မြစ်ရေလျှံ

July 25, 2020

တရုတ်တွင် မိုးအဆက်မပြတ်ရွာသွန်းမှုကြောင့် မြစ်ရေလျှံ မြေပြိုမှုများဖြစ်

မိုးအဆက်မပြတ်ရွာသွန်းမှုကြောင့် တရုတ်နိုင်ငံ အနောက်တောင်ပိုင်း ချုန်ကျင်းမြို့နဲ့ အနောက်မြောက်ပိုင်း ရှန်ဇီးပြည်နယ်တို့မှာ မြစ်ရေလျှံပြီး၊ မြေပြိုမှုတွေ ဖြစ်နေပါတယ်။ ချုန်ကျင်းမှာ ပြီးခဲ့တဲ့ ကြာသပတေးနေ့က မြေပြိုမှုတွေ ဖြစ်ခဲ့ပြီး လမ်းတွေ တော်တော်များများ ပျက်စီးခဲ့သလို ဝမ်ချောင်ခရိုင်မှာလည်း အဝေးပြေးလမ်းမကြီးနှစ်ခုရဲ့ လမ်းအစိတ်အပိုင်းတချို့ ပျက်စီးသွားပါတယ်။ လမ်းပိတ်ဆို့နေတဲ့ မြေကြီးနဲ့ အပျက်အစီးတွေ ဖယ်ရှားဖို့ ၄ ရက်လောက် အချိန်ယူရဦးမယ်လို့ ဒေသခံအာဏာပိုင်တွေက ဆိုပါတယ်။  ရှန်ဇီးပြည်နယ် အန်ကန်မြို့က အဝေးပြေးလမ်းမကြီး အမှတ် ၅၄၁ မှာလည်း မိုးကြီး မြေပြိုမှုတွေ ဖြစ်ခဲ့ပါတယ်။ တောင်တွေပေါ်ကနေ မြေပြိုမှုတွေကြောင့် လမ်းပေါ်မှာ မြေကြီးထုထည် ၁၂,၀၀၀ ကုဗမီတာလောက်ရှိတဲ့ ကျောက်ခဲနဲ့ အပျက်အစီးတွေ ပိတ်ဆို့ခဲ့ပါတယ်။
1 year Ago
Up