မုံရွာအကျဉ်းထောင် ဝန်ထမ်းတိုက်ခန်း မီးလောင်

May 30, 2018

မုံရွာအကျဉ်းထောင် ဝန်ထမ်းတိုက်ခန်း မီးလောင်

  စစ်ကိုင်းတိုင်းဒေသကြီး၊ မုံရွာမြို့၊ မုံရွာအကျဉ်းထောင်ဝင်းအတွင်းရှိ ဝန်ထမ်းလိုင်းခန်း မီးလောင်မှု မေလ ၂၉ ရက် ည ၁၁ နာရီအချိန်လောက်က ဖြစ်ပွားခဲ့ပါတယ်။ မုံရွာအကျဉ်းဦးစီးဌာန ဒုတပ်ကြပ်အေးအေးစိုးရဲ့ နေအိမ်ခန်းကနေ ဘုရားစင်မီး ဝါယာလျှော့ဖြစ်ကာ မီးပွားကျပြီး ဘုရားစင်အောက် မွေ့ယာကို မီးကူးစက်ခဲ့လို့ ဝန်ထမ်းတိုက်ခန်းတွေ မီးကူးစက်လောင်ကျွမ်းခဲ့တာပါ။ မီးလောင်မှုကြောင့် သွပ်မိုးပျဉ်ကာ ၄ ခန်းတွဲ ၂ တွဲ၊ ၁၀ပေ ၁၅ ပေ သွပ်မိုးပျဉ်ကာ အခန်း ၁ ခန်း စုစုပေါင်း အခန်း၉ခန်းနဲ့ အတွင်းပစ္စည်းတွေ ဆုံးရှုံးခဲ့ပြီး ကာလတန်ဖိုး ကျပ် ၅၆ သိန်းကျော်ဆုံးရှုံးခဲ့တယ်လို့ သိရပါတယ်။ မီးလောင်ရာကို မီးသတ်ယာဉ် ၉ စီး၊ ရေသယ်ယာဉ် ၅ စီး ရေဂါလံ ၇၀၀၀ နီးပါးသုံးစွဲကာ မီးသတ်၊ ရဲ၊ ထောင်ဝန်ထမ်းတွေ စုစုပေါင်း ၂၀၀လောက်က မိနစ် ၂၀ ကျော်ကြာ ငြိမ်းသတ်ခဲ့ရတယ်လို့ မီးသတ်ဦးစီးဌာနက သိရပါတယ်။ မီးလောင်မှုကြောင့် မီးဘေးဒုက္ခခံစားနေရတဲ့ အိမ်ထောင်စု ၉ စုက မိသားစုဝင် ၃၆ဦးကို ဒီနေ့မနက်က ဝန်ကြီးချုပ်ကိုယ်တိုင် မီးလောင်ပြင်ကိုလာရောက် ကွင်းဆင်းကြည့်ရှုပြီး အားပေးနှစ်သိမ့်ခဲ့ပါတယ်။ မီးလောင်မှုနဲ့ပတ်သက်ပြီး မီးပေါ့ဆစွာသုံးစွဲတဲ့ ဒုတပ်ကြပ်အေးအေးစိုးကိုတော့ မုံရွာမြို့မရဲစခန်းမှာ (ပ) ၈၅၀/၂၀၁၈၊ ပုဒ်မ ၂၈၅ နဲ့ အမှုဖွင့်အရေးယူးထားတယ်လို့ သိရပါတယ်။ စစ်ကိုင်းတိုင်းဒေသကြီးအတွင်း ၂၀၁၇-၁၈ ဘဏ္ဍာနှစ်မှာ မီးလောင်မှုအကြိမ်ရေ ၂၃၈ ကြိမ်ဖြစ်ပွားခဲ့ပြီး ဆုံးရှုံးမှုတန်ဖိုး ကျပ်သန်းပေါင်း ၁၇၈၆.၄၀ သန်းရှိခဲ့ပါတယ်။ မီးလောင်မှုအများဆုံးက ပေါ့ဆမီးဖြစ်ခဲ့ပြီး ၇၄ ကြိမ်၊ လျှပ်စစ်မီး ၅၇ ကြိမ်၊ ရှို့မီး ၄၈ ကြိမ်၊ မီးဖိုမီး ၄၅ ကြိမ်၊ အလိုအလျောက်မီး ၇ ကြိမ်၊ တောမီး ၆ ကြိမ်နှင့် မိုးကြိုးမီး ၁ ကြိမ်တို့ ဖြစ်ပွားခဲ့ပါတယ်။ စစ်ကိုင်းတိုင်းအတွင် မီးလောင်မှုတွေထဲမှာ နန်းဖာလုံဈေးမီးလောင်မှုက ဆုံးရှုံးမှုတန်ဖိုး အများဆုံး ဖြစ်ပါတယ်။
3 years Ago
Up