မြို့နေ အိန္ဒိယနိုင်ငံသား

A d v e r t i s e m e n t With Us

March 22, 2020

ကိုရိုနာဗိုင်းရပ်စ်ကြောင့် မြို့နေ အိန္ဒိယနိုင်ငံသား သန်းနှင့်ချီ ကျေးလက်ပြန်

သန်းနဲ့ချီတဲ့ အိန္ဒိယပြည်သူတွေဟာ နိုင်ငံတွင်း ကိုရိုနာဗိုင်းရပ်စ် ကူးစက်နေမှုကြောင့် မတ် ၂၁ ရက်က မြို့ကြီးတွေကနေ ကျေးလက်နေအိမ်တွေဆီကို ပြန်နေကြပါတယ်။ မလိုအပ်ဘဲ ခရီးမသွားကြဖို့နဲ့ လူတွေချင်း ခပ်ခွာခွာနေကြဖို့ နိုင်ငံ့အာဏာပိုင်တွေနဲ့ နိုင်ငံတကာအဖွဲ့အစည်းတွေက အကြံပြုထားပေမယ့် ဘူတာရုံတွေမှာ လူတွေ ကြပ်ညပ်နေတာကိုလည်း မြင်ရပါတယ်။ လူမှုကွန်ရက်မီဒီယာတွေပေါ်မှာ ပျံ့နေတဲ့ ဝါဒဖြန့်သတင်းမှားတွေ ကောလာဟလတွေရဲ့ အန္တရာယ်ကို တိုက်ဖျက်ဖို့ အိန္ဒိယအစိုးရက ကြိုးစားနေပါတယ်။ ဝါဒဖြန့်သတင်းမှားတွေ၊ လုပ်ကြံသတင်းတွေကြောင့် လူတွေဟာ ဇာတိမြေကို အလုအယက် ပြန်ကြတာနဲ့ အခြေခံ မရှိမဖြစ်ပစ္စည်းတွေကို သိုလှောင်တာတွေကြောင့် ဈေးကွက်မတည်မငြိမ်ဖြစ်ပြီး ကုန်စည်ပြတ်လပ်မှုတွေ ကြုံနေရပါတယ်။ ဒီအရေးတွေကို လျစ်လျူရှုထားရင် လူ့အဖွဲ့အစည်းအတွင်း ကူးစက်မှုကြောင့် အိန္ဒိယ ဆေးဘက်အခြေခံအဆောက်အဦတွေက ကျယ်ကျယ်ပြန့်ပြန့် စောင့်ရှောက်ဖြေရှင်းဖို့ မနိုင်မှာ စိုးရိမ်တယ်လို့ ပညာရှင်တွေက ပြောပါတယ်။ ဝန်ကြီးချုပ် နရင်ဒြာမိုဒီကတော့ ပြည်သူတွေ စေတနာ့ဝန်ထမ်း နေဝင်မီးငြိမ်း နေပေးကြဖို့ မနက် ၇ နာရီကနေ ည ၉ နာရီကြားမှာ အရေးပေါ်ကိစ္စမရှိဘဲ အိမ်ပြင် မထွက်ကြဖို့ မတ်လ ၂၂ ရက်မှာ  နိုင်ငံကို ပြောတဲ့ မိန့်ခွန်းအတွင်း အကြံပြုခဲ့ပါတယ်။  မတ်လ ၂၂ ရက် မွန်းလွဲပိုင်းအထိ အိန္ဒိယနိုင်ငံမှာ ကိုရိုနာဗိုင်းရပ်စ် ကူးစက်ခံ ၃၃၂ ယောက်ရှိပြီး ၅ ယောက် သေဆုံးခဲ့ပြီးပါပြီ။  ဒီအချိန်မှာပဲ ကိုရိုနာဗိုင်းရပ်စ်ဟာ ကမ္ဘာ့နိုင်ငံပေါင်း ၁၈၈ နိုင်ငံက လူအယောက် ၃၀၈၅၉၄ ဦး ကူးစက်ခံထားရပြီး ၁၃၀၆၉ ဦး သေဆုံးခဲ့ပြီးပါပြီ။  နိုင်ငံ လူဦးရေနဲ့ ကူးစက်ခံ လူဦးရေ အချိုးအစားအရ ကူးစက်ခံရာခိုင်နှုန်း အမြင့်ဆုံး ၅ နိုင်ငံကတော့ ဆန်မာရီနို၊ အိုက်စလန်၊ လူဇင်ဘတ်၊ အီတလီနဲ့ ဆွစ်ဇာလန်နိုင်ငံတို့ ဖြစ်ပါတယ်။
11 months Ago
Up