မောင်တော

January 24, 2021

မောင်တောတွင် အမည်မသိလက်နက်ကိုင်အဖွဲ့၏ ရိုက်နှက်ခံရသူ အရေးပေါ်ကုသနေရ (ဓာတ်ပုံ)

ရခိုင်ပြည်နယ်၊ မောင်တောမြို့နယ်တောင်ပိုင်း မေယုတောင်ခြေမှာ ဝါးခုတ်သွားရာမှ အမည်မသိ လက်နက်ကိုင်အဖွဲ့ရဲ့ ဖမ်းဆီးရိုက်နှက်ခံရတဲ့ အောင်သုခကျေးရွာက ရွာသား ၂ ဦးထဲက ၁ ဦး ဒဏ်ရာပြင်းထန်တာကြောင့် မောင်တောဆေးရုံကနေ စစ်တွေဆေးရုံကို ပြောင်းရွှေ့ပြီး အရေးပေါ်ကုသနေရတယ်လို့ သိရပါတယ်။ ဖြစ်စဥ်မှာ မောင်တောမြို့နယ်အင်းဒင်ကျေးရွာအုပ်စု၊ အောင်သုခကျေးရွာသားနှစ်ဦးမှာ ဇန်နဝါရီ ၂၂ ရက်နေ့ မနက်ပိုင်းက ဝါးခုတ်သွားကြစဉ် လက်နက်ကိုင်အဖွဲ့တစ်ခုက ဖမ်း ဆီးရိုက်နှက်ပြီး ပြန်လွှတ်ပေးလိုက်တာလို့ မိသားစုဝင်တစ်ဦးက ပြောပါတယ်။ ဖမ်းဆီးရိုက်နှက်ခံခဲ့ရတဲ့ အောင်သုခကျေးရွာသားနှစ်ဦးမှာ ဦးကျော်ဇောအောင် ၅၃ နှစ်နဲ့ ဦးမင်းသိုက်ထွန်း ၃၈ နှစ်တို့ဖြစ်ပါတယ်။ ဦးကျော်ဇော်အောင်မှာ ဒဏ်ရာပြင်ထန်းတာကြောင့် မောင်တောဆေးရုံကနေ စစ်တွေဆေးရုံကြီးကို ဇန်နဝါရီ ၂၃ ရက်နေ့က ပို့ဆောင်ကုသထားရတာပါ။  Photo - Kaung Mrat Naing / MPA  
5 months Ago

November 17, 2020

မောင်တောတွင် ရှင်ပြုကထိန်ပွဲမှပြန်လာသည့်ကား မိုင်းခွဲခံရပြီး ၃ ဦးသေ၊ ၆ ဦးဒဏ်ရာရ

ရခိုင်ပြည်နယ်၊ မောင်​တောမြို့မြောက်ပိုင်း၊ သာယာကုန်းကျေးရွာရဲ့ ရှင်ပြုကထိန်ပွဲကနေ ပြန်လာတဲ့ ကားတစ်စီး မိုင်းခွဲခံရပြီး လူ ၃ ဦးသေဆုံးကာ ၆ ဦးဒဏ်ရာရသွားကြောင်း မောင်တောခရိုင်အုပ်ချုပ်ရေးမှူး ဦးစိုးအောင်က ဒီဗွီဘီကို အတည်ပြုပြောကြားပါတယ်။ "ရှင်ပြုကထိန်သွားကြတာလို့ သိရတယ်။ အပြန်မှာမိုင်းခွဲခံရပြီး ၃ ဦးသေတယ်၊ ၆ ဦး ဒဏ်ရာရတယ်လို့ အကြမ်းအားဖြင့် သိရတယ်ဗျ။ ဖောက်တာက အာဆာအဖွဲ့ ဖြစ်နိုင်တယ်။ အခုမိုင်းခွဲတဲ့နေရာက ယခင်က ရဲတပ်ရင်းမှူးတစ်ဦးကျသွားတာ အဲဒီနားပါပဲလို့ သိရတယ်။"လို့ မောင်တောခရိုင်အုပ်ချုပ်ရေးမှူး ဦးစိုးအောင်က ပြောပါတယ်။ သေဆုံးသွားမိသားစုတွေကတော့ မောင်တောမြို့နယ်တောင်ပိုင်း ခရေမြိုင်ကျေးရွာနေ ဦးကျော်ရဲအောင် အသက် (၂၅) နှစ်၊ ဇနီးဖြစ်သူ မဆန်းရီ အသက်(၂၀) နဲ့  ၁ နှစ်အရွယ် သားငယ်ဖြစ်​ကြောင်းသိရပါတယ်။ သာယာကုန်းကျေးရွာမှ ဦးကျော်ကျော်နိုင်(ခ)မောင်ဘု ရဲ့ ရှင်ပြုပွဲကထိန်အလှူပွဲကို မောင်တောမြို့နယ်တောင်ပိုင်း ခရေမြိုင်ကျေးရွာကနေ ကား ၃ စီးနဲ့ အလှူသွားရောက်ပြီး အပြန်လမ်းမှာ မိုင်းပေါက်ခွဲခံရတာလို့  ခရေမြိုင်ကျေးရွာသား  မောင်သိန်းလှက ပြောပါတယ်။ "ကား ၃ စီးနဲ့ ရှင်ပြုကထိန်က အပြန်မှာ တစ်စီး အခုလိုမိုင်းခွဲခံရတာပါ။ ကားကတစ်ခါတည်း မိုးပေါ်ကို မြောက်တက်သွားတာ။ ကားမှာလူက ၉ ဦးပါတယ်။ သေတာက ၃ ဦး၊ ၆ ဦးက ဒဏ်ရာပြင်းတယ်။" လို့ပြောပါတယ်။ အဆိုပါဒေသမှာ ၂၀၂၀  မတ်လ ၂၄ ရက် မနက် ၆ နာရီလောက်ကလည်း နယ်ခြားစောင့်ယာဉ်တန်း မိုင်းဆွဲ တိုက်ခိုက်ခံရလို့  အရာရှိ ၂ ဦးနဲ့ တပ်သား ၁ ဦး ကျဆုံးကာ ၅ ဦး ဒဏ်ရာရရှိခဲ့ဖူးပါတယ်။ သတင်း - လင်းလက်
7 months Ago
More News
Up