မြန်မာကုန်စည်တင်ပို့မှု ရပ်တန့်

September 30, 2020

တရုတ်မုန့်စားပွဲတော်အတွင်း မြန်မာကုန်စည်တင်ပို့မှု ရပ်တန့်နိုင်   

တရုတ်မုန့်စားပွဲအတော်အတွင်း တရုတ်အကောက်ခွန်ဦးစီးဌာန ခေတ္တ ပိတ်မှာဖြစ်ပြီး အဲဒီလိုပိတ်ထားတဲ့ကာလတွေမှာ မြန်မာကုန်စည်တင်ပို့မှုတွေရပ်တန့်သွား နိုင်တယ်လို့ ကုန်တင်ကားမောင်းနှင်သူတွေက ပြောပါတယ်။  အဆိုပါ တရုတ်မုန့်စားပွဲတော်ကျင်းပနေတဲ့ကာလအတွင်း အောက်တိုဘာ ၁ ရက်မှ အောက်တိုဘာ ၈ ရက်နေ့အထိ ခေတ္တပိတ်ထားမှာဖြစ်ကာ လက်ရှိမှာလည်း ကြယ်ဂေါင်ဘက်မှာ ကုန်စည်တွေရှားပါးနေသလို ရွှေလီဘက်ကလည်း ကုန်စည်အဝင်နည်းနေပြီး မြန်မာဘက်က ဖရဲကားမောင်းသူတွေအနေနဲ့လည်း တန်းစီတာ ၁ လနီးပါးရှိပြီဖြစ်တာကြောင့် ဂိတ်တွေ ထပ်ပြီး ပိတ်သွားမှာကိုစိုးရိမ်နေတယ်လို့ ဖရဲကားမောင်းသူက ပြောပါတယ်။  တရုတ်အကောက်ခွန်ဦးစီးဌာနဟာ မြန်မာနိုင်ငံနဲ့ တရုတ်နိုင်ငံ ကုန်စည်စီးဆင်း လည်ပတ်တဲ့ နေရာမှာ အရေးပါတဲ့ ဌာနတစ်ခုဖြစ်ကာ အဆိုပါ မုန့်စားပွဲတော်ကျင်းပနေတဲ့ကာလအတွင်း နှစ်စဉ်ပိတ်လေ့ရှိတယ်လို့သိရပါတယ်။  မကြာသေးခင်ကလည်း ရွှေလီမြို့မှာ ကိုဗစ်-၁၉ ကူးစက်ခံရသူ လူနာ ၂ ဦး ရှိခဲ့တာကြောင့် စက်တင်ဘာလ ၁၄ ရက်မှ ၂၁ ရက်အထိ မြို့အဝင်တွေကိုပိတ်ထားခဲ့ကာ စက်တင်ဘာလ ၂၂ ရက်မှ  ပြန်လည်ဖွင့်လှစ်ခဲ့တာလည်း ဖြစ်ပါတယ်။  သတင်း - Pra Jaw
7 months Ago
Up