မြန်မာအိုင်ဒေါ

November 14, 2020

မြန်မာအိုင်ဒေါဆုရှင် စောလားထော်ဝါး သီဆိုသည့် “အင်းလျားကိုလွမ်းတယ်” သီချင်း(ရုပ်သံ)

အခုနှစ်မှာ ကျရောက်တဲ့ ရန်ကုန်တက္ကသိုလ် နှစ် ၁၀၀ ပြည့် ဂီတဖျော်ဖြေပွဲကို အပတ်စဉ် ကျင်းပနေပြီး ခုတပါတ်ရဲ့ ဖျော်ဖြေပွဲမှာတော့ မြန်မာအိုင်ဒေါစတား တေးသံရှင် စောလားထော်ဝါးကလည်း သီချင်းတပုဒ်နဲ့ သီဆိုဖျော်ဖြေခဲ့ပါတယ်။ သူ သီဆိုခဲ့တဲ့ သီချင်းကတော့ တေးရေး ကိုလေးလွင် ရေးစပ်ထားတဲ့ “အင်းလျား ကို လွမ်းတယ်” သီချင်းဖြစ်ပြီး ခင်မောင်ထူးက မူရင်းတေးသံရှင်အနေနဲ့ သီဆိုခဲ့တာဖြစ်ကာ တခေတ်တခါက ရေပန်းစားသီချင်းတပုဒ် ဖြစ်ခဲ့ပါတယ်။ “အင်းလျားကန်စောင်းမှာ… အချစ်ရယ် တို့ရယ်လေ… တဦးမျက်နှာ တဦးကြည့် ကာ ပြုံးပျော်နေ… အတွဲလေးတွေ တို့လေပဲလေ ချစ်စရာတွေ… အင်းလျားအလှ လွမ်းစရာ လွမ်းစရာ… မိုးချုပ်မှ အချစ်အဆောင်လေးဆီ လှည့်ပြန်လာ… သိပ်ချစ်တဲ့ အချစ်လက်ကလေးကို ဆွဲယူကာ… ညကျရင် လွမ်းရဦးမယ် သိပ်သေချာ… ဒီလို ဒီလို အပြတ် ဆွေးတာ” စောလားထော်ဝါးဟာ မြန်မာနိုင်ငံမှာ ပထမဆုံးကျင်းပခဲ့တဲ့ ၂၀၁၆ ခုနှစ် မြန်မာ အိုင်ဒေါ သီချင်းဆိုပြိုင်ပွဲမှာ Winner ဆုရရှိခဲ့သူတဦးဖြစ်ကာ မင်းသိနိုင်မလားအမည်နဲ့ တကိုယ်တော် တေးအယ်လ်ဘမ်နဲ့အတူ တခြားအတွဲသီချင်းခွေတွေမှာလည်း ပါဝင်သီ ဆိုနေတဲ့ တေးသံရှင်တဦး ဖြစ်ပါတယ်။ ခုတခါမှာတော့ တက္ကသိုလ်အမှတ်တရ သီချင်းတပုဒ်အနေနဲ့ အင်းလျားကို လွမ်းတယ် သီချင်းထဲမှာတော့ သီချင်းခေါင်းစဉ်အတိုင်း ချစ်သူနဲ့ အဆောင်ပိတ်ချိန်အထိ နေထိုင်ရင်း အတူရှိခဲ့ဖူးတဲ့ အချိန်တွေကို လွမ်းဆွတ်တမ်းတတဲ့ ခံစားချက်တွေနဲ့ သီဆိုဖျော် ဖြေဟန်ကို ရှုစားနားဆင်ကြရမှာ ဖြစ်ပါတယ်။ “ဟိုတုန်းက အဖြစ်လေးတွေ… ပြန်လည်ရင်ဝယ် မြင်တယ်အချစ်ရယ်… အခုများတော့ ဘယ်ဝယ်ဘယ်ဆီ… တကယ်ကို ပြန်ကာမတွေ့ပြီ… လွမ်းရတဲ့ အင်းလျားဘက်ကို ရောက်ချင်တယ်… အင်းလျားလမ်း လမ်းမပေါ်မှာ လျှောက်လာတယ်… ကားလှလှလေးပေါ် အချစ်ကိုလိုက်ရှာတယ်… ကြင်နာသူရယ် နေနိုင်လိုက်တာ” ရန်ကုန်တက္ကသိုလ် နှစ် ၁၀၀ ပြည့်ဂုဏ်ပြုအထိမ်းအမှတ် ဂီတဖျော်ဖြေပွဲတွေကို အောက်တိုဘာ ၁၆ ရက်ညပိုင်းက စတင်ကာ မြန်မာ့ရုပ်မြင်သံကြားကနေ အပတ်စဉ် ထုတ်လွှင့်ပြသနေတာ ဖြစ်ပါတယ်။ ဒီဂီတဖျော်ဖြေပွဲမှာတော့ တေးသီချင်းအပုဒ် ၁၀၀ ကို အပတ်စဉ်သောကြာနေ့ည သတင်းအပြီး ည ၉ နာရီအချိန်မှာ ထုတ်လွှင့်ပေးသွားမှာဖြစ်ကာ မြန်မာ့ရုပ်မြင်သံကြား ဖေ့စ်ဘွတ်ခ်စာမျက်နှာပေါ်မှာလည်း တိုက်ရိုက်ကြည့်ရှုနိုင်မှာ ဖြစ်ပါတယ်။ မနေ့က ဖျော်ဖြေပွဲပွဲစဉ် ၅ မှာတော့ Lucky Hand နဲ့ The Trees တေးဂီတအဖွဲ့တွေနဲ့အတူ နာမည်ကြီးအဆိုတော်တွေဖြစ်ကြတဲ့ စိန်ဝင်းထွန်း၊ အက်စ်ကဲနက်၊ ဂျေမောင်မောင်၊ ဖြိုးကြီး၊ ဇော်ပိုင်၊ ဖိုးကာ၊ ကျော်သီဟ၊ စောလားထော်ဝါး၊ သန်းသန်းနွယ်၊ ယုဇန၊ ရတနာမိုင်၊ ကေကေမိုး၊ ဝတ်ရည်ထက်နဲ့ ဖူးဖူးသစ်တို့က ပါဝင်သီဆိုဖျော်ဖြေသွားခဲ့ကြပါတယ်။
1 year Ago

April 30, 2020

မြန်မာအိုင်ဒေါ တေးသံရှင် ငွေဇင်လှိုင်း ဆန်းသစ်သီဆိုသည့် ဟယ်လို(Hello)သီချင်း(ရုပ်သံ) (ဖေ့စ်ဘွတ်ခ်ရွာ… ဖေ့စ်ဘွတ်ခ်ကမ္ဘာ)

“နားလည်မှုများနဲ့ ကိုယ်နဲ့မင်းနဲ့ စကားလေးတွေပြောမယ်… ဘယ်သူမှမသိတဲ့ Phone ထဲမှာ ရင်ခုန်ခဲ့မိသူပါ… တဖက်သတ်အချစ်များပဲ မင်းဘက်ကတော့ အသိအ မှတ်မပြုပေးခဲ့ပါ… တကယ်ရူးရမှာလား… ငါဖွင့်ပြောသင့်လို့လား” ဒီသီချင်းစာသားတွေကို ကြားလိုက်တာနဲ့ ပရိသတ်တွေက သီချင်းဟောင်းတပုဒ် ထဲက စာသားတွေမှန်း သိကြပြီး ဖြစ်မှာပါ။ ဟယ်လို(Hello)လို့ အမည်ပေးထားတဲ့ ဒီသီချင်းကိုတော့ အဆိုတော် ရဲလေးက ရေးစပ်ပေးထားခဲ့ပြီး အဆိုတော် ငယ်ငယ်က သီဆိုခဲ့တာ ဖြစ်ပါတယ်။ ခုတခါမှာတော့ မြန်မာအိုင်ဒေါသီချင်းဆိုပြိုင်ပွဲစင်မြင့်ပေါ်မှတဆင့် အနုပညာလော ကထဲ ရောက်ရှိလာခဲ့တဲ့ တေးသံရှင် ငွေဇင်လှိုင်းရဲ့ တကျော့ပြန်သီဆိုမှုနဲ့အတူ ခံစားနား ဆင်ကြရမှာ ဖြစ်ပါတယ်။ “Hello မင်းအသံလေး… Hello ထပ်ပြီးဝေး… ကိုယ့်ရဲ့စကားတွေ ရပ်တန့်လိုက်ပြီ … အလွမ်းနဲ့ဇာတ်သိမ်းခန်း… Hello နာကျင်နေ… Hello ဘယ်သူမှမသိ… မင်းမရှိတော့ Telephone လေးနားမှာ တခါတလေ ယောင်ယမ်းပြီး Hello” Myanmar Idol သီချင်းဆိုပြိုင်ပွဲကိုတော့ မြန်မာနိုင်ငံမှာ ရွှေသံလွင်ကုမ္ပဏီက စီ စဉ်ပြီး ၂၀၁၆ ခုနှစ်မှာ Season 1 အဖြစ် ကျင်းပခဲ့ကာ Winner ဆုကိုတော့ စောလား ထော်ဝါးက ရရှိခဲ့ပါတယ်။ ၂၀၁၇ ခုနှစ်ရဲ့ Myanmar Idol Season 2 မှာတော့ Winner ဆုရှင်အဖြစ် သား ငယ်က ရရှိခဲ့တာပါ။ ၂၀၁၈ ခုနှစ်ရဲ့ Myanmar Idol Season 3 နောက်ဆုံးအဆင့် ပြိုင်ပွဲကတော့ ပရိသတ်တွေကြား လှုပ်ခတ်စေခဲ့တဲ့ ပြိုင်ပွဲတခု ဖြစ်ခဲ့ပါတယ်။ ပြိုင်ပွဲရဲ့ နောက်ဆုံးအဆင့်ထိ ရောက်ရှိခဲ့ကြတဲ့  ဖြိုးမြတ်အောင်နဲ့ ချမ်းမြေ့မောင် ချိုတို့ကို အားပေးတဲ့ ပရိသတ်တွေအချင်းချင်းကြားမှာ အပြိုင်အဆိုင် အကြိတ်အနယ် ရှိနေခဲ့ကြတာ ဖြစ်ပါတယ်။ ဒါပေမဲ့ ပြိုင်ပွဲနောက်ဆုံးနေ့မှာတော့ ကျန်းမာရေးကြောင့် ချမ်းမြေ့မောင်ချိုက ဝင်ရောက်ယှဉ်ပြိုင်ခြင်းမရှိခဲ့ဘဲ Winner ဆုကို ဖြိုးမြတ်အောင်က ရရှိသွားခဲ့ပါတယ်။ ပြီးခဲ့တဲ့ Seson 4 မှာတော့ ချင်းတိုင်းရင်းသူ ပြိုင်ပွဲဝင် အက်စတာ ဒေါ့သ်ချင်းဆုန် က Winner ဆုကို ရရှိခဲ့တာပါ။ တေးသံရှင် ငွေဇင်လှိုင်းကတော့ Season 3 မှာ ဝင်ရောက်ယှဉ်ပြိုင်ခဲ့ပြီး Top 4 အ ဆင့်ထိ ရောက်ရှိခဲ့တာ ဖြစ်ပါတယ်။ “ပေါင်းစပ်မှုများဝေး… မျှော်လင့်ထားလည်း အားလုံးကြွေလွင့်ပြီ… သူ့ရဲ့ မိန်းက လေးကိုပဲ သူလေအရမ်းချစ်တယ်တဲ့… ကံဆိုးမှုနေ့များထဲ Telephone လေး အသက်မဲ့ လို့သွားပြီ… ဆုံစည်းဖို့အချိန်တွေ ပြန်မရတော့ဘူး” လွမ်းမောစရာ အချစ်ဇာတ်လမ်းပုံစံရေးဖွဲ့ထားတဲ့ ဒီသီချင်းဟာ ငွေဇင်လှိုင်းရဲ့ ဆန်းသစ်သီဆိုမှုနဲ့အတူ လှပနေခဲ့တာကို ပရိသတ်တွေက ခံစားနားဆင်ကြရမှာပါ။ ဒီသီချင်းကိုတော့ Legacy Music ကတဆင့် ဖေ့စ်ဘွတ်ခ်အင်တာနက်လူမှုကွန် ရက်စာမျက်မှာပေါ်မှာ မျှဝေထားခဲ့တာဖြစ်ပြီး ပရိသတ်တွေကြား ရေပန်းစားနေခဲ့တာ ဖြစ်ပါတယ်။
2 years Ago
More News
Up