မကွေးတိုင်း

May 30, 2019

မကွေးတိုင်း ၃ မြို့နယ်၌ မိုးသက်​​လေပြင်း​ကြောင့် နေအိမ်အ​ဆောက်​ဦ ၅၈ လုံး ပျက်​စီး

မကွေးတိုင်းချောက်မြို့နယ်၊​ ရေနံ​ချောင်းမြို့နယ်​နဲ့ ဆိပ်ဖြုမြို့နယ်တို့မှာ  မေလ ၂၈ ရက် ညနေက မိုးသက်လေပြင်းတိုက်ခတ်လို့ ဘုန်း​တော်​ကြီး​ကျောင်း၊ ဓမ္မာရုံ၊ ကျေးလက် ဆေးပေးခန်း အပါအဝင် နေအိမ်အဆောက်အဦ ၅၈ လုံးပျက်စီးသွားပါတယ်​။ ချောက်မြို့နယ်၊ သံဘိုကျေးရွာအုပ်စု ကန်ရေလေးကျေးရွာမှာ ​မေ ၂၈ ညနေပိုင်း မိုးသက်လေပြင်းတိုက်ခတ်ပြီး ဓမ္မာရုံနဲ့ ကျန်းမာရေးဆေးပေးခန်း အပါအဝင် နေအိမ် အဆောက်အဦး ၁၄ လုံး သွပ်အမိုးလန်ပျက်စီးခဲ့ရတယ်လို့ မြို့နယ်ထွေအုပ်ရုံးက ပြောပါတယ်။ ရေနံချောင်းမြို့နယ်ထဲက ကက္ကိုဂွ​၊ မုန်ကန်၊ ကန်လေကုန်း​၊ ညောင်ပင်အိုင့်၊ အုတ်လှနဲ့ ရုံးဆိပ်ကျွန်းကျေးရွာတွေမှာလည်း လေပြင်းတိုက်ခတ်လို့ နေအိမ် ၆ လုံး ပြိုကျပျက်စီးပြီး ဘုန်းကြီးကျောင်း ၁ကျောင်း အပါအဝင်​ နေအိမ်အဆောက်အဦ ၁၃ လုံး အမိုးလန်ပျက်စီးဆုံးရှုံးသွားတယ်လို့ မကွေးမြို့ဘေးအန္တရာယ် စီမံခန့်ခွဲမှုဦးစီးဌာနက သိရပါတယ်။ ဆိပ်ဖြူမြို့နယ်ပင်းတလဲကျေးရွာမှာလည်း လေပြင်းတိုက်လို့ နေအိမ် ၁လုံးပြိုကျပျက်စီးပြီး ဂိုဒေါင် ၂လုံး အပါအဝင် နေအိမ် ၂၂ လုံး အမိုးလန်ပျက်စီးခဲ့ကာ စုစုပေါင်းအဆောက်အဦး ၂၅ လုံး သွပ်မိုးလန်ပျက်စီးခဲ့တယ်လို့ ဆိပ်​ဖြူ အထွေထွေအုပ်ချုပ်ရေးဦးစီးဌာနက သိရပါတယ်​။ ပြိုကျပျက်စီးသွားတဲ့နေအိမ် တအိမ်ကို ထောက်ပံ့ငွေ ကျပ် ၁သိန်း၊ အိမ်အမိုးလန်ပျက်စီး သွားတဲ့အိမ်တအိမ်ကို ငွေကျပ် ၂၀၀၀၀နဲ့  လူတဦးကို ဆန်ရိက္ခာ တပတ်စာ ငွေကျပ် ၂၁၀၀ ဘေးအန္တရာယ် စီမံခန့်ခွဲမှုဦးစီးဌာနက ထောက်ပံ့ ပေးအပ်သွားဖို့ ရှိနေပါတယ်။ သတင်း- ကိုလင်း(​ချောက်​)
3 years Ago

May 22, 2019

မကွေးတိုင်း၌ လေပြင်းတိုက်ခတ်မှု အကြိမ် ၁၀၀ ခန့်ဖြစ်ပွား၊ လူ ၆၇၀၀ ​ကျော်​​ လေ​ဘေးသင့်

မ​ကွေးတိုင်း​မှာ ပြီးခဲ့တဲ့ ၈ လအတွင်း လေ​ပြင်းတိုက်​ခတ်​မှု အကြိမ်​ ၁၀၀​ လောက် ဖြစ်​ပွားခဲ့ပြီး လူဦး​ရေ ၆၇၀၀ ​ကျော်​​ လေ​ဘေးသင့်ခဲ့တယ်လို့ မကွေးတိုင်းဒေသကြီး ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနက ပြောပါတယ်။ ၂၀၁၈ ခုနှစ် စက်​တင်​ဘာလက​နေ လက်​ရှိအချိန်​ထိ ရထားတဲ့ စာရင်းတွေအရ မကွေးတိုင်းအတွင်း မင်းဘူး၊ မ​ကွေး၊​ စေတုတ္တရာ၊ ​တောင်​တွင်းကြီး၊ မြို့သစ်​၊​ အောင်​လံ၊ ပွင့်​ဖြူ၊ ငဖဲ၊ မင်းလှ စတဲ့ ၉ မြို့နယ်မှာ လေပြင်းတွေ တိုက်ခတ်ခဲ့တာကြောင့် လူနေအိမ်တွေနဲ့ ဘာသာရေး အဆောက်အဦတွေပါ ပျက်စီးခဲ့တာပါ။ မ​ကွေးတိုင်း​ ​ဘေးအန္တရာယ်​ဆိုင်​ရာ စီမံခန့်​ခွဲမှုဦးစီးဌာန ဦးစီးမှူး ဦးမြင့်​စိုးက "​လေပြင်းကြောင့် လူ​နေအိမ်​​တွေနဲ့ ဘာသာ​ရေး အ​ဆောက်​ဦတချို့ ပျက်​စီးခဲ့ပါတယ်​။ ဌာန​အနေနဲ့ ​ဘေးသင့်တဲ့ နေရာ​တွေကို သွား​ရောက်​​ထောက်​ပံ့မှု​တွေ ပြုလုပ်​​ပေး​နေပါတယ်​။ ပြိုကျတဲ့​နေအိမ်​​တွေကို ကျပ်​တသိန်း၊ အမိုးလန်​​နေအိမ်​ကို သုံး​သောင်းကျပ်​၊ လူတဦးကို ဆန်​ဖိုး ၂၁၀၀ ကျပ်စီနဲ့ ကယ်​ဆယ်​​ရေးပစ္စည်း ၁၀ မျိုးကို အိမ်​​ထောင်​စုအလိုက်​​ ထောက်​ပံ့​ပေးတယ်​” လို့ ပြောပါတယ်​။ မကွေးတိုင်း ကံမမြို့နယ်မှာတော့ မေလ ၂၁ ရက် ညနေ ၃ နာရီကျော်က မိုးသက်လေပြင်းတွေ တိုက်ခတ်လို့ ထန်းကောက်ကျေးရွာ ဘုန်းတော်ကြီးကျောင်း ဘုံအမိုးအလယ်ဆင့် အပါအဝင် နေအိမ် ၉၀ ကျော် အမိုးလန် ပျက်စီးသွားပါတယ်။ ထန်းကောက်ရွာ အုပ်ချုပ်ရေးမှူး ဦးဝင်းအောင်က “လေနဲ့အတူ မိုးကပါလာပြီး ရွာထဲပတ်မွှေသွားတာ ၄ နာရီကျော်လောက်မှ လေရော မိုးရော ငြိမ်သွားတော့ ရွာထဲ လျှောက်ကြည့်တော့မှ အိမ် ၉၃ အိမ် အမိုးလန်ပျက်စီးသွားပြီး ဘုန်းကြီးကျောင်းကတော့ အလယ်ဘုံပြာသာဒ်တခုလုံး လေထဲပါသွားပြီး သွပ်အချပ် ၄၀ ကျော် ပါသွားတယ်” လို့ ပြောပါတယ်။ လေပြင်းတွေဟာ အောင်လံမြို့နယ်ထဲမှာလည်း ဝင်ရောက်တိုက်ခတ်သွားလို့ လူနေအိမ် ၂၅ လုံး ပျက်စီးသွားပါတယ်။ လေဘေးသင့်သူတွေအတွက် တိုင်းဒေသကြီး ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနက လက်ရှိအချိန်ထိ အိမ်ဆောက်ပစ္စည်းဖိုး ထောက်ပံ့ငွေ ကျပ်သိန်း ၇၈၀ နီးပါး ပေးခဲ့ပြီး  လေ​ဘေး​ကြောင့်​ ဒဏ်​ရာရသူတ​ဦးကို ၅၀၀၀၀ ကျပ် ထောက်​ပံ့ခဲ့ပါတယ်​။ မေလ ၁၇ ရက်နဲ့ ၂၀ ရက်နေ့ လေပြင်းတိုက်လို့ ပျက်စီးမှုတွေအတွက်လည်း စာရင်းကောက်ယူပြီး အမြန်ဆုံး ထောက်ပံ့ပေးသွားမယ်လို့ တာဝန်ရှိသူတွေက ပြောပါတယ်။ သတင်း - မင်းထီး/မင်းညို
3 years Ago
More News
Up