မြေငလျင်လှုပ်ခတ်

September 20, 2021

လေရှီးမြို့နှင့် စေတုတ္တရာမြို့အနီး မြေငလျင်များလှုပ်ခတ်

စစ်ကိုင်းတိုင်း၊ နာဂကိုယ်ပိုင်အုပ်ချုပ်ခွင့်ရဒေသ၊  လေရှီးမြို့ အနီးမှာ   စက်တင်ဘာလ ၂၀ ရက်မနက် အစောပိုင်းက အင်အားရစ်ချ်တာစကေး ၅ ဒသမ ၁ အဆင့်ရှိ အင်အားအသင့်အတင့်ရှိတဲ့  မြေငလျင်လှုပ်သွားတယ်လို့ မိုးဇလဌာနက ထုတ်ပြန်ပါတယ်။ 

မြန်မာစံတော်ချိန် မနက် ၁ နာရီ ၅၄ မိနစ်၊ ၀၄ စက္ကန့်မှာ တမူးမြေငလျင်စခန်းမှ မြောက်-အရှေ့မြောက်ဘက် ၈၂ မိုင်ခန့်ကွာဝေးတဲ့ မြန်မာနိုင်ငံပြည်တွင်း လေရှီးမြို့ရဲ့ အနောက်တောင်ဘက် ၁၁ မိုင်ခန့်အကွာ အနက်  ၆၉ ကီလိုမီတာကို ဗဟိုပြု လှုပ်ရှားသွားတာလို့ ဆိုပါတယ်။  

အလားတူ စက်တင်ဘာ ၂၀ ရက်၊ မြန်မာစံတော်ချိန် (၀၀)နာရီ၊ (၄၇)မိနစ်၊ (၄၁)စက္ကန့်မှာ စစ်တွေမြေငလျင်စခန်းမှ အရှေ့-အရှေ့မြောက်ဘက် ၇၆ မိုင်ခန့်ကွာဝေးတဲ့ မကွေးတိုင်း စေတုတ္တရာမြို့ရဲ့ အနောက်ဘက် ၁၅ မိုင်ခန့်အကွာ၊ အနက်  ၁၅ ကီလိုမီတာကို ဗဟိုပြုပြီး အင်အားရစ်ချ်တာစကေး ၃ ဒသမ ၈ အဆင့်ရှိ အင်အားအနည်းငယ်ရှိတဲ့ မြေငလျင်တစ်ခု လှုပ်ခတ်သွားတယ်လို့ ဆိုပါတယ်။

ဒါ့အပြင် စက်တင်ဘာလ ၂၀ ရက် မြန်မာစံတော်ချိန် (၀၀)နာရီ၊ (၀၀)မိနစ်၊ (၄၉)စက္ကန့်မှာ စစ်တွေမြေငလျင်စခန်းမှ အရှေ့-အရှေ့မြောက်ဘက် ၇၃ မိုင်ခန့်ကွာဝေးတဲ့ စေတုတ္တရာမြို့ အနောက်ဘက် ၁၈ မိုင်ခန့်အကွာ  အနက် ၂၂ ကီလိုမီတာကို ဗဟိုပြုပြီး  အင်အားရစ်ချ်တာစကေး ၃ ဒသမ ၇ အဆင့်ရှိ အင်အားအနည်းငယ်ရှိ မြေငလျင်တစ်ခုလှုပ်သွားတယ်လို့လည်း  မိုးဇလက ထုတ်ပြန်ထားပါတယ်။

အဆိုပါ မြေငလျင်တွေကြောင့် လူတွေထိခိုက်ဒဏ်ရာရ၊ အိုးအိမ်တွေ ထိခိုက်ပျက်စီးမှု အခြေအနေ သတင်းတွေကတော့ မရရှိသေးပါဘူး။

1 day Ago

September 8, 2021

မက္ကဆီကိုတွင် အင်အား ရစ်ခ်တာစကေး ၇ ဒသမ ၄ ရှိ ငလျင်လှုပ်ခတ်

မက္ကဆီကိုနိုင်ငံ အနောက်တောင်ပိုင်း ဂွါရဲရိုပြည်နယ် အကာပါလ်ကို အပန်းဖြေစခန်းမြို့နားမှာ စက်တင်ဘာ ၇ ရက်ညက အင်အား ရစ်ခ်တာစကေး ၇ ဒသမ ၄ ရှိတဲ့ ငလျင်တခု လှုပ်ခတ်ခဲ့တယ်လို့ အမေရိကန် ဘူမိစစ်တမ်း USGS က ပြောပါတယ်။

ငလျင်ကြောင့် လမ်းတွေပေါ်ကို ကျောက်တုံးတွေ ပြုတ်ကျခဲ့ပြီး မြေပြိုတာတွေ ဖြစ်ခဲ့တယ်လို့ ဂွါရဲရိုပြည်နယ် အရပ်ဘက် ကာကွယ်ရေး အာဏာပိုင်တွေက ပြောပါတယ်။

မြို့ထဲမှာ အဆောက်အအုံ ထိခိုက်တာတွေ ရှိတယ်လို့ မျက်မြင်သက်သေ တယောက်က ပြောကြောင်း ရိုက်တာသတင်းမှာ ဖော်ပြပါတယ်။

မြို့တော်မှာ အကြီးအကျယ် ထိခိုက်ပျက်စီးမှု အစီရင်ခံစာ မတက်လာသေးဘူးလို့ မက္ကဆီကိုစီးတီး မြို့တော်ဝန်က ပြောပါတယ်။

မက်ဆီကိုစီးတီးမြို့မှာ အဆောက်အအုံတွေ ယိမ်းထိုးနေခဲ့ပြီး လူတွေ လမ်းပေါ် ပြေးထွက်ခဲ့ရတာပါ။

ငလျင်ဟာ မြေအောက် အနက် ၇ ဒသမ ၈မိုင်ကို ဗဟိုပြု လှုပ်ခတ်ခဲ့လို့ အင်မတန် တိမ်တဲ့အနက် ဖြစ်ခဲ့တဲ့အတွက် လှုပ်ခါမှု ပိုများလိမ့်မယ်လို့ USGS က ပြောခဲ့ပါတယ်။

2 weeks Ago
More News
Up