မြန်မာစစ်ပြေးဒုက္ခသည်

March 20, 2021

မြန်မာစစ်ပြေးဒုက္ခသည် ၄ သောင်းခန့် ခိုလှုံနိုင်မည့် ထိုင်းစစ်တပ်က ကယ်ဆယ်ရေးစခန်းများ ပြင်ဆင်

ထိုင်းစစ်တပ်က မြန်မာစစ်ပြေးဒုက္ခသည် ၄ သောင်းလောက် ခိုလှုံနိုင်မယ့် နယ်စပ် ကယ်ဆယ်ရေးစခန်း ၂၃ ခုကို ပြင်ဆင်နေတယ်လို့ ထိုင်းနိုင်ငံထုတ် နေးရှင်းသတင်းမှာ ဖော်ပြပါတယ်။

          အဲဒီ ကယ်ဆယ်ရေး စခန်းတွေကိုတော့ ထိုင်းနိုင်ငံနယ်စပ် တာ့ခ်ခရိုင်ထဲမှာ ပြင် ဆင်နေတာဖြစ်ပြီး မြန်မာနိုင်ငံမှာ ဖေဖော်ဝါရီ ၁ ရက် စစ်အာဏာသိမ်းမှုမှာ အကြမ်းဖက် ဖြိုခွင်းခံရလို့ ထွက်ပြေးလာသူတွေအတွက် ရည်ရွယ်တာလို့ ဆိုပါတယ်။

          လတ်တလောမှာတော့ ထွက်ပြေးခိုလှုံလာကြမယ့် သူတွေကို ကျန်းမာရေးဆိုင်ရာ စစ်ဆေးမှုတွေလုပ်ဆောင်သွားဖို့ အကြမ်းဖျဉ်း အစီအစဉ်တခုရေးဆွဲပြီး နေရာချထားပေးဖို့ ဆက်လက်ဆောင်ရွက်သွားမယ်လို့ သိရပါတယ်။

          နယ်စပ်ဒုက္ခသည်စခန်းတွေဆီ ခိုလှုံလာသူတွေကိုတော့ အုပ်စု ၃ စုခွဲခြားသတ်မှတ် ထားတာဖြစ်ပြီး ပထမအုပ်စုမှာတော့ မြန်မာနိုင်ငံမှာ အလုပ်လုပ်ကိုင်နေကြတဲ့ ထိုင်းနိုင်ငံသားတွေ၊ ဒုတိယအုပ်စုမှာတော့ မြန်မာနိုင်ငံသား အရပ်သားနဲ့ လက်နက်ကိုင်တွေ၊ တတိ ယအုပ်စုမှာတော့ နိုင်ငံခြားသားတွေ၊ နိုင်ငံတကာအစိုးရမဟုတ်တဲ့ အဖွဲ့အစည်းတွေနဲ့ နိုင်ငံရေး ခိုလှုံသူတွေ ပါဝင်မှာ ဖြစ်ပါတယ်။          လက်ရှိပြင်ဆင်နေတဲ့ ဒုက္ခသည်စခန်း ၂၃ ခုမှာ ခိုလှုံသူ ၃၉,၄၀၀ လောက် နေထိုင် နိုင်မှာဖြစ်တယ်လို့ ဆိုပါတယ်။

9 months Ago
Up