မြင်းခြံမြို့မှာ စစ်အာဏာရှင်ဆန့်ကျင်ရေး ဆန္ဒဖော်ထုတ်ပွဲကို မတ် ၈ ရက်နေ့က ပြုလုပ်ခဲ့ရာ အတားအဆီး ပိတ်ဆို့မှုများစွာရှိပေမယ့် အောင်မြင်စွာ ပြီးစီးခဲ့ပါတယ်။
Photo - Nyi Myo Htun / MPA
မြင်းခြံမြို့မှာ မတ်လ ၃ ရက်နေ့ စစ်အာဏာရှင်ဆန့်ကျင်ရေး ဆန္ဒပြသူတွေကို ရဲနဲ့ စစ်တပ်က အကြမ်းဖက်ပစ်ခတ် ဖြိုခွင်းခဲ့တာကြောင့် ဆန္ဒပြပြည်သူတစ်ဦး သေဆုံးခဲ့ရပြီး ၁၉ ဦး ထိခိုက်ဒဏ်ရာရခဲ့ပါတယ်။
ဒီမနက် မနက် ၁၀ နာရီ ဝန်းကျင်ကတည်းက စတင် ပစ်ခတ်ခဲ့ပြီး ၁၁ နာရီ ဝန်းကျင်မှာ ၂၁ နှစ်အရွယ် လူငယ် တစ်ဦး မြင်းခြံမြို့ ဗိုလ်ချုပ်ကြေးရုပ်ရှေ့မှာ ဦးခေါင်းကျည်ထိမှန်ပြီး သေဆုံးခဲ့ရတာပါ။
သေနတ်ကျည်မှန်ပြီး ဒူးခေါင်းနဲ့ ဝမ်းဗိုက်ပေါက်သူတွေ အပါအဝင် ဆန္ဒပြပြည်သူ ၁၉ ယောက်လောက် ထိခိုက်ဒဏ်ရာ ရခဲ့ပါတယ်။
