များပြားနေ

June 12, 2018

မူးယစ်အကျဉ်းသားများ ထောင်အတွင်းထားစရာ နေရာမရှိလောက်အောင် များပြားနေ

မွန်ပြည်နယ်က အကျဉ်းထောင်တွေမှာ မူးယစ်ဆေးဝါးမှုတွေနဲ့ အကျဉ်းကျနေတဲ့ အကျဉ်းသားတွေဟာ ထောင်ထဲမှာ ထားစရာ နေရာမရှိလောက်အောင် များပြားနေတယ်လို့ မွန်ပြည်နယ် ဝန်ကြီးချုပ်က ပြောပါတယ်။ ပြည်နယ်အတွင်း မူးယစ်ဆေးဝါး နှိမ်နင်းမှုအခြေအနေကို သိရှိလိုတဲ့အတွက် ဒီကနေ့ မွန်ပြည်နယ်လွှတ်တော် အစည်းအဝေးမှာ ဒေါက်တာအောင်နိုင်ဦးက မေးမြန်းခဲ့ရာမှာ မွန်ပြည်နယ် ဝန်ကြီးချုပ် ဒေါက်တာအေးဇံက နေ့စဉ်နဲ့အမျှ မူးယစ်ဆေးဝါး အမှုကို နှိမ်နင်းနေတဲ့အတွက် ထောင်အတွင်းမှာ ထားစရာနေရာ မရှိလောက်အောင် အကျဉ်းသားတွေ များနေတယ်လို့ ပြောပါတယ်။ “မူးယစ်ဆေးဝါးနဲ့ပတ်သက်ပြီး မဖမ်းဆီးတဲ့နေ့ တနေ့မှ မရှိပါဘူး။ မော်လမြိုင်ထောင်မှာ လူ ၁၀၀၀ ပဲ ဆံ့ပါတယ်။ တကယ်နေနေရတာက ၁၉၀၀ ပါ။ သထုံထောင်မှာ လူ ၁၅၀ ပဲ ဆံ့ပါတယ်။ တကယ် နေနေရတာ ၁၀၀၀ ပါ။ အကျဉ်းကျခံနေရသူ အားလုံးရဲ့ ၆၅ ရာခိုင်နှုန်းလောက်က မူးယစ်ဆေးဝါးမှုတွေနဲ့ အကျဉ်းထောင်ကျနေတာပါ။ ထောင်ထဲမှာ ထားစရာ နေရာမရှိလောက်အောင် မူးယစ်ဆေးဝါးတွေကို ဖမ်းဆီးနေရတဲ့ အခြေအနေ ဖြစ်နေပါတယ်။ ကျနော်တို့ပြည်နယ်က မူးယစ်ဆေးဝါး ထုတ်လုပ်တဲ့ ပြည်နယ် မဟုတ်ပါဘူး။ ထုတ်လုပ်နေတဲ့ ပြည်နယ်တွေကိုလည်း နှိပ်ကွပ်ဖို့လိုပါတယ်”လို့ ဝန်ကြီးချုပ်က ပြောပါတယ်။ ဘိန်းသုံးစွဲသူတွေအနေနဲ့ ဘိန်းဖြတ်လိုက်ပါက နဂိုအခြေအနေကို ပြန်လည်ရောက်ရှိနိုင်ပေမယ့်လည်း စိတ်ကြွဆေးပြားကတော့ နဂိုပုံစံကို ပြန်လည်မရောက်ရှိနိုင်ကြောင်း၊ မွန်ပြည်နယ်မှာ မူးယစ်ဆေးဝြးဖြတ်တောက်ပေးတဲ့ ဆရာဝန်အရေအတွက်နဲ့ ကျန်းမာရေး ဝန်ထမ်းတွေ အလုံအလောက်မရှိတဲ့အကြောင်း ဝန်ကြီးချုပ်က ထပ်လောင်းပြောပါတယ်။ မူးယစ်ဆေးဝါးသုံးစွဲသူတွေကို ဖမ်းဆီးနိုင်ပြီး ရောင်းချနေသူတွေကိုတော့ ထိထိရောက်ရောက် ဖမ်းဆီးနိုင်ခြင်းမရှိတဲ့အပေါ် သထုံမြို့နယ် မဲဆန္ဒနယ်အမှတ် (၁) မှ ပြည်နယ်လွှတ်တော်ကိုယ်စားလှယ် ဒေါ်ခိုင်ခိုင်လဲ့က လွှတ်တော်မှာ မေးခွန်းထုတ်သွားပါတယ်။ “ဒီလူတွေဟာ မူးယစ်ဆေးဝါးအနည်းငယ်သုံးစွဲပြီး လက်ဝယ်တွေ့ရှိမှုနဲ့ အဖမ်းခံနေရတဲ့ လူတွေဖြစ်ပါတယ်။ ကျမတို့ မျှော်လင့်နေတာက မူးယစ်ဆေးဝါးကို အမှန်တကယ် ရောင်းဝယ်ဖောက်ကားနေတဲ့ လက်ကားဒိုင်တွေကို ဖမ်းဆီးရမိဖို့အတွက် အားသွန်ခွန်စိုက် စီမံချက်တွေ ချမှတ် အကောင်ထည်ဖော် ဆောင်ရွက်ပေးဖို့ မျှော်လင့်နေတယ်”လို့ ပြောပါတယ်။ လက်ရှိ မွန်ပြည်နယ်မှာ မူးယစ်ဆေးဝါးရောင်းချနေတွေဟာ တာဝန်ရှိသူတွေကိုယ်တိုင် ပါဝင်ပတ်သက်နေတယ်လို့ ကျိုက်မရောမြို့နယ် မဲဆန္ဒနယ်အမှတ်(၁) မှ ပြည်နယ်လွှတ်တော် ကိုယ်စားလှယ် ဒေါ်ခင်မျိုးမြင့်ကလည်း ထောက်ပြ ပြောဆိုပါတယ်။ “တာဝန်ရှိတဲ့လူတွေကိုယ်တိုင်က မူးယစ်ဆေးဝါးရောင်းတဲ့အိမ်ကို လာပြီးတော့ ကြွပ်ကြွပ်အိတ် အမည်ကလေးနဲ့ နင်တို့အဖေ ဆိတ်ကလီစာဟင်း မှာထားလို့ လာပို့ပါ တယ်ဆိုပြီးတော့ ပတ်ဝန်းကျင် အမြင်လှအောင် လာပေးပါတယ်။ မြင်ရတဲ့သူတွေက ဘာပြောလဲဆိုတော့ မခံစားနိုင်ဘူး။ ဒီအလုပ်ကိုလုပ်ပြီး ကြွယ်ဝချမ်းသာ မောက်မာနေသူတွေက မူးယစ်ဆေးဝါးကို တရားဝင်လာပို့တဲ့သူတွေပါ။” မုဒုံမြို့နယ် မဲဆန္ဒနယ်အမှတ် (၁) မှ ပြည်နယ်လွှတ်တော်ကိုယ်စားလှယ် ဒေါ်မြသိင်္ဂီမော်ကလည်း “ကျမတို့ မုဒုံမြို့နယ်မှာဆိုရင်လည်း ကလေးတွေ၊ အသက် ၁၄၊ ၁၅ နှစ်အရွယ်တွေ မူးယစ်ဆေးဝါးသုံးစွဲနေတာတွေ၊ သုံးစွဲပြီးတော့ ရွာတွေလှည့်၊ ဆိုင်ကယ်ကို ပါဝါပြောင်း တပ်ပြီးတော့ ဆူညံအောင်လုပ်ပြီး လူကြီးတွေကို ဂရုမစိုက်ဘဲ မောင်းနှင်နေတာတွေကိုလည်း တွေ့ရှိနေရပါတယ်။ လူကြီးတွေ အိပ်ချိန်ကိုတောင်မှ စိတ်အနှောင့်အယှက်ဖြစ်နေရပါတယ်” လို့ပြောပါတယ်။ မွန်ပြည်နယ် အကျဉ်းထောင်တွေမှာ မူးယစ်ဆေးဝါးမှုနဲ့ အကျဉ်းကျနေသူတွေဟာ ထောင်က လက်ခံနိုင်စွမ်းထက် နှစ်ဆမြင့်တက်နေတဲ့အပြင် ထောင်နှစ်ရှည်ကျနေသူတွေ များပြားနေတဲ့အတွက် လက်ရှိ ဆောက်လုပ်နေဆဲဖြစ်တဲ့ အကျဉ်းသား ၁၂၀၀ ဆံ့တဲ့ ကျိုက်မရော အကျဉ်းထောင်သစ်ကို အခုနှစ်အတွင်း အပြီးသတ် ပြောင်းရွှေ့သွားမယ်လို့ မွန်ပြည်နယ် အကျဉ်းဦးစီးဌာနက သိရပါတယ်။ သတင်း - အာကာမင်း
3 years Ago
Up