မွန်ပြည်သစ်ပါတီနှင့် လားဟူလက်နက်ကိုင်အဖွဲ့တို့ အန်စီအေ လက်မှတ်ထိုးမည်ဟုကြေညာ

February 13, 2018

မွန်ပြည်သစ်ပါတီနှင့် လားဟူဒီမိုကရက်တစ် အစည်းအရုံးတို့ အန်စီအေလက်မှတ်ထိုး

မွန်ပြည်သစ်ပါတီ (NMPS)နဲ့  လားဟူ ဒီမိုကရက်တစ် အစည်းအရုံး (LDU) တို့ဟာ  တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ် (အန်စီအေ)မှာ ဒီကနေ့ ဖေဖော်ဝါရီ ၁၃ မွန်းလွဲပိုင်းက ပါဝင် လက်မှတ်ရေးထိုးလိုက်ကြပါတယ်။ လက်မှတ်ရေးထိုးပွဲကို နေပြည်တော်ရှိ  မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန-၂ (MICC-II)မှာ  သမ္မတ၊ ဒုသမ္မတ၊ နိုင်ငံတော်အတိုင်ပင်ခံပုဂ္ဂိုလ်၊ ကာကွယ်ရေးဦးစီးချုပ်၊ လွှတ်တော်အကြီးအကဲတွေနဲ့ ပြည်တွင်းပြည်ပက ဖိတ်ကြားထားသူတွေ တက်ရောက်တဲ့ နိုင်ငံတော် အခမ်းအနားအနေနဲ့ ကျင်းပခဲ့တာ ဖြစ်ပါတယ်။ လက်မှတ်ရေးထိုးတဲ့ အခမ်းအနားမှာ  နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က လက်မှတ်ရေးထိုးတဲ့ အဖွဲ့အရေအတွက် မများလှပေမယ့် ဒီကနေ့ လက်မှတ်ရေးထိုးပွဲထမြောက် အောင်မြင်အောင် လျှောက်လှမ်းလာခဲ့တဲ့ ခရီးက မလွယ်ကူလှတဲ့ အကြောင်း အမျိုးသားပြန်လည်သင့်မြတ်ရေးနဲ့ ပြည်ထောင်စု ငြိမ်းချမ်းရေး အတွက် အနာဂတ်မှာ ပေါ်ထွန်းလာမယ့် ဒီမိုကရေစီဖက်ဒရယ် ပြည်ထောင်စုကြီးရဲ့ အုတ်မြစ်ကို အတူတစ်ကွ လက်တွဲပြီး စိုက်ထူကြဖို့ စိတ်ပိုင်းဖြတ်လိုက်တဲ့ ခြေလှမ်းတစ်လှမ်း ဖြစ်လို့ ဝမ်းမြောက်ဝမ်းသာ ကြိုဆိုဂုဏ်ပြုပါကြောင်းပြောပါတယ်။ “NCA ဟာ ကျွန်မတို့ ငြိမ်းချမ်းရေးဖြစ်စဉ်ရဲ့ လမ်းဆုံး မဟုတ်ပါဘူး။ NCA ဟာ ငြိမ်းချမ်းရေးဖြစ်စဉ်ရဲ့ အစ၊ နိုင်ငံရေးဆွေးနွေးပွဲတွေရဲ့ အစ၊ လက်နက်ကိုင်ပဋိပက္ခ လျှော့ချခြင်းတွေရဲ့အစ၊ တွေ့ဆုံဆွေးနွေးမှုတွေက တစ်ဆင့် နိုင်ငံရေးပြဿနာတွေကို ညှိနှိုင်းတိုင်ပင်အဖြေရှာမယ့် နိုင်ငံရေးဖြစ်စဉ်ရဲ့အစပဲ ဖြစ်ပါတယ်။” စစ်မီးမငြိမ်း၊ မြက်ခင်းမစိမ်း နိုင်သေးဘဲ ယမ်းငွေ့‌တွေ ဝေနေဦးမှာလား၊ ဆက်ပြီးတော့လည်း ယမ်းငွေ့တွေ ဝေနေစေချင်သေးတာလား ဆိုတာကို ကိုယ့်ကိုကိုယ် မေးကြရမယ်လို့လည်းဒေါ်အောင်ဆန်းစုကြည်က မေးခွန်းထုတ်လိုက်ပါတယ်။ ဒါ့အပြင် အန်စီအေလက်မှတ်ရေးထိုးပြီးသား အဖွဲ့တွေနဲ့ ပစ်ခတ်တိုက်ခိုက်မှုရပ်စဲရေး လုပ်ငန်းစဉ်တွေ ခိုင်မာအောင် ဆက်ကြိုးပမ်းသွားမှာဖြစ်သလို ငြိမ်းချမ်းရေးဖြစ်စဉ်မှာ မပါဝင်သေးတဲ့ အဖွဲ့အစည်းတွေပါဝင်လာအောင် ဆက်လက်ပြီး ကြိုးပမ်းသွားကြရမယ်လို့လည်း နိုင်ငံတော် အတိုင်ပင်ခံပုဂ္ဂိုလ်ကပြောသွားပါတယ်။ အရင်သမ္မတ ဦးသိန်းစိန်အစိုးရလက်ထက်မှာ အစိုးရနဲ့ တိုင်းရင်းသားလက်နက်ကိုင် ၈ ဖွဲ့တို့ လက်မှတ်ရေးထိုးထားခဲ့ကြပြီး ဒီကနေ့  ၂ဖွဲ့ထပ်မံပါဝင်လက်မှတ်ထိုးလိုက်တဲ့အတွက်  အစိုးရနဲ့ အန်စီအေ စာချုပ်လက်မှတ်ထိုးထားတဲ့ တိုင်းရင်းသားလက်နက်ကိုင် အဖွဲ့ ၁၀ ဖွဲ့ ရှိသွားပြီဖြစ်ပါတယ်။   ဒေါ်အောင်ဆန်းစုကြည်ကတော့ သမ္မတကြီး ဦးသိန်းစိန်လက်ထက်မှာ ဒီငြိမ်းချမ်းရေး လုပ်ငန်းစဉ်တွေ ဖြစ်ထွန်း ပေါ်ပေါက်လာအောင် အားကြိုးမာန်တက် ကြိုးပမ်းခဲ့တဲ့အတွက်လည်း နိုင်ငံနဲ့ ပြည်သူတွေကိုယ်စား ကျေးဇူးတင်တယ်လို့ ဒီကနေ့ လက်မှတ်ရေးထိုးပွဲ အခမ်းအနားမိန့်ခွန်းမှာ ပြောကြားသွားပါတယ်။
4 years Ago

January 23, 2018

မွန်ပြည်သစ်ပါတီနှင့် လားဟူလက်နက်ကိုင်အဖွဲ့တို့ အန်စီအေ လက်မှတ်ထိုးမည်ဟုကြေညာ

  တိုင်းရင်းသားလက်နက်ကိုင်အဖွဲ့နှစ်ဖွဲ့ဖြစ်တဲ့ မွန်ပြည်သစ်ပါတီ (NMPS) နဲ့ လားဟူ ဒီမိုကရက်တစ်အစည်းအရုံး (LDU) တို့ဟာ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (အန်စီအေ)မှာ မကြာခင် ပါဝင်လက်မှတ်ရေးထိုးတော့မယ့်လို့ ဒီနေ့ သတင်းထုတ်ပြန်လိုက်ပါတယ်။ နှစ်ဖွဲ့ပေါင်း ထုတ်ပြန်ချက်ထဲမှာ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နဲ့ ဒီနေ့ နေပြည်တော်မှာ တွေ့ဆုံပြီး အန်စီအေလက်မှတ်ထိုးရေးနဲ့ ငြိမ်းချမ်းရေးလုပ်ငန်းစဉ်တွေကို ဆွေးနွေးခဲ့တယ်လို့ ဆိုပါတယ်။ “တနိုင်ငံလုံး အပစ်အခတ် တိုက်ခိုက်မှုရပ်စဲရေး သဘောတူစာချုပ် အန်စီအေ လက်မှတ်ရေးထိုးရေးကိစ္စနဲ့ ငြိမ်းချမ်းရေးလုပ်ငန်းစဉ်များကို ရင်းနှီးပွင့်လင်းစွာ ဆွေးနွေးခဲ့ကြပါတယ်။ တွေ့ဆုံဆွေးနွေးမှုများအရ မွန်ပြည်သစ်ပါတီနဲ့ လားဟူဒီမိုကရက်တစ် အစည်းအရုံးတို့အနေနဲ့ မကြာခင် အန်စီအေစာချုပ်မှာ ပါဝင်လက်မှတ် ရေးထိုးလာမှာ ဖြစ်တယ်”လို့ သတင်းထုတ်ပြန်ချက်မှာ ပါရှိပါတယ်။ NMPSဥက္ကဋ္ဌ နိုင်ထောမွန်နဲ့ LDU ဥက္ကဋ္ဌ ကြာခွန်ဆာတို့ခေါင်းဆောင်တဲ့ ကိုယ်စားလှယ်အဖွဲ့တွေဟာ   ဇန်နဝါရီ ၂၃ ရက်မနက်က နေပြည်တော်မှာ ဒေါ်အောင်ဆန်းစုကြည်နဲ့ရော ဗိုလ်ချုပ်မှူးကြီးမင်းအောင်လှိုင်နဲ့ပါ သီးခြားစီတွေ့ဆုံပြီး  အန်စီအေ လက်မှတ်ရေးထိုးရေး ကိစ္စတွေ တွေ့ဆုံဆွေးနွေးခဲ့ပါတယ်။ အခုလိုတွေ့ဆုံမှုနဲ့ ပတ်သက်ပြီး နိုင်ငံတော်အတိုင်ပင်ခံရုံး ဝန်ကြီးဌာနရဲ့ ပြောရေးဆိုခွင့်ရှိသူ ဦးဇော်ဌေးက “ဒီနှစ်ဖွဲ့က မနက်ပိုင်းက တပ်မတော်ကာကွယ်ရေးဦးစီးချုပ်နဲ့ တွေ့တယ်။ အခု နိုင်ငံတော်အတိုင်ပင်ခံနဲ့ တွေ့တယ်။ တွေ့တဲ့အခါမှာ လက်မှတ်ထိုးမယ့် ကိစ္စရယ်။ လက်မှတ်ထိုးပြီးရင် ဆက်လုပ်ရမယ့် ကိစ္စတွေကို ဆွေးနွေးတယ်။ ဆွေးနွေးတဲ့အခါမှာ နှစ်ဦး နှစ်ဖက် ကျေနပ်အားရမှု ရှိတယ်။ ခေါင်းဆောင်တွေကလည်း တွေ့ပြီးတာနဲ့ လက်မှတ်ထိုးဖို့ ဆိုတာကို သတင်းထုတ်ပြန်ချက် တခါတည်း ထုတ်ပြန်တဲ့သဘောပါ”လို့ ရှင်းပြပါတယ်။ အန်စီအေ သဘောတူစာချုပ်ကို တိုင်းရင်းသားလက်နက်ကိုင်အဖွဲ့ ၈ ဖွဲ့က ပါဝင် လက်မှတ်ရေးထိုးထားပြီးတော့ အခု ၂၁ရာစုပင်လုံ တတိယအကြိမ်အစည်းအဝေးမတိုင်ခင် မှာတော့ တိုင်းရင်းသားလက်နက်ကိုင်အဖွဲ့ ၂ ဖွဲ့ ထပ်မံပါဝင်လာဖို့ရှိနေတာဖြစ်ပါတယ်။ အဆိုပါတိုင်းရင်းသားလက်နက်ကိုင်အဖွဲ့နှစ်ဖွဲ့အနေနဲ့ အန်စီအေကို ဘယ်အချိန်မှာ လက်မှတ်ရေးထိုးမယ်ဆိုတာကိုတော့ ရက်အတိအကျထုတ်ပြန်ထားခြင်းမရှိသေးပါဘူး။ အခုလကုန်ပိုင်းမှာကျင်းပဖို့ ကနဦး စီစဉ်ထားတဲ့ ၂၁ ရာစု ပင်လုံ တတိယအကြိမ် ပြည်ထောင်စု ငြိမ်းချမ်းရေးညီလာခံအစည်းအဝေးကို ရှေ့လမှာ ပြုလုပ်ဖို့ ရက်ရွှေ့ဆိုင်းထား ပါတယ်။
4 years Ago
Up