မြဝတီ-မဲဆောက်

October 17, 2021

မြဝတီ-မဲဆောက် တံတားအမှတ် ၂ သီတင်းကျွတ်ကာလ ၅ ရက်ပိတ် (ဓာတ်ပုံ)

မြန်မာသီတင်းကျွတ်ကာလ မြဝတီ-မဲဆောက်မှာရှိတဲ့ နယ်စပ်ဝင်ပေါက် မြန်မာ-ထိုင်း ချစ်ကြည်ရေးတံတားအမှတ် ၂ ကို အောက်တိုဘာ ၁၇ ကနေ ၂၁ ရက်အထိ ပိတ်လိုက်တယ်လို့ သိရပါတယ်။

ရုံးပိတ်ရက်ဖြစ်တဲ့အတွက် ကြိုဆိုလက်ခံရတဲ့ အခက်အခဲရှိတာကြောင့် ပိတ်လိုက်တာဖြစ်ပြီး အောက်တိုဘာ ၂၂ ရက်နေ့မှာတော့ ထိုင်းရောက် ရွှေ့ပြောင်းအလုပ်သမားတွေ နေရပ်ပြန်ဖို့ ပုံမှန်ပြန်လည်လက်ခံ ဖွင့်ပေးသွားမှာ ဖြစ်ပါတယ်။

မြန်မာ-ထိုင်းနယ်စပ်ကနေ တစ်ရက်ခြား ၅၀၀ ဦး လက်ခံကြိုဆိုနေပြီး ကျန်းမာရေးမကောင်းဘဲ ပြန်လာတဲ့ ရွှေ့ပြောင်းအလုပ်သမားတွေလည်း ရှိပါတယ်။

ကိုဗစ်ဗိုင်းရပ်စ် ထိန်းချုပ်နိုင်ဖို့အတွက် နယ်စပ်သဘဝဂိတ်ပေါက်တွေမှာ မြန်မာနဲ့ ထိုင်း နှစ်နိုင်ငံ လုံခြုံရေး တင်းကျပ်ထားတာလည်း ဖြစ်ပါတယ်။

2 weeks Ago

August 1, 2021

ထိုင်းနိုင်ငံ မဲဆောက်မြို့တွင် ပိတ်မိနေသည့် ရွှေ့ပြောင်းမြန်မာလုပ်သားများ နေရပ်ပြန်ခွင့်ရ

ထိုင်းနိုင်ငံ မဲဆောက်မြို့ကနေ မြန်မာပြည်ကိုပြန်မယ့်  ရွှေ့ပြောင်းလုပ်သားတွေကို      တစ်လကျော်ကြာ ပိတ်ထားတဲ့ပြီးနောက် သြဂုတ် ၁ ရက်နေ့မှာပြန်လည်စတင်လက်ခံနေပါတယ်။

မြန်မာ-ထိုင်းချစ်ကြည်ရေးတံတားအမှတ်(၂)ကနေ   ရွှေ့ပြောင်းမြန်မာအလုပ်သမား ၂၀၀ လောက်ကို  ဒီကနေ့ စတင် တင်လွဲပြောင်းပေးတာဖြစ်ပြီး ဒီအထဲက ကရင်ပြည်နယ် နေထိုင်သူအတွက်ကတော့ ကိုဗစ်ကူးစက်မှုရှိမရှိ  ၁၀ ရက်တာစောင့်ကြည့်ခံရမှာဖြစ်ပါတယ်။

ကျန်သူတွေဟာလည်း သူတို့နေထိုင်ရာ သက်ဆိုင်ရာ ဒေသတွေရှိ ကိုဗစ်စောင့်ကြည့်စင်တာတွေမှာ ၁၄ ရက်နေထိုင်ကြရမှာဖြစ်ပါတယ်။ 

ထိုင်းရောက်ရွှေ့ပြောင်းမြန်မာအလုပ်သမားတွေ နေရပ်ပြန်နိုင်ဖို့အတွက် မြန်မာ-ထိုင်းချစ်ကြည်ရေးတံတား(၂)မှာ တစ်ရက်ခြား တစ်ရက်ကလျှင် အယောက် ၂၀၀ လက်ခံသွားမယ်လို့လည်း သိရပါတယ်။

ပြီးခဲ့တဲ့ ဇွန်လ ၁၇  ရက်နေ့က စပြီး မြန်မာဘက်က နေရပ်ပြန်ရွှေပြောင်းအလုပ်သမား လက်ခံတာကို  ရပ်ဆိုင်းခဲ့တဲ့အတွက်  ထိုင်းနယ်စပ်မဲဆောက်မြို့မှာ ရွှေ့ပြောင်းအလုပ်သမား ၈၀၀ လောက်  သောင်တင်ဒုက္ခရောက်ကြပြီး  အချုပ်ခန်းမှာလည်း ကျန်းမာရေးအစောင့်ရှောက်မှု အဆင်မပြေတာနဲ့  ကိုဗစ်ကူးစက်မယ့်အန္တရာယ်နဲ့ ကြုံနေကြရပါတယ်။

3 months Ago
Up