မြိုင် PDF

October 13, 2021

ပေါက်မြို့နယ် ဇီးပြားရဲစခန်း တိုက်ခိုက်ခံရ၊ ရဲ ၂ ဦး သေဆုံး

မကွေးတိုင်း၊ ပေါက်မြို့နယ်၊ ဇီးပြားရဲစခန်းကို အောက်တိုဘာ ၁၂ ရက်ညက မြိုင်နဲ့ပေါက် PDF  နှစ်ဖွဲ့ ပူးပေါင်းပြီး တိုက်ခိုက်ခဲ့ရာ ရဲ ၂ ယောက် သေဆုံးပြီး အများအပြား ဒဏ်ရာရရှိသွားတယ်လို့ မြိုင် PDF က ထုတ်ပြန်ပါတယ်။

မြိုင်မြို့နယ်နဲ့ ပေါက်မြို့နယ်ကြားမှာရှိတဲ့ ဇီပြားရဲစခန်းကို မနေ့က ည ၉နာရီလောက်က မြိုင် PDF နဲ့ ပေါက်မြောက်ပိုင်း PDF တပ်ဖွဲ့တို့ ပူးပေါင်းပြီး ဝင်ရောက်တိုက်ခိုက်ရာ ၁ နာရီကျော်ကြာ တိုက်ပွဲဖြစ်ပွားခဲ့ပြီး ရဲ ၂ ယောက်သေဆုံးကာ အများအပြား ဒဏ်ရာရရှိသွားတယ်လို့ ဆိုပါတယ်။

ဇီးပြားရဲစခန်းက ရဲတွေဟာ ရဲစခန်းကို စွန့်ခွာပြီးတော့ အနီးနားတောင်ကုန်းကနေ ပြန်လည် ပစ်ခတ်ပေမဲ့ ညီနောင်PDF တပ်ဖွဲ့တွေဘက်က ထိခိုက်ကျဆုံးတာမရှိဘဲ ရဲစခန်းကို မီးရှို့ ဖျက်ဆီးကာ ပြန်လည်ဆုတ်ခွာနိုင်ခဲ့တယ်လို ဖော်ပြထားပါတယ်။

1 week Ago

October 11, 2021

ရေစကြို ၂၅၇ တပ်ရင်းကို မြိုင်နှင့်ရေစကြို PDF တို့ လက်နက်ကြီးများဖြင့် ပစ်ခတ်

မကွေးတိုင်း ရေစကြို ဖူလုံကျေးရွာအနီးက ၂၅၇ တပ်ရင်းကို မြိုင်နဲ့ရေစကြို PDF တို့ ပူးပေါင်းပြီး အောက်တိုဘာ ၁၀ ရက် ည ၁၂ နာရီလောက်က လက်နက်ကြီးနဲ့ ပစ်ခဲ့တယ်လို့ သိရပါတယ်။

စစ်ကောင်စီဘက်က ထိခိုက်ပျက်စီးမှုများနိုင်ပြီး အခြေအနေကို လက်ရှိအချိန်မှာ မသိရသေးဘူးလို့ ဆိုပါတယ်။ 

လက်နက်ကြီးနဲ့ ပစ်ခဲ့တဲ့ ပြည်သူ့ကာကွယ်ရေးတပ်ဖွဲ့ဝင်တွေ အထိအခိုက်မရှိဘဲ ပြန်လည်ဆုတ်ခွာ နိုင်ခဲ့ပြီး တပ်အတွင်း စစ်ကောင်စီတပ်သားတွေအနေနဲ့ ပြန်လည်ပစ်ခတ်ရင်း ကျန်နေခဲ့ကြတယ်လို့ မြိုင် PDFအဖွဲ့က သိရပါတယ်။

အောက်တိုဘာ ၁၁ ရက် မနက် ၈ နာရီလောက်မှာ လက်နက်ကြီးတွေ တင်ဆောင်လာတဲ့ စစ်ကောင်စီယာဉ်တန်းဟာ ရေစကြို ဆင်ဖြူရှင်တံတားကနေ မြို့တွင်းကို ဖြတ်ကာ  ပခုက္ကူမြို့ဘက် သွားတာ မြင်လိုက်ရတယ်လို့ ဒေသခံတစ်ဦးက ပြောပါတယ်။

2 weeks Ago
Up