မောင်တောဆေးရုံ

July 17, 2020

မောင်တောဆေးရုံက  ကိုဗစ်-၁၉ ရောဂါပိုးကင်းစင်သူ ၅ ဦး ဆေးရုံမှဆင်းခွင့်ရ  

ရခိုင်ပြည်နယ်၊ မောင်တောမြို့မှာ ကိုဗစ်-၁၉ ရောဂါပိုးတွေ့ရှိပြီး မောင်တောပြည်သူဆေးရုံမှာ ဆေးကုသခံမှုခံယူခဲ့သူ ၅ ဦး  ရောဂါကင်းစင်လို့ ဆေးရုံမှ ဆင်းခွင့်ရရှိထား​ပြီလို့ မောင်တောခရိုင် ပြည်သူ့ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာနုကေသီစံက ပြောပါတယ်။ ရောဂါပိုးမတွေ့ရတဲ့အတွက်  မောင်တောဆေးရုံမှ ပထမအကြိမ်ဆင်းခွင့်ရရှိခဲ့တဲ့ လူနာအမှတ် ၂၃၄၊ ၂၄၄၊ ၂၄၇ တို့ ၃ ဦးဖြစ်ပြီး ယခု  ဒုတိယအကြိမ်မှာ လူနာအမှတ်၂၉၁၊၂၄၈ တို့ ဆေးရုံမှ ဆင်းခွင့်ရရှိတာဖြစ်ကြောင်းလည်း ပြောပါတယ်။ ဒေါက်တာနုကေသီစံက "လူနာအမှတ်၂၉၁ နဲ့ လူနာအမှတ် ၂၄၈ တို့ နှစ်ဦးကို စစ်ဆေးရာမှ နှစ်ကြိမ်ဆက်တိုက် Negative ဖြစ်တဲ့အတွက် ဇူလိုင်လ ၁၄ ရက်နေ့မှာ ဆေးရုံက ဆင်းခွင့်ပြုခဲ့တယ်။ ပထမအကြိမ် က သုံးဦးဆင်းခွင့်ရခဲ့တယ်။ အခု ဒုတိယအကြိမ် နှစ်ဦး အားလုံး ငါးဦး ဆေးရုံကဆင်းခွင့်ရရှိခဲ့ပါပြီ။ ဆေးကုသပြီး  လေး ဦးကျန်နေပါသေးတယ်။ ကျန်းမာရေးကကောင်းမွန်ပါတယ်။ သူတို့အားလုံးကိုတော့ လှဖိုးခေါင်မှာ ၇ ရက် Facility Quarantine အဖြစ်ထားရှိထားပါသေးတယ်။”လို့ပြောပါတယ်။ ရခိုင်ပြည်နယ်မှာ ကိုရိုနာဗိုင်းရပ်စ်ပိုးကူးစက်ခံရသူ သံတွဲ ၁ ဦး၊တောင်ကုတ် ၁ ဦး၊ စစ်တွေ ၁ ဦး၊ ဘူးသီးတောင် ၄ ဦး၊ မောင်တော ၇ ဦး စုစုပေါင်း ၁၄ ဦးရှိခဲ့တာဖြစ်ပါတယ်။  ဆေးရုံဆင်းခွင့်ရတဲ့ လူနာတွေမှာ သံတွဲဆေးရုံမှ လူနာအမှတ် ၁၈၈၊ တောင်ကုတ်ဆေးရုံမှ လူနာအမှတ် ၁၉ဝ၊ မောင်တောဆေးရုံမှ လူနာအမှတ်၂၃၄၊ ၂၄၄၊ ၂၄၇၊၂၉၁၊၂၄၈နှင့် ဘူးသီးဆေးရုံမှ လူနာအမှတ် ၂၅ဝ၊ ၂၆၂ နှင့် စစ်တွေဆေးရုံမှ လူနာအမှတ် ၂၉၂ စုစုပေါင်း ၁၀ ဦးဆေးရုံမှ ဆင်းခွင်ရရှိထားပြီး မောင်တောခရိုင်ပြည်သူဆေးရုံတွင် ၄ ဦးကျန်ရှိနေပါသေးကြောင်းသိရပါတယ်။ ကျန်ရှိတဲ့ ၄ ဦးထဲက မောင်တောဆေးရုံမှာ ဆေးကုသမှု ခံယူနေတဲ့ ၂ ဦးကတော့  စစ်ဆေးချက်တွေ အကြိမ်ကြိမ်ပြုလုပ်ခဲ့ပေမဲ့ ရောဂါ မပျောက်သေးဘဲ postive တွေ့ရှိနေကြောင်း ဒေါက်တာနုကေသီစံက​ ပြောပါတယ်။ သတင်း - လင်းလက်
11 months Ago

June 28, 2020

မောင်တောဆေးရုံက ကိုဗစ်-၁၉ လူနာ ၃ ဦး တတိယအကြိမ် ပိုးမတွေ့၍ ဆေးရုံဆင်းခွင့်ရ

ရခိုင်ပြည်နယ်၊ မောင်တောပြည်သူ့ဆေးရုံမှာ ကုသမှုခံယူနေတဲ့ ကိုဗစ်-၁၉ လူနာအမှတ် ၂၃၄၊ ၂၄၄ ၊ ၂၄၇ တို့ရဲ့ ဓာတ်ခွဲစစ်ဆေးချက်တွေမှာ နှစ်ကြိမ်ဆက် ရောဂါပိုးမတွေ့တဲ့အတွက် ဒီနေ့မနက်ပိုင်း ဆေးရုံက ဆင်းခွင့်ပြုလိုက်ပြီလို့ မောင်တောခရိုင် ပြည်သူ့ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာနုကေသီစံက DVB ကို ပြောပါတယ်။  “ဟုတ်ပါတယ်။ သူတို့ ၃ ဦးလုံးရဲ့ တတိယအကြိမ် ဓာတ်ခွဲစစ်ဆေးချက်က အားလုံး Negative ဖြစ်ပါတယ်။ ဒါကြောင့် ဒီနေ့မနက်ပိုင်းမှာ ဆေးရုံဆင်းခွင့်ပြုလိုက်တယ်။ ဒါပေမဲ့ လှဖိုးခေါင်စခန်းမှာ တပတ်တိတိ Quarantine ထားရှိရဦးမယ်။ ဘာရောဂါလက္ခဏာမှ မပြရင် အိမ်ပြန်ခွင့်ရမှာ ဖြစ်တယ်။”  မောင်တောမြို့က လူနာအမှတ် ၂၃၄ နဲ့ ထိတွေခဲ့သူ ၃၅ ဦးကို ဒုတိယအကြိမ် ဓာတ်ခွဲစစ်ဆေးရာမှာ ရောဂါပိုးမတွေ့တဲ့အတွက် သူတို့ကို Facility Quarantine ထားရှိတဲ့ လှဖိုးခေါင်စခန်းကနေ ဇွန် ၂၇ ရက်နေ့က အိမ်ပြန်ခွင့်ပြုလိုက်ပါတယ်။ လူနာအမှတ် ၂၄၄ နဲ့ ထိတွေခဲ့သူ ၃၉ ဦးမှာလည်း ဒုတိယအကြိမ် ဓာတ်ခွဲစစ်ဆေးရာမှာ ရောဂါပိုးမတွေ့အတွက် သူတို့အားလုံးကို လှဖိုးခေါင်စခန်းကနေ မနက်ဖြန် နေအိမ်ပြန်ခွင့်ပြုသွားမယ်လို့ သိရပါတယ်။ လူနာအမှတ် ၂၄၇ နဲ့ ထိတွေခဲ့သူ ၉ ဦးကတော့ ဒုတိယအကြိမ် ဓာတ်ခွဲစစ်ဆေးဖို့ ကျန်နေသေးတဲ့အတွက် နှာခေါင်းနဲ့အာခေါင်တို့ပတ်တွေကို လှဖိုးခေါင်စခန်းမှာ ဒီနေ့ သွားရောက်ယူမယ်လို့ ခရိုင်ကျန်းမာရေးဌာနက သိရပါတယ်။ ရခိုင်ပြည်နယ်မှာ လက်ရှိ ကိုဗစ်-၁၉ ရောဂါပိုးတွေ့ရှိသူ မောင်တောမှာ ၅ ဦး၊ ဘူးသီးတောင်မှာ ၄ ဦး၊ သံတွဲမှာ ၁ ဦးနဲ့ တောင်ကုတ်မှာ ၁ ဦး၊ စစ်တွေမြို့မှာ ၁ ဦး၊ စုစုပေါင်း ၁၁ ဦးရှိရာ သံတွဲနဲ့ တောင်ကုတ်မြို့က လူနာတွေမှာ နှစ်ကြိမ်စစ်ဆေးပြီး ရောဂါပိုး မတွေ့ရတော့တာကြောင့် ဆေးရုံဆင်းခွင့်ရသွားပြီး မောင်တောဆေးရုံက ၃ ဦး ဒီနေ့ ဆေးရုံဆင်းခွင့် ရရှိတာ ဖြစ်ပါတယ်။ လင်းလက်
12 months Ago
More News
Up