မောင်းထုတ်

August 7, 2021

ဘီလာရုစ်အားကစားအဖွဲ့တာဝန်ရှိသူ ၂ ဦး အိုလံပစ်ရွာမှ မောင်းထုတ်ခံရ

ဘီလာရုစ် အိုလံပစ်အားကစားမယ် ခရစ်စီနာ စီမာနောင်စကာယာကို တိုကျိုအိုလံပစ်ပွဲကနေ အိမ်ပြန်ပို့ဖို့ ကြိုးစားခဲ့တဲ့ ဘီလာရုစ်အိုလံပစ်အဖွဲ့က အရာရှိ ၂ယောက်ကို အိုလံပစ်ပွဲကနေ ဖယ်ရှားခဲ့အပြီး သြဂုတ် ၆ ရက်မှာ သူတို့ဟာ ဂျပန်မြို့တော်က ဟာနဲဒါလေဆိပ်ကို ရောက်လာ ပါတယ်။

အားကစားနည်းပြ အကြီးအကဲ ယူရိမွိုင်စေဗစ်ချ်နဲ့ အဖွဲ့အရာရှိ အာတာ ရှုမတ်ခ်တို့ဟာ အားကစားမယ်ကို အထုပ်အပိုးပြင်ပြီး လေဆိပ်ကို သွားဖို့ အမိန့်ထုတ်အပြီး ရက်ပိုင်းအတွင်း အိုလံပစ်ရွာကနေ မောင်းထုတ် ခံခဲ့ရပါတယ်။

ဘီလာရုစ် အိုလံပစ်ကော်မတီကတော့ ဒီဆုံးဖြတ်ချက်ကို မေတ္တာရပ်ခံပြီး နိုင်ငံတကာ အိုလံပစ်ကော်မတီနဲ့ ဆက်လက်ဆွေးနွေးဖို့ မျှော်လင့်တယ်လို့  မနေ့က ကြေညာချက် ထုတ်ပြန် ပြော ပါတယ်။

ဘီလာရုစ် အားကစားမယ်ကို အိမ်ပြန်ပို့ဖို့ အမိန့်ဟာ ဘီလာရုစ်နိုင်ငံအတွင်း အထက်အမိန့် အရလို့ အရာရှိ ၂ ယောက်က သူ့ကို ပြောခဲ့တဲ့အကြောင်း စီမာနောင်စကာယာက ပိုလန်နိုင်ငံ ဝါဆောမြို့က လူတွေ့ မေးမြန်းခန်းအတွင်း သြဂုတ် ၅ ရက်မှာ ပြောခဲ့ပါတယ်။

အားကစားမယ်ဟာ အိမ်ပြန်မယ့် လေယာဉ်ပေါ် တက်ဖို့ သြဂုတ်  ၁ ရက်မှာ ငြင်းဆန်ခဲ့ပြီး ဂျပန်ရဲတပ်ဖွဲ့ဆီမှာ အကာအကွယ် တောင်းခံခဲ့တာပါ။ အဲဒီနောက် ပိုလန်နိုင်ငံမှာ ခိုလှုံခွင့် ရခဲ့ပြီး ဩဂုတ် ၅ ရက်နေ့မှာတော့ သူ့ခင်ပွန်းနဲ့ ပြန်ဆုံ ဆည်းခဲ့ပါတယ်။

အသက် ၂၄ နှစ်အရွယ် အားကစားမယ်ရဲ့ အမှုဟာ မနှစ်က အတိုက်အခံတွေကို ရက်ရက်စက်စက် နှိမ်နင်းခဲ့လို့ အနောက်နိုင်ငံတွေက ဒဏ်ခတ်တာ ခံထားရတဲ့ ဘီလာရုစ် သမ္မတ အလက်ဇန်းဒါး လူကာရှန်ကိုကို ပိုပြီး ကြဉ်ပယ်ထားဖို့ ခြိမ်းခြောက်နိုင်ပြီး သမ္မတ လူကာရှန်ကိုရဲ့ သားဟာ ဘီလာရုစ် အိုလံပစ်ကော်မတီရဲ့ အကြီးအကဲ ဖြစ်တယ်လို့ ရိုက်တာသတင်းဌာနက ဖော်ပြပါတယ်။

4 months Ago

March 6, 2020

ကျမတို့ ဂရိကိုကူးသွားမလို့ပါ။ အအေးတောထဲ  နှစ်ညလုံး နေရတယ်၊ စားစရာဘာမှ မရှိဘူး - ရွှေ့ပြောင်းဒုက္ခသည်တဦး

ဂရိရေပြင်  ဝင်ရောက်လာတဲ့ ရွှေ့ပြောင်းဒုက္ခသည်တွေကို အာဏာပိုင်တွေက မောင်းထုတ်နေပေမယ့်လည်း ရွှေ့ပြောင်းဒုက္ခသည်တွေကတော့ ရာသီဥတုအခြေအနေကို ကြည့်ပြီး  ဂရိကို သွားဖို့ စိုင်းပြင်းနေပါတယ်။  မတ်လ ၂ ရက်က တူရကီကနေ ဂရိနိုင်ငံကို ဝင်လာတဲ့ ရွှေ့ပြောင်းဒုက္ခသည် လှေတစီးကို  ဂရိအာဏာပိုင်တွေက ရေထဲ သေနတ်ပစ်ခတ်ပြီး တူရကီဆီ ပြန်မောင်းထုတ်ခဲ့တယ်လို့ တူရကီ အရာရှိတဦးက ပြောပါတယ်။  အဲဒီနေ့က ဂရိလက်စ်ဘို့စ်ကျွန်းအလွန်မှာ လှေတစီးမှောက်ခဲ့ပြီး ကလေးတယောက် သေဆုံးခဲ့တယ်လို့ ဂရိအာဏာပိုင်တွေက ဆိုပါတယ်။  ဒါဟာ ဥရောပသွားမယ့် ဒုက္ခသည်တွေကို တူရကီက နယ်စပ်ဖွင့်လိုက်ပြီးနောက်မှာ ပထမဆုံး သေဆုံးမှုလည်း ဖြစ်ပါတယ်။  “ကျမတို့က ဂရိကို ကူးသွားမလို့ပါ။ အအေးတောထဲမှာ  နှစ်ညလုံးလုံး နေရတယ်။ စားစရာ မရှိ၊ ဘာဆိုဘာမှ မရှိဘူး။ ကလေးတွေအကုန်လုံး ဗိုက်ဆာနေကြတယ်။ ဂရိတွေက သူတို့ဆီ လာခွင့် မပေးဘူးလို့ ပြောသံကြားတယ်။ သူတို့က လှေတွေကို သေနတ်နဲ့ပစ်တယ်။ လူတွေကို ပစ်သတ်မှာလေ” လို့ အာဖဂန်ရွှေ့ပြောင်းဒုက္ခသည် ယာဒါ ယူဆွတ်ဖီက ပြောပါတယ်။  မတ်လ ၁ ရက်ကစလို့  ဂရိပိုင် အေဂျီယန်ကျွန်းတွေကို ရောက်နေတဲ့ ရွှေ့ပြောင်းဒုက္ခသည် တထောင်ထက် မနည်းရှိတယ်လို့ ဂရိရဲတပ်ဖွဲ့က ပြောခဲ့ပါတယ်။  ဒါဟာ ဆီးရီးယားစစ်ပွဲကြောင့် တူရကီမှာ ခိုလှုံနေတဲ့  ဒုက္ခသည် ၃ ဒသမ ၆ သန်းထဲက အရေအတွက် အနည်းငယ်သာ ဖြစ်ပါတယ်။  အခုလို နယ်စပ်ဖွင့်လိုက်တဲ့  တူရကီသမ္မတ အာဒိုဂန် လုပ်ရပ်ဟာ ဥရောပကို ဂယက်ရိုက်ပြီး ဒုက္ခသည်တွေ ဝင်လာတဲ့အပေါ်မှာ စိတ်ပျက်ဒေါသဖြစ်တာတွေ ပေါ်ပေါက်လာစေတယ်လို့ သိရ ပါတယ်။ 
2 years Ago
Up