇန်နဝါရီ ၂၁ ရက်မှာ ပြောထားပါတယ်။
9 months Ago

July 30, 2020

အီရန်စစ်တပ် ဒုံးကျည်များကို မြေအောက်မှ ပထမဆုံးအကြိမ် စမ်းသပ်ပစ်ခတ် 

အီရန်တော်လှန်ရေးအစောင့်တပ်ဟာ ဒုံးကျည်တွေကို မြေအောက်ကနေ ပထမဆုံးအကြိမ်အနေနဲ့ ပစ်လွှတ်ခဲ့တယ်လို့ အစောင့်တပ်ရဲ့ လေကြောင်းနည်းပညာတပ်ဖွဲ့အကြီးအကဲက  ပြောကြားလိုက်ပါတယ်။ အီရန်နဲ့အမေရိကန်အစိုးရတို့အကြား တင်းမာမှုမြင့်တက်နေချိန်မှာပဲ ဇူလိုင် ၂၈ ရက်က ပါရှန်ပင်လယ်ကွေ့မှာ  အီရန်စစ်ရေးလေ့ကျင့်မှု စတင်ခဲ့ပါတယ်။  အီရန်ရဲ့စစ်ရေးလေ့ကျင့်မှုကြောင့်  ဒေသတွင်း အမေရိကန်စစ်စခန်း နှစ်ခုကို  လုံခြုံရေး တပ်လှန့်ခဲ့ရပြီး အီရန်ဒုံးကျည်ပစ်လွှတ်မှုတွေက တာဝန်မဲ့လွန်းတယ်လို့ အမေရိကန် စစ်တပ်က ပြောပါတယ်။ မကြာသေးခင်နှစ်တွေမှာ ပင်လယ်ကွေ့အတွင်း အီရန်အစောင့်တပ်တွေနဲ့အမေရိကန် စစ်ဘက်အကြား မကြာခဏဆိုသလို ထိပ်တိုက်တွေ့တာတွေ ဖြစ်ခဲ့ပါတယ်။ အီရန်ရေတပ်ဟာ ဟော်ဇ်မုန်ရေလက်ကြားကို ဖြတ်လာတဲ့ အမေရိကန်စစ်သင်္ဘောတွေကို  တိုက်ခိုက်ရေး လှေငယ်တွေ စေလွှတ်နှောင့်ယှက်ခဲ့တယ်လို့ အမေရိကန်စစ်တပ်က စွပ်စွဲ ပြောဆို ထားပါတယ်။  အခု အီရန်ဒုံးကျည်ပစ်လွှတ်တဲ့ ဗွီဒီယိုမှာ ဒုံးကျည်တွေက  အမေရိကန်လေယာဉ်တင် သင်္ဘောပုံတူ  ပစ်မှတ်ထိမှန်တာကို ပြသခဲ့ပါတယ်။    အီရန်အစောင့်တပ်နဲ့ ရေတပ်လေ့ကျင့်မှုအတွင်း အမေရိကန် စစ်သင်္ဘော ပုံတူရုပ်တွေကို   မကြာခဏ အသုံးပြုလာတယ်လို့လည်း  ရိုက်တာက ဖော်ပြပါတယ်။
1 year Ago
More News
Up