မြိတ်မြို့တွင်ဆောက်လုပ်မည်

A d v e r t i s e m e n t With Us

December 26, 2019

ကမ်းဝေးငါးဖမ်းရေယာဉ်များ စောင့်ကြည့်ထိန်းချုပ်စင်တာ မြိတ်မြို့တွင်ဆောက်လုပ်မည်

ကမ်းဝေးငါးဖမ်းရေယာဉ်တွေကို ၂၄ နာရီ စောင့်ကြည့်ထိန်းချုပ်နိုင်ဖို့   VMS Control Center ကို တနင်္သာရီတိုင်းဒေသပြီး မြိတ်မြို့မှာ လက်ရှိ ဘဏ္ဍာရေးနှစ်အတွင်း အပြီးဆောက်လုပ်မယ်လို့  ငါးလုပ်ငန်းဦးစီးဌာန ကသိရပါတယ်။ ဒီအတွက် ကမ်းရိုးတန်းဒေသမှာ တာဝန်ထမ်းဆောင်နေတဲ့ ငါးလုပ်ငန်းဦးစီးဌာန ဝန်ထမ်းတချို့ကို နည်းပညာပိုင်းဆိုင်ရာ ဆင့်ပွားသင်တန်းပေးမယ်လို့  တနင်္သာရီတိုင်းငါး လုပ်ငန်းဦးစီးဌာန ညွှန်ကြားရေးမှူး ဦးသံချောင်းက ပြောပါတယ်။ “မကြာခင်မှာပဲ ရခိုင်၊ ဧရာဝတီ၊ မွန်နဲ့ တနင်္သာရီက ဝန်ထမ်း နှစ်ဦးဆီကို နည်းပညာပိုင်းဆိုင်ရာ သင်တန်းပေးမယ်။ လောလောဆယ် ပြည်ထောင်စုရုံးချုပ်ကြီးကနေ တနိုင်ငံလုံးကို Control လုပ်လို့ ရပြီ။ သင်တန်းသားတွေ ဆင်းလာတာနဲ့အမျှ တိုင်းကလည်း တိုင်းအလိုက် Control လုပ်မယ်”  VMS Software ကို သုံးပြီး ငါးဖမ်းရေယာဉ်တွေကို စောင့်ကြည့်ထိန်းချုပ်နိုင်ရေးနဲ့ လုပ်ငန်းတာဝန်ဝတ္တရားတွေ သိရှိနိုင်ရေး သင်တန်းကို ဇန်နဝါရီပထမပတ် နေပြည်တော်မှာ ပြုလုပ်ဖို့ ရှိနေပါတယ်။ လက်ရှိအထိမှာတော့ ငါးဖမ်း ငါးသယ်ရေယာဉ် အစီး ၁၅၂၀ ကျော်မှာ အစီးရေ ၁၄၅၀ မှာ VMS တပ်ပြီး ဖြစ်ပါတယ်။ ရေယာဉ်စောင့်ကြည့်ထိန်းချုပ်တဲ့ VMS စနစ်တပ်ထားရင် တရားမဝင်ငါးဖမ်းတာကို တားဆီးပြီးဖြစ်သလို သက်ဆိုင်ရာဆိပ်ကမ်းကနေ စနစ်တကျ စစ်ဆေးပြီး ထွက်ခွာတာ ရှိ၊ မရှိကိုလည်း  သိနိုင်မယ်လို့ ဦးသံချောင်းက ပြောပါတယ်။ ၂၀၁၉ ဒီဇင်ဘာ ၁ ရက်အထိ VMS တပ်ဖို့ စာချုပ် ချုပ်မထားသေးတဲ့ ရေယာဉ်တွေကိုတော့ ငါးဖမ်းခွင့်မပြုတော့ဘူးလို့ သိရပါတယ်။ တင့်လွင်
1 year Ago
Up