မြစ်ကြီးနား

A d v e r t i s e m e n t With Us

February 25, 2021

ရဲနှင့်စစ်သား စျေးမရောင်းပါ မြစ်ကြီးနားမြို့ကဆိုင်များ နာမည်စာရင်းလိုက်ကောက်နေ

ကချင်ပြည်နယ် မြစ်ကြီးနားမြို့မှာ ရဲနဲ့စစ်သား စျေးမရောင်းပါ စာရေးကပ်ထားတဲ့ ဆိုင်တွေကို နာမည်စာရင်းလိုက်ကောက်နေတယ်လို့ သိရပါတယ်။

မြစ်ကြီးနားမြို့က အချို့စျေးဆိုင်တွေမှာ ရဲနဲ့ စစ်သား၊ CDM မလုပ်တဲ့ ဝန်ထမ်းတွေကို စျေးမရောင်းတဲ့ စာသားတွေ ကပ်ထားတာဖြစ်ပြီး ဆိုင်ပိုင်ရှင်တွေရဲ့ အမည်စာရင်းများနေရပ်လိပ်စာများ အဖွဲ့အစည်းတခုကနေ ဖေဖော်ဝါရီ ၂၄ ရက်နေ့က လာရောက်ကောက်ခံခဲ့တာလို့ ဆိုင်ပိုင်ရှင်တဦးက ပြောပါတယ်။

”ကပ်ထားတဲ့စာကိုတော့ သူတို့က မဖြုတ်ခိုင်းဘူး။ ကျမတို့က စိုးရိမ်မှုတွေရှိတဲ့အတွက် ခဏဖြုတ်ထားလိုက်တယ‌်။ နာမည်ရယ်၊ နေရပ်လိပ်စာရယ်၊ ဖုန်းနံပါတ်ရယ်၊ မှတ်ပုံတင်နံပါတ်တွေရယ် လာတောင်းသွားတာ။” 

ရဲနဲ့ စစ်သား၊ CDM မလုပ်တဲ့ ဝန်ထမ်းတွေကို စျေးမရောင်းပါ စာသားတွေကို ဖေဖော်ဝါရီလ ၂၃ ရက်နေ့က စတင်ရေးကပ်ထားခဲ့တာဖြစ်ပြီး ၂၄ ရက်နေ့ မနက်ပိုင်းမှာ ဖြုတ်ထားလိုက်ရတယ်လို့ ဆိုပါတယ်။

အရင်တပတ်ကလည်း CDM လုပ်တဲ့ ဝန်ထမ်းတွေကို ဝန်ထမ်းကတ်ပြပြီး အခမဲ့စားသောက်နိုင်တယ်လို့ ရေးကပ်ထားတဲ့ စားသောက်ဆိုင်နဲ့ဆန်ဆိုင်တွေကို အဖွဲ့အစည်းတခုက လာရောက် ဖိအားပေးတဲ့အတွက် ဖြုတ်ထားခဲ့ရတယ်လို့ သိရပါတယ်။

မီးမီး

12 hours Ago

February 24, 2021

မြစ်ကြီးနားတွင် သပိတ်ပုံစံ ၃ မျိုးဖြင့် အာဏာသိမ်းစစ်ကောင်စီကို ဆန့်ကျင်ဆန္ဒပြ

ကချင်ပြည်နယ်၊ မြစ်ကြီးနားမြို့မှာ ဒေသခံ ပြည်သူတွေက လမ်းလျှောက်သပိတ်၊ ဆိုင်ကယ်သပိတ်နဲ့ ထိုင်သပိတ်တွေ ပြုလုပ်ပြီး စစ်အာဏာသိမ်းမှုကို ဆက်လက်ဆန့်ကျင်ဆန္ဒပြ နေကြပါတယ်။

ဖေဖော်ဝါရီ ၂၄ ရက်နေ့မှာ ပညာရေးဝန်ထမ်းတွေ၊ မီးရထားဝန်ထမ်းတွေ၊ နည်းပညာ တက္ကသိုလ်ဆရာ/ဆရာမတွေ၊ ကျောင်းသူကျောင်းသားတွေ၊ အင်ဂျင်နီယာတွေ၊ မြစ်ကြီးနား ဒေသခံတွေ လူဦးရေ ၁၀၀၀ ကျော်ဟာ လမ်းလျှောက်တာ၊ ဆိုင်ကယ်စီးတာ၊ ထိုင်သပိတ်ပြုလုပ်တာ တို့နဲ့ ဆန္ဒပြခဲ့ကြပါတယ်။

အဲ့ဒီဆန္ဒထုတ်ဖော်သူတွေဟာ မြစ်ကြီးနားမြို့ အထက ၂ ကျောင်းအရှေ့ကနေ မနက် ၁၀ နာရီကျော်မှာ စတင်ထွက်ခွာလာကြပြီး ဘူတာ၊ စျေး (၁)နဲ့ စျေး(၂)ကြား မြို့တွင်း လမ်းတွေပေါ်မှာ လမ်းလျှောက်လှည့်လည်ခဲ့ကြကာ နေ့လည် ၁၂နာရီကျော်မှာ အထက(၂)အရှေ့မှာ လူစုခွဲခဲ့ကြပါတယ်။

မီးမီး

1 day Ago
More News
Up