မြို့ဦးစေတီ

A d v e r t i s e m e n t With Us

May 1, 2020

ချောက်မြို့ မြို့ဦးစေတီ အလှူခံပုံးဖောက် လူသတ်မှု ကျူးလွန်သူကို ဖမ်းမိ

ချောက်မြို့၊ မြို့ဦးစေတီမှာ အလှူခံပုံးဖောက်ပြီး ဘုရားဝေရာဝစ္စ လုပ်ကိုင်နေထိုင်သူ အသတ်ခံရမှုနဲ့ပတ်သက်ပြီး  ပြစ်မှုကျူးလွန်သူကို မနေ့က ဖမ်းဆီးမိပြီလို့ ချောက်မြို့မ ရဲစခန်း တာဝန်ရှိသူတဦးက ပြောပါတယ်။ ချောက်မြို့အမှတ် ၁၀ ရပ်ကွက် အေးစေတီရပ်ရှိ မီးရထားဘူတာအနီး အရဟံ မြို့ဦးစေတီ လေမျက်နှာဘုရားမှာ အလှူခံပုံးအဖောက်ခံခဲ့ရပြီး ဘုရားဝေရာဝစ္စ ဘုရားဝေရာဝစ္စ လုပ်ကိုင်နေတဲ့ အသက် ၅၇ အရွယ် ဦးမြင့်ကိုကို ဦးခေါင်းဒဏ်ရာတွေနဲ့  သေဆုံးနေတာ ပြီးခဲ့တဲ့ ဧပြီ ၂၆ ရက်နေ့ ညနေပိုင်းက တွေ့ရှိခဲ့တာပါ။ “အခင်းဖြစ်နေရာမှာ တွေ့ရတဲ့ သဲလွန်စတွေအရ စုံစမ်းလိုက်ချိန်မှာ သင်္ကြန်မတိုင်ခင်က မြို့ပေါ်ဘုန်းတော်ကြီး ကျောင်းမှာ ရဟန်းဝတ်သွားတယ်။ အဲဒီနောက် သူနဲ့ပတ်သက်တဲ့ အချက်အလက် ဓာတ်ပုံတို့ကို ချောက်မြို့နယ် အနီးတဝိုက်က ရဲစခန်းတွေကို ပေးပို့ထားတာ။ ဖြစ်ခြင်တော့ ဒီလူက မူးလည်းမူးတတ်တော့ မနေ့က စလင်းစခန်းမှာ အမျိုးသမီးတယောက်နဲ့ စကားများပြီး ရောက်လာတော့ ပေးပို့ထားတဲ့ ဓာတ်ပုံနဲ့ ကိုက်ညီနေတော့ စစ်ဆေးလိုပ်ချိန်မှာ ဖြစ်စဉ်အကုန် ပြောပြဝန်ခံလာတာ” လို့ ချောက်မြို့မ ရဲစခန်း တာဝန်ရှိသူက ပြောပါတယ်။ တရားစွဲဆိုခံရသူ မျိုးလွင် အသက် (၃၉) နှစ်က ပြည်မြို့ဇာတိဖြစ်ပြီး သက်သေခံပစ္စည်း အပြည့်အစုံ သိမ်းဆည်းထားတယ်လို့ သိရပါတယ်။ မျိုးလွင်အား ချောက်မြို့မရဲစခန်းမှာ လူသတ်မှု ရာဇသတ်ကြီးပုဒ်မနဲ့ အရေးယူထားကာ ဥပဒေအကြံပြုချက်အတိုင်း ပုဒ်မပြောင်းလဲမှာဖြစ်ပြီး လူသတ်မှုပုဒ်မထက်လည်း ပိုလာနိုင်တယ်လို့ ချောက်မြို့မ ရဲစခန်းတာဝန်ရှိသူက ဆိုပါတယ်။ ကိုလင်း(ချောက်)
10 months Ago

April 27, 2020

ချောက်မြို့ မြို့ဦးစေတီတွင် လူသတ်မှုဖြစ်ပွားပြီး အလှူခံပုံးအဖောက်ခံရ

ချောက်မြို့အမှတ် ၁၀ ရပ်ကွက် အေးစေတီရပ်ရှိ မီးရထားဘူတာအနီး အရဟံ မြို့ဦးစေတီ လေမျက်နှာဘုရားမှာ အလှူခံပုံးအဖောက်ခံခဲ့ပြီး ဘုရားဝေရာဝစ္စ လုပ်ကိုင်နေသူတဦး အသတ်ခံခဲ့ရတယ်လို့ သိရပါတယ်။ ဘုရားဝေရာဝစ္စ လုပ်ကိုင်နေတဲ့ အသက် ၅၇ အရွယ်အမျိုးသား ဦးခေါင်းဒဏ်ရာတွေနဲ့  သေဆုံးနေတာ ညနေပိုင်းအချိန်မှ သိရတယ်လို့ ကျောင်းထိုင်ဆရာတော် ဦးကောဝိဒက မိန့်ပါတယ်။ “သီလရှင် ဆရာလေးက ဘုရားထဲမှာ ကပ္ပိယကြီး ခေါ်မရဘူး သွေးတွေနဲ့လို့ ဘုန်းကြီးလာလျှောက်လို့ အစကတော့ ဦးနောက်သွေးကြောပြတ်တာတို့ သွေးအန်တာတို့ကြောင့် သေတယ်ထင်တာ၊ သေချာကြည့်တော့မှ ခေါင်းမှာ ဒဏ်ရာတွေရထားတာ။ ဘုရားဝန်းထဲလိုက်စစ်တော့ အလှူခံပုံးဖောက်ထားတာလည်း တွေ့ရတယ်။ ငွေအားဖြင့်တော့ အများကြီးမဟုတ်ပါဘူ။” သေဆုံးသူရဲ့ ညီမက “သူက အိမ်ကထမင်းကိုပဲ ညစာမနက်စာ ချိုင့်ဆွဲစားပြီး ဘုရားမှာ ဝေရာဝစ္စ လုပ်နေတာကြာပြီ။ ဘုရားမှာ ဘာလိုတယ် လှူကြဦးဆိုလည်း ကျမတို့က လှူပေးရတယ်။ မနေ့ကလည်း သူအိမ်လာပြီး ထမင်းချိုင့်လာယူတော့ သူတရားနာနေကြ MP3၊ FM ရေဒီယိုလေး ပျောက်သွားတယ်၊ ယူတဲ့လူကိုသိတယ် သူတို့မရှိလို့ ယူတာနေပါစေလို့ ပြောသွားသေးတယ်” လို့ ပြောပါတယ်။ ဖြစ်စဉ်နဲ့ပတ်သက်ပြီး သေဆုံးသူဟာ ဦးခေါင်းဝဲဘက် ချိုစောင်းမှာ ရရှိတဲ့ ဒဏ်ရာနဲ့ သွေးထွက်လွန်သေဆုံးခဲ့တာကြောင့် ချောက်မြို့မ ရဲစခန်းက လူသတ်မှုနဲ့ အရေးယူအမှုဖွင့်ထားပြီး တရားခံအမြန်ဖမ်းဆီးနိုင်ရေး အရေးယူဆောင်ရွက်နေတယ်လို့ သိရပါတယ်။ ကိုလင်း(ချောက်)
10 months Ago
Up