မအောင်မြင်

January 20, 2018

ဘတ်သန်း ၃၀ ထီပေါက်သူ အငြင်းပွားမှုကြီး ဒီအန်အေစစ်ဆေးချက် မအောင်မြင်

ထိုင်းနိုင်ငံမှာ ဘတ်သန်း ၃၀ တန် ထီပေါက်ခဲ့ပြီး ငွေလာထုတ်သူနဲ့ ထီလတ်မှတ် ပျောက်သူအကြား ထီလတ်မှတ်ကို သူပိုင်ကိုယ်ပိုင် အငြင်းပွားခဲ့ကြလို့ လက်ဗွေရာနဲ့ ဒီအန်အေ စစ်ဆေးမှုတွေ လုပ်ခဲ့ရပါတယ်။ အငြင်းပွားနေကြတဲ့ ထီလက်မှတ် ၅ စောင်ပေါ်က လက်ဗွေရာက ငွေလာထုတ်သူ အငြိမ်းစားရဲရဲ့ လက်ဗွေရာနဲ့ ကိုက်ညီမှုရှိတယ်၊ ဒါပေမယ့် စစ်ဆေးမှု နမူနာတွေမှာ အခြားလူတွေရဲ့ မျိုးရိုးဗီဇနဲ့ဆိုင်တဲ့ ပစ္စည်းတွေနဲ့ ညစ်ပေနေလို့ လက်မှတ်ပိုင်ရှင်အစစ်ကို သက်သေပြဖို့ စောင့်ဆိုင်းခဲ့ရတဲ့ ဒီအန်အေရလဒ်တွေကတော့ မအောင်မြင်ဘူးလို့ မှုခင်းဆေးပညာ ကျွမ်းကျင်သူတွေက ဇန်နဝါရီလ ၁၉ ရက်နေ့က ကြေညာလိုက်ပါတယ်။ ပြီးခဲ့တဲ့နှစ် နိုဝင်ဘာလ ၁ ရက်နေ့က အကြီးဆုံးဆု/ပထမဆုအဖြစ် ပေါက်ခဲ့တဲ့ထီရဲ့ လက်မှတ် ၅ စောင်ပေါ်က လက်ဗွေရာနဲ့ ဒီအန်အေရလဒ်တွေကို ၁၉ ရက်နေ့ နေ့လယ်မှာ မှုခင်းဆေးပညာ သိပ္ပံ အင်စတီကျု (စီအိုင်အက်ဖ်အက်စ်) ရဲ့ ဒါရိုက်တာ စုမ်ပရောမ်ရော့တ်နဲ့ အဖွဲ့က ကြေညာခဲ့တာဖြစ်ပြီး ရောနှောနေတဲ့ ဒီအန်အေအဖြစ် လက်မှတ်ပေါ်မှာ လူတော်တော်များများရဲ့ ဒီအန်အေကို တွေ့ခဲ့တာလို့ မစ္စတာစုမ်က ပြောပါတယ်။ မျိုးရိုးဗီဇတွေ ရောနှောနေလို့ လက်မှတ်ပေါ်က ဒီအန်အေက တဦးဦးရဲ့ ဒီအန်အေဆိုတာကို သတ်မှတ်လို့ မရဘူး၊ လက်ဗွေရာ ၂ ခုကတော့ ထီပေါက်ငွေ လာထုတ်သူ ရဲအရာရှိဟောင်း ဂျရွန်းဝီမိုရဲ့ လက်ဗွေရာနဲ့ ကိုက်ညီတယ်လို့ စီအိုင်အက်ဖ်အက်စ်ဒါရိုက်တာက ပြောပါတယ်။ အသက် ၆၂ နှစ်အရွယ် ကန်ချနာဘူရီက ရဲအရာရှိဟောင်း ဂျရွန်းက နိုဝင်ဘာလတုန်းက အစိုးရ ထီရုံးမှာ ထီ ၅ စောင်ရဲ့ ပေါက်ငွေကို ထုတ်ခဲ့ပေမယ့် မူရန်ခရိုင်က ကျောင်းဆရာ အသက် ၅၀ အရွယ် ပရီချာကရိတ်ဟူရန်က ပေါက်တဲ့ထီလက်မှတ် ၅၃၃၇၂၆ နဲ့ ထီ ၅ စောင်က သူပိုင်တာလို့ ပြောခဲ့တာပါ။ အောက်တိုဘာ ၃၁ ရက်နေ့ ဈေးထဲက လမ်းဘေးဈေးသည် အမျိုးသမီးဆီမှာ နံပါတ်တူ လက်မှတ် ၅ စောင်ပါတဲ့ ထီ ၄ စုံကို ဝယ်ခဲ့တယ်လို့ မစ္စတာပရီချာက ပြောပြီး အိမ်ပြန်ရောက်ချိန် ပေါက်နံပါတ်ပါတဲ့ ထီလတ်တစုံ ပျောက်ခဲ့တာကြောင့် ရဲတွေကို အမှုဖွင့်ခဲ့တာလို့ ဆိုပါတယ်။ အဲ့ဒီနောက် ဒီဇင်ဘာလ ၂၆ ရက်နေ့မှာ ရဲတွေက ထီလက်မှတ်ပိုင်ရှင် အမှန်ကိုသိဖို့ စီအိုင်အက်ဖ်အက်စ်ကို အငြိမ်းစားရဲနဲ့ သူ့ဇနီး၊ ကျောင်းဆရာ မစ္စတာပရီချာနဲ့ လမ်းဘေးဈေးသည် ထီရောင်းသူ အမျိုးသမီး ၂ ဦး စုစုပေါင်း ၅ ဦးရဲ့ ဒီအန်အေတွေကို စစ်ဆေးခိုင်းခဲ့တာပါ။ ဒီအမှုကိုကိုင်တဲ့ စုံစမ်းရေးအဖွဲ့ရဲ့ ခေါင်းဆောင်ဖြစ်သလို ခရိုင်ရဲအဖွဲ့ ၇ ရဲ့ ဒုရဲချုပ် ခရစ်စနာက လက်တလော ရရှိထားတဲ့ ဒီအန်အေရလဒ်တွေကို ဇန်နဝါရီလ ၁၉ ရက်နေ့မှာ မှတ်ချက်မပေးဘဲ တရားဝင် ရလဒ်တွေကို မသိသေးတာကြောင့် နောက်ပိုင်းမှ မှတ်ချက်ပေးမယ်လို့ ပြောခဲ့ပါတယ်။ ခုချိန်မှာ စုံစမ်းရေးအဖွဲ့က နောက်စမ်းသပ်ခန်းတခုမှာ စစ်ဆေးနေတဲ့ သက်သေအထောက်အထားတွေရဲ့ ရလဒ်ကို စောင့်ဆိုင်းနေပြီး နောက်တပတ်မှာ ရလဒ်တွေ သိရဖို့ မျှော်လင့်နေကြပါတယ်။ နောက်ဆုံးသက်သေခံပစ္စည်းက အရေးကြီးဆုံးဖြစ်တာကြောင့် ကြိုတင်မပြောနိုင်ဘူးလို့လည်း ဒုရဲချုပ်က ပြောပါတယ်။ ထီလတ်မှတ်တွေပေါ်မှာ အခြားသူတွေရဲ့ ဒီအန်အေတွေပါ တွေ့လို့ ထီလတ်မှတ် ပိုင်ရှင် ဘယ်သူဆိုတာ ရှင်းရှင်းလင်းလင်း မသိရှိရသေးပါဘူး။ စုံစမ်းရေးအဖွဲ့ကတော့ ဇန်နဝါရီ ၂၂ ရက်နေ့မှာ တွေ့ဆုံကြမယ်လို့ ဒုရဲချုပ် ခရစ်စနာက ပြောကြောင်း ဘန်ကောက်ပို့စ်သတင်းမှာ ဖော်ပြထားပါတယ်။
4 years Ago

August 11, 2017

ထိုင်းတွင် အထောက်အထားမဲ့ အလုပ်သမား ၁၀၀၀ ကျော် မှတ်ပုံတင် စိစစ်ရေး မအောင်မြင်

ထိုင်းမှာ အထောက်အထားမဲ့ ရွှေ့ပြောင်းအလုပ်သမားတွေကို ၁၅ ရက်အတွင်း မှတ်ပုံ တင်စေပြီး နောက်ထပ်တဆင့်အနေနဲ့ အမှန်တကယ်အလုပ်သမားဖြစ်ကြောင်း သက်ဆိုင်ရာ အလုပ်ရှင်နဲ့ အလုပ်သမားတွေကို လူတွေ့ခေါ်ယူစစ်ဆေးနေရာမှာ သတ်မှတ်ချက်တွေနဲ့ ကိုက်ညီမှုမရှိတဲ့ အလုပ်သမား တစ်ထောင်ကျော်တွေ့ရှိခဲ့ပါတယ်။ အလုပ်ရှင်/အလုပ်သမား တွေ့ဆုံမေးမြန်းမှုကို သြဂုတ် ၈ ရက်နေ့က စတင်ဆောင်ရွက်နေရာမှာ သြဂုတ် ၉ ရက်နေ့ထိ အလုပ်သမားပေါင်း ၆၁၀၀၀ စိစစ်ခဲ့ပြီး အဲဒီထဲက သတ်မှတ်ချက်တွေနဲ့ မကိုက်ညီတဲ့ အလုပ်သမားပေါင်း ၁၂၀၀ ရှိတယ်လို့ ထိုင်းအလုပ်သမားဝန်ကြီးဌာန ပြောဆိုချက်ကို ကိုးကားပြီး တီအန်အန် ထိုင်းတီဗွီသတင်းက ထုတ်ပြန်ပါတယ်။ သူတို့ဟာ အသက် ၁၅ နှစ်မပြည့်သေးသူတွေ၊ အသက် ၅၅ နှစ်ပြည့်ပြီးသူတွေ၊ အလုပ်ရှင်နဲ့ အလုပ်သမား ဖြေဆိုမှု ကွဲလွဲချက်တွေ ရှိနေတာတွေ့ရကြောင်း၊ အထောက်အထား ထဲမှာ အသက်မပြည့်ပေမယ့် ဆေးရုံမှာ အရိုးကြံ့ခိုင်မှုကို ပြန်လည်စစ်ဆေးပြီး ဆရာဝန်ထောက်ခံ ချက်နဲ့ ပြသနိုင်ကြောင်း၊ အဲဒီထဲမှာမှ ဆေးလက်မှတ်မအောင်သူတွေရှိနေကြောင်း၊ ရွှေ့ပြောင်း အလုပ်သမားဆိုင်ရာ ဥပဒေအရ အသက် ၅၅ နှစ်ပြည့်ပြီးသူတွေကိုလည်း ငှါးရမ်းခန့်ထားမှာမ ဟုတ်ဘူးလို့ ထိုင်းအလုပ်သမားဝန်ကြီး ဗိုလ်မှူးကြီး ဆီရချိုင်း ဒစ်ဆကွန်းက သတင်းထောက်တွေ ကို ပြောပါတယ်။ စစ်ဆေးမေးမြန်းချက်အရ အမှန်တကယ်အလုပ်ရှင်မဟုတ်ဘူးဆိုရင် ဌာနဆိုင်ရာကို အချက်အလက် မှားယွင်းစွာပေးမှုနဲ့ အရေးယူခံရမှာဖြစ်ပြီး အလုပ်သမားတွေကိုလည်း မူရင်းနိုင်ငံ ပြန်ပို့မယ်လို့ ဆိုပါတယ်။ လူတွေ့စစ်ဆေးမှုအောင်မြင်တဲ့ အလုပ်သမားတွေကတော့ နိုင်ငံသားစိစစ်ရေး၊ နိုင်ငံကူး လက်မှတ်နဲ့ အလုပ်သမားကတ်တွေ ဆက်လက်လုပ်ဆောင်သွားရမှာ ဖြစ်ပါတယ်။ မြန်မာနိုင်ငံသားတွေအတွက် နိုင်ငံသားစိစစ်ရေးစခန်းတွေကို လောလောဆယ်  ဆမွတ်ပရကန်၊ ဆမွတ်ဆာခွန်း၊ ချင်းရိုင်း၊ တာ့ခ်၊ ရနောင်း စတဲ့ခရိုင် ၅ ခုမှာ စခန်းပေါင်း ၆ ခုဖွင့် လှစ်ဆောင်ရွက်ပေးလျက်ရှိပြီး ဒီသြဂုတ်လထဲမှာပဲ နောက်ထပ် ချင်းမိုင်၊ နခွန်းဆ၀မ် နဲ့ ဆုန်ခလာ စတဲ့ ခရိုင် ၃ ခုမှာ တိုးချဲ့ဖွင့်လှစ်ပေးဖို့ရှိတယ်လို့ ထိုင်းရတ်သတင်းမှာ ဖော်ပြပါတယ်။ ထိုင်းနိုင်ငံမှာ အထောက်အထားမဲ့အလုပ်သမား အမည်စာရင်းတင်သွင်းခြင်းကို ပြီးခဲ့တဲ့ ဇူလိုင် ၂၄ ရက်မှ သြဂုတ် ၇ ရက်နေ့ထိ ဆောင်ရွက်ခဲ့ရာမှာ မြန်မာ/လော နဲ့ ကမ္ဘောဒီးယား ၃ နိုင်ငံက အလုပ်သမားပေါင်း  ၇ သိန်း ၇ သောင်းကျော် စာရင်းပေးခဲ့ပြီး အများစုက မြန်မာပြည်က အလုပ်သမားတွေ ဖြစ်ကြပါတယ်။
4 years Ago
Up