မွန်တီနီဂရိုး

April 23, 2019

မြန်မာဘောလုံးသမိုင်းတလျှောက် လစာအများဆုံးနည်းပြအဖြစ် မွန်တီနီဂရိုးနည်းပြသစ် စံချိန်တင်

မွန်တီနီဂရိုးနည်းပြ ရာဂျူလိုဗစ်ကို မြန်မာဘောလုံးသမိုင်းတလျှောက် လစာအများဆုံးပေးပြီး ခန့်အပ်လိုက်တယ်လို့ မြန်မာနိုင်ငံဘောလုံးအဖွဲ့ချုပ် အထွေထွေ အတွင်းရေးမှူး ဦးကိုကိုသိန်းက ပြောပါတယ်။ မြန်မာနိုင်ငံဘောလုံးအဖွဲ့ချုပ်ဟာ လက်ဘနွန်အသင်းကို ၄ နှစ်ကြာ ကိုင်တွယ်ပြီး ရလဒ်ကောင်းတချို့ ရရှိခဲ့တဲ့ နည်းပြ လိုဗစ်ကို ၂၀၂၀ ပြည့်နှစ် ဒီဇင်ဘာလအထိ စာချုပ် ချုပ်ဆိုခဲ့တာ ဖြစ်ပါတယ်။ မြန်မာနည်းပြရာထူးအတွက် အင်္ဂလန်၊ ဘရာဇီး၊ ဟော်လန်နဲ့ တခြားနိုင်ငံတွေက နည်းပြ ၅၅ ဦးလောက် လာရောက်လျှောက်ထားခဲ့ပြီး အင်တာဗျူးတွေ ပြုလုပ်အပြီးမှာ မွန်တီနီဂရိုးနည်းပြ ရာဂျူလိုဗစ်ကို ရွေးချယ်ခဲ့တာ ဖြစ်ပါတယ်။ နည်းပြသစ် ရာဂျူလိုဗစ်ရဲ့ လစာကို ထုတ်ဖော်ပြောကြားလို့ မရပေမယ့်လည်း မြန်မာ့လက်ရွေးစင်အသင်းနည်းပြ သမိုင်းမှာတော့ လစာအများဆုံး ပေးချေရတဲ့ နည်းပြအဖြစ် စံချိန်တင်ခဲ့တယ်လို့ သိရပါတယ်။ မြန်မာဘောလုံးသမိုင်းတလျှောက်မှာ နိုင်ငံခြားသားနည်းပြ စုစုပေါင်း ၁၂ ဦးလောက် ခန့်အပ်ခဲ့ဖူးပြီး လက်ရှိနည်းပြ ရာဂျူလိုဗစ်က ၁၃ ယောက်မြောက် နိုင်ငံခြားသားနည်းပြ ဖြစ်ပါတယ်။ နည်းပြသစ် လိုဗစ်အနေနဲ့ လာမယ့် စက်တင်ဘာလအတွင်းမှာ ကစားမယ့် ကမ္ဘာ့ဖလား ခြေစစ်ပွဲစဉ်တွေမှာ အောင်မြင်မှုရအောင် စွမ်းဆောင်ပြရမှာဖြစ်ပြီး အဲဒီပွဲတွေ မတိုင်ခင်မှာလည်း နိုင်ငံတကာ ခြေစမ်းပွဲတွေ ကစားဖို့ စီစဉ်ထားပါတယ်။ အသက် ၅၁ နှစ်ရှိ လိုဗစ်ဟာ ကစားသမားဘဝက ကွင်းလယ်ကစားသမားတဦးဖြစ်ပြီး မွန်တီနီဂရိုး၊ ဆာဘီးယား၊ ဂရိနဲ့ ဆွီဒင် ကလပ်တချို့မှာ ကစားခဲ့ဖူးပါတယ်။ နည်းပြဘဝ အစကိုတော့ ပြည်တွင်းကလပ် ဇီတာအသင်းနဲ့ စတင်ခဲ့ပြီး ပေါ်တူဂီ၊ ရုရှား၊ ကာဇက်စတန်နဲ့ ကူဝိတ်ကလပ်တွေမှာလည်း နည်းပြခဲ့ဖူးတဲ့ ပရော်ဖက်ရှင်နယ်နည်းပြလိုင်စင်ရ နည်းပြတဦး ဖြစ်ပါတယ်။ ဒါ့အပြင် ဆားဘီးယားနဲ့ မွန်တီနီဂရိုး အိုလံပစ်အသင်းနဲ့ ယူ-၁၉ အသင်းတွေကိုလည်း ကိုင်တွယ်ခဲ့ဖူးပါတယ်။
3 years Ago

March 26, 2019

မွန်တီနီဂရိုးနှင့် ကစားခဲ့သည့် အင်္ဂလန်အသင်းမှ လူမည်းကစားသမားများ လူမျိုးရေးခွဲခြားခံရ

အင်္ဂလန်အသင်းက မွန်တီနီဂရိုးအသင်းကို ၅ ဂိုး ၁ ဂိုးနဲ့ အနိုင်ရခဲ့တဲ့ ယူရို ၂၀၂၀ ခြေစစ်ပွဲစဉ်မှာ အင်္ဂလန်အသင်းက လူမည်းကစားသမားတွေကို အိမ်ရှင် မွန်တီနီဂရိုး ပရိသတ်တွေက လူမျိုးရေးခွဲခြားမှုတွေ ပြုလုပ်ခဲ့ကြပါတယ်။ အိမ်ရှင်ပရိသတ်တွေဟာ အင်္ဂလန်ကစားသမားတွေဖြစ်တဲ့ စတာလင်၊ ဒန်နီရို့စ်နဲ့ ဟတ်ဆန်အိုဒွိုင်းတို့ကို အဓိကပစ်မှတ်ထား လှောင်ပြောင်ခဲ့ကြတာ ဖြစ်ပါတယ်။ စတာလင်ကတော့ လူမျိုးရေးခွဲခြားခံရမှုတွေ ဆက်ပြီး လုပ်ဆောင်နေတာဟာ ရှက်စရာကိစ္စတခု ဖြစ်တယ်လို့ ပြောလိုက်ပါတယ်။ အင်္ဂလန် လူငယ်တိုက်စစ်မှူး အိုဒွိုင်းကတော့ မွန်တီနီဂရိုး ပရိသတ်တွေရဲ့ မျောက်ကနေ ဆင်းသက်လာတယ်ဆိုပြီး လူမျိုးရေးခွဲခြားတဲ့ အော်ဟစ်သံတွေကို သူနဲ့ ဒန်နီရို့စ်တို့ ရှင်းရှင်းလင်းလင်း ကြားခဲ့ရပြီး ယူအီးအက်ဖ်အေနေနဲ့ အရေးယူဖို့ ကိုင်တွယ်သွားသင့်တယ်လို့ ပြောကြားသွားပါတယ်။ အင်္ဂလန်နည်းပြ ဆောက်ဂိတ်ကလည်း ပွဲပြီးခါနီး ဒန်နီရို့စ် အဝါကတ် ပြသခံရတဲ့အချိန်မှာ သူ့ကို လူမျိုးရေးခွဲခြားတဲ့ စကားသံတွေနဲ့ အော်ဟစ်ခဲ့ကြတာကို တွေ့မြင်ခဲ့ရပြီး လက်မခံနိုင်စရာ ကိစ္စ ဖြစ်တယ်လို့ ပြောပါတယ်။ အင်္ဂလန်အသင်းကတော့ အသင်းက လူမည်းကစားသမားတွေကို လှောင်ပြောင်မှုတွေ ပြုလုပ်ပြီး လူမျိုးရေးခွဲခြားမှုတွေ ပြုလုပ်ခဲ့တဲ့အတွက် ယူအီးအက်ဖ်အေကို တိုင်ကြားထားတယ်လို့ သိရပါတယ်။ အဲဒီပွဲစဉ်မှာ အင်္ဂလန်အသင်းက ပွဲချိန် ၁၇ မိနစ်မှာပဲ ဦးဆောင်ဂိုးပေးလိုက်ရပေမယ့် မိုက်ကယ်ကီးန် တဂိုး၊ ဘာကလေ နှစ်ဂိုး၊ ဟယ်ရီကိန်းနဲ့ စတာလင်တို့က တဂိုးစီသွင်းပြီး ၅ ဂိုး ၁ ဂိုးနဲ့ မွန်တီနီဂရိုးကို အနိုင်ရခဲ့ပါတယ်။
3 years Ago
More News
Up