မြန်မာပြည်သူ

August 25, 2022

စားအုန်းဆီ ၁ ပိဿာရဖို့ တန်းစီနေရတဲ့ စစ်အာဏာရှင်လက်ထက် မြန်မာပြည်သူတို့၏ ဘဝပုံရိပ်များ

မြန်မာနိုင်ငံ ဆီကုန်သည်နဲ့  ဆီလုပ်ငန်းရှင်များအသင်းက ကားအစီး ၇၀ နဲ့ ရန်ကုန်မြို့ရှိ ဆင်ခြေဖုံးရပ်ကွက်တွေကို စားအုန်းဆီတစ်ပိဿာလျှင် ကျပ် ၅,၀၀၀ ကျပ်နှုန်းနဲ့ ရောင်းချပေးနေတဲ့အတွက် ပြည်သူတွေ တန်းစီပြီး ၀ယ်ယူနေကြရပါတယ်။

မြန်မာပြည်တွင်းမှာ စားအုန်းဆီ မလုံလောက် ကျပ်ငွေတန်းဖိုးထိုးကျနေလို့  ဈေးကွက်အတွင်း စားအုန်းဆီဈေးနှုန်းမှာ တစ်ပိဿာလျှင် ကျပ် ၁၀,၀၀၀ ကျော်အထိ စံချိန်တင်မြင့်တက်လာခဲ့သလို လက်လီရောင်းချမယ့်သူတွေလည်း ခွဲတမ်းမရရှိလို့ ရောင်းချနိုင်ခြင်းမရှိတော့ဘူးလို့ စားသုံးဆီ လက်လီအရောင်းဆိုင်ပိုင်ရှင်တစ်ဦးက ပြောပါတယ်။
ဒီအခြေအနေမှာ မြန်မာနိုင်ငံဆီကုန်သည်နှင့် ဆီလုပ်ငန်းရှင်အသင်းက ဆီအရောင်းကားတွေနဲ့ လက်လီရောင်းချပေးရာမှာ သြဂုတ် ၂၂ ရက် မနက်ကစပြီး  တစ်ပိဿာလျှင် ကျပ် ၅,၀၀၀ ဈေးနဲ့ ရောင်းချပေးနေတာပါ။

လက်ရှိ ပြင်ပ စားသုံးဆီဈေးကွက်မှာတော့ ဆီရောတပိဿာကို ကျပ် ၁၂,၀၀၀ ၊ စားအုန်းဆီ တပိဿာကို ကျပ် ၁၁,၀၀၀ နဲ့ရောင်းချနေတာဖြစ်ပါတယ်။

စားသုံးဆီတင်သွင်း သိုလှောင်ဖြန့်ဖြူးတဲ့ လုပ်ငန်း ကြီးကြပ်ရေးကော်မတီက ညွှန်ကြားတဲ့ စားအုန်းဆီစျေးနှုန်းနဲ့ ရောင်းချပေးနေတဲ့ ဆိုင်အနည်းငယ်သာရှိပြီး စစ်ကောင်စီအနေနဲ့ စားသုံးဆီဈေးနှုန်းအပေါ် ထိန်းချုပ်နိုင်ခြင်းမရှိသေးပါဘူး။

Photo - MPA

3 months Ago

August 13, 2022

စစ်ခေါင်းဆောင် မင်းအောင်လှိုင်ကို ဝန်ကြီးချုပ်ဟု လွဲမှားစွာ သုံးနှုန်းခဲ့သည့်အပေါ် နိုင်ငံတကာ အဖွဲ့အစည်းများက မြန်မာပြည်သူများကို တောင်းပန်

နိုင်ငံတကာအဖွဲ့အစည်း ၁၂ ခုက အာဏာသိမ်း စစ်ခေါင်းဆောင်ကို ဝန်ကြီးချုပ်လို့ အမည်တပ် လိပ်မူခဲ့တဲ့ စာတစောင်နဲ့ ပတ်သက်လို့ Human Right Watch အဖွဲ့နဲ့ Amnesty International အဖွဲ့ကြီးက မြန်မာပြည်သူတွေကို ပြန်လည်တောင်းပန်လိုက်ပါတယ်။ 

စစ်ခေါင်းဆောင် မင်းအောင်လှိုင်ကို အသိအမှတ်ပြုတာ မဟုတ်ဘဲ စာမှားယွင်းပေးပို့မှုသာ ဖြစ်ကြောင်းနဲ့ အဖွဲ့ ၁၁ ဖွဲ့ရဲ့  သဘောထားမပါဘဲ စာပေးပို့ခဲ့တယ်လို့ ဝန်ခံခဲ့ပြီး စာပေးပို့မှုကိုလည်း ပြန်လည်ရုပ်သိမ်းတယ်လို့ HRW က ဩဂုတ် ၁၃ ရက်မှာ ထုတ်ပြန်ခဲ့ပါတယ်။

နိုင်ငံတကာလွတ်ငြိမ်းချမ်းသာခွင့် Amnesty International အဖွဲ့ကလည်း လွဲမှားစွာ ပေးပို့ခဲ့မိတဲ့ အဲဒီ စာနဲ့ပတ်သက်လို့ မြန်မာပြည်သူတွေကို ပြန်လည်တောင်းပန်းကြောင်းနဲ့ ဗိုလ်ချုပ်မှူးကြီး မင်းအောင်လှိုင်အပါအဝင် စစ်ဗိုလ်ချုပ်တွေရဲ့ လူသားမျိုးနွယ်တွေအပေါ် ကျူးလွန်ခဲ့တဲ့ ရာဇဝတ်မှုတွေနဲ့ လူမျိုးတုံးသတ်ဖြတ်မှုတွေအတွက် စုံစမ်းစစ်ဆေးမှုတွေ လုပ်ဆောင်နေတယ်လို့ ထုတ်ပြန်ပါတယ်။

ကုလသမဂ္ဂ ပညာရေးအသွင်ကူးပြောင်းမှုဆိုင်ရာညီလာခံ မတိုင်မီ ကလေးတိုင်း အရည်အသွေးမြင့် ပညာရေးသင်ကြားနိုင်ရေး အသိအမှတ်ပြုကြရန် နှိုးဆော်ထားတဲ့ စာတစ်စောင် မှာ နိုင်ငံတကာအဖွဲ့ ၁၂ ခုက နိုင်ငံတကာအစိုးရတွေဆီ ပေးပို့ရာမှာ စစ်ခေါင်းဆောင် မင်းအောင်လှိုင်ကို ဂုဏ်သရေရှိ ဝန်ကြီးချုပ်ဟု အမည်တပ်ခဲ့တဲ့ စာတစောင်နဲ့ ပတ်သက်ပြီး အရပ်ဘက်အဖွဲ့ ၃၈၆ ဖွဲ့က ကန့်ကွက်ကာ မြန်မာပြည်သူတွေကို တောင်းပန်ဖို့ တောင်းဆိုခဲ့တာပါ။

Amnesty International၊ Human Rights Watch၊ Save the Children စတဲ့ နိုင်ငံတကာ အဖွဲ့အစည်း ၁၂ ဖွဲ့က ဝန်ကြီးချုပ်လို့ သုံးနှုန်းခဲ့တဲ့အပေါ်  ပြည်တွင်း၊ ပြည်ပနဲ့ နိုင်ငံတကာ အရပ်ဘက် အဖွဲ့အစည်း ၃၈၆ ဖွဲ့က ကန့်ကွက်ခဲ့တာပါ။ 

စာကို ဦးဆောင်ပေးပို့ခဲ့တဲ့ HRW-Human Right Watch အဖွဲ့က ကုလသမဂ္ဂအဖွဲ့ဝင် နိုင်ငံတကာအစိုးရ ၁၉၃ ခုကို စာပေး ပို့ခဲ့ခြင်းသာဖြစ်ပြီး စစ်ခေါင်းဆောင် မင်းအောင်လှိုင်ဆီကိုပါ စီမံခန့်ခွဲမှုဌာနပိုင်းက စာမှားယွင်း ပေးပို့ မိကြောင်း၊ စာမှားယွင်းပေးပို့မှုမှာ တခြားအဖွဲ့ ၁၁ ခုရဲ့ သဘောထားမပါဝင်ဘဲ ပေးပို့မိတဲ့အတွက် တောင်းပန်ပါကြောင်းနဲ့ စာကို ပြန်လည်ရုပ်သိမ်း ကြောင်း ကြေညာခဲ့ပါတယ်။ 

ပြည်တွင်း၊ ပြည်ပ နိုင်ငံတကာအရပ်ဘက် အဖွဲ့အစည်း ၃၈၆ ဖွဲ့ရဲ့  ထုတ်ပြန်ချက်ထဲမှာ လူမဆန်တဲ့ တရားမဝင် အာဏာသိမ်းယူခဲ့တဲ့ မြန်မာစစ်တပ်ကို ခုခံတွန်းလှန်နေတဲ့ မြန်မာနိုင်ငံက အများပြည် သူတွေကို စော်ကားလိုက်တယ်လို့ ဆိုပါတယ်။ 

အာဏာသိမ်းယူခဲ့တဲ့ ၂၀၂၁ ခုနှစ် ဖေဖော်ဝါရီ ၁ ရက်ကစပြီး လူပေါင်း ၁၂,၀၀၀ ကို ဖမ်းဆီးခဲ့ကာ ၂,၁၈၉ ယောက် သတ်ဖြတ်ခဲ့တဲ့ စစ်ကောင်စီဟာ တရားဝင်အစိုးရ မဟုတ်သလို အစိုးရရဲ့ အဓိက လုပ်ဆောင်ရမယ့် လုပ်ငန်းတာဝန်တွေကိုလည်း ထိန်းချုပ်ဆောင်ရွက်နိုင်စွမ်း မရှိဘူးလို့လည်း ပြောပါတယ်။ 

ဒါ့အပြင် ပြည်သူလူထုက အသိအမှတ်ပြုထားတဲ့ အမျိုးသားညီညွတ်ရေးအစိုးရ NUG ထံကိုသာ  လိပ်မူ ပေးပို့သင့်သလို မြန်မာပြည်သူတွေကိုလည်း တောင်းပန်ဖို့ တောင်းဆိုခဲ့တာပါ။

4 months Ago
More News
Up