မလေးရှားရောက် မြန်မာရေလုပ်သားတဦး မူးယစ်ဆေးဝါးများနှင့်အတူ ဖမ်းဆီးခံရ

A d v e r t i s e m e n t With Us

September 8, 2016

မလေးရှားရောက် မြန်မာရေလုပ်သားတဦး မူးယစ်ဆေးဝါးများနှင့်အတူ ဖမ်းဆီးခံရ

မလေးရှားနိုင်ငံမှာ မြန်မာရေလုပ်သားတဦးကို စက်တင်ဘာ ၇ ရက် ညပိုင်းမှာ ရင်းဂစ် ၄ သောင်း တန်ဖိုးရှိ မူးယစ်ဆေးဝါးတွေနဲ့အတူ ဖမ်းဆီးရမိခဲ့တယ်လို့ မလေးရှားအခြေစိုက် ဘနားမား (Bernama) သတင်းမှာ ဖော်ပြပါတယ်။ သူ့ကို ဟူတန်မယ်လင်တန် လူနေရပ်ကွက်ထဲက နေအိမ်မှာ ည ၁ နာရီလောက်က ဖမ်းဆီးရမိခဲ့တယ်လို့ ဟီလာပီရက်ခ်ခရိုင် ရဲချုပ် ၀မ်ဟန်ဆန်ဝမ်အာမက်ဒ်က ပြောပါတယ်။ သူ့ဆီမှာ မက်သဖက်တမင်း စိတ်ကြွမူးယစ်ဆေးပြား ၂၂၀၀၊ ကိုကင်း ၁၉၅ ဂရမ်၊ ဟီးရိုးအင်း ၆ ဒသမ ၃၂ ဂရမ်၊ အီလက်ထရောနစ် ကတ္တားတခုနဲ့ ထိုင်းနိုင်ငံကူးလက်မှတ်အတု တခုတို့ကို လက်ဝယ်ဖမ်းမိခဲ့တာပါ။ ဟီလာပီရက်ခ်ခရိုင်ရဲချုပ် ၀မ်ဟန်ဆန်ဝမ်အာမက်ဒ်က အခု ဖမ်းဆီးရမိတဲ့သူဟာ ဒေသတွင်း မူးယစ်ဆေးဝါး ဖြန့်ဖြူးရောင်းချရေး လုပ်ငန်းတွေမှာ လွန်ခဲ့တဲ့ ၂ လလောက်ကတည်းက ပါဝင်ခဲ့တယ်လို့ ပြောပါတယ်။ အခုပြုလုပ်နေတဲ့ မူးယစ်ဆေးဝါး စီမံချက်မှာ တခြားနေရာ ဒေသတွေက အမျိုးသား ၂၀ ဦးကိုလည်း မူးယစ်ဆေးဝါး လက်ဝယ်တွေ့ရှိမှုတွေနဲ့ ဖမ်းမိခဲ့တယ်လို့ ဆိုပါတယ်။ မလေးရှားနိုင်ငံ မူးယစ်ဆေးဝါး အက်ဥပဒေ ပုဒ်မ ၃၉(ခ) အရ ဟီးရိုးအင်းနဲ့ မော်ဖိန်း ၁၅ ဂရမ်နဲ့အထက် လက်ဝယ်ပိုင်ဆိုင်မှု၊ ဘိန်းဖြူ (ကုန်ကြမ်း/အချော) ၁၀၀၀ ဂရမ်နဲ့အထက် လက်ဝယ်ပိုင်ဆိုင်မှု၊ ဆေးရွက်ကြီး ၂၀၀ ဂရမ်နဲ့ အထက် လက်ဝယ်ပိုင်ဆိုင်မှု၊ ကိုကင်း ၄၀ ဂရမ်နဲ့အထက် လက်ဝယ်ပိုင်ဆိုင်မှုရှိမယ်ဆိုရင် ကြိုးပေး သေဒဏ်ချခံရမှာ ဖြစ်ပါတယ်။
5 years Ago
Up