မကွေးတိုင်းဒေသကြီးအတွင်း ချောင်းရေလျှံမှုကြောင့်

December 8, 2017

မကွေးတိုင်းဒေသကြီးအတွင်း မီးဘေးကြိုတင်ကာကွယ်ရေး အရှိန်အဟုန်မြှင့် ဆောင်ရွက်

ပွင့်လင်းရာသီ ရောက်ရှိပြီဖြစ်တာကြောင့် မကွေးတိုင်းဒေသကြီးထဲက ခရိုင်၊ မြို့နယ်တွေအလိုက် မီးသတိမူရေးနဲ့ မီးဘေးကြိုတင်ကာကွယ်ရေး လုပ်ငန်းတွေကို အရှိန်အဟုန်မြှင့် ဆောင်ရွက်နေတယ်လို့ မကွေးတိုင်းဒေသကြီး မီးသတ်ဦးစီးဌာနရုံးက သိရပါတယ်။ မီးဘေးလုံခြုံရေးအတွက် စက်ရုံ အလုပ်ရုံ၊ ဈေး၊ ဘဏ်၊ စာသင်ကျောင်း၊ စက်သုံးဆီ အရောင်းဆိုင်တွေနဲ့ မီးဘေးအန္တရာယ် စိုးရိမ်ရတဲ့ လုပ်ငန်းတွေကို စစ်ဆေးအကြံပေးခြင်း၊ ဇာတ်တိုက်လေ့ကျင့်ခြင်း၊ မီးဘေးလုံခြုံရေး အသိပညာပေး ဟောပြောပွဲတွေ ပြုလုပ်တာနဲ့ တအိမ်တက်ဆင်း စစ်ဆေးတဲ့ လုပ်ငန်းတွေကို ဆောင်ရွက်နေတယ်လို့ သိရပါတယ်။ တိုင်းဒေသကြီး မီးသတ်ဦးစီးမှူး ညွှန်ကြားရေးမှူး ဦးအောင်ဝင်းစိန်က “ပြည်သူဆိုတာ ပထမ မီးသတ်သမားပါ။ မီးသတ်တပ်ဖွဲ့က ဖုန်းဆက်သွယ်မှ၊ မီးခိုးမြင်မှ သွားရတဲ့ ဒုတိယ မီးသတ်သမားပေါ့။ ဒါကြောင့် မီးလောင်မှုဖြစ်တဲ့အခါ ပြည်သူက ကြိုတင် ငြှိမ်းသတ်ထားတာ ဆုံးရှုံးမှု သက်သာတာပေါ့။ ကြိုတင်ကာကွယ်ရေးအနေနဲ့ ဓာတ်ဆီထည့်ပြီး ပြည့်၊ မပြည့် ဖယောင်းတိုင်မီးနဲ့ မကြည့်ဖို့၊ အိမ်ကနေ အပြင်ထွက်ရင် လျှပ်စစ်မိန်းတွေ ချသွားဖို့၊ ခြင်ဆေးခွေကို အောက်ခံခွက်နဲ့ ထွန်းဖို့ စတဲ့ အသိတရား၊ သတိတရားတွေရှိဖို့ လိုပါတယ်။ အိမ်တိုင်းမှာ မီးသတ်ဆေးဘူး ဆောင်ထားဖို့ လိုပါတယ်” လို့  ဒီဗွီဘီကို ပြောပါတယ်။ မကွေးတိုင်းဒေသကြီးထဲမှာ ၂၀၁၇ ခုနှစ် အောက်တိုဘာလက စတင်ပြီး မီးဘေးလုံခြုံရေးအတွက် စစ်ဆေးဆောင်ရွက်နေရာ နိုဝင်ဘာလကုန်အထိ တအိမ်တက်ဆင်း စစ်ဆေးမှု ၁၂၃၁၄ ကြိမ်၊ စက်ရုံ အလုပ်ရုံ စစ်ဆေးမှု ၂၇ ကြိမ်၊ ဟိုတယ်၊ မိုတယ်၊ Inn၊ တည်းခိုခန်း စစ်ဆေးမှု ၁၇ ကြိမ်၊ KTV စစ်ဆေးမှု ၁၃ ကြိမ်၊ ဈေးစစ်ဆေးမှု ၂၅ ကြိမ်၊ စက်သုံးဆီဆိုင် စစ်ဆေးမှု ၄၅ ကြိမ်၊ ဇာတ်တိုက်လေ့ကျင့်မှု ၇၁ ကြိမ် ပြုလုပ်နိုင်ခဲ့ပါတယ်။ လူဦးရေ ၆၀၅၈ ဦးကို ဟောပြောပို့ချမှု ၅၀ ကြိမ် ပြုလုပ်ခဲ့ပြီး ဆက်လက် ဆောင်ရွက်ဖို့ရှိတယ်လို့လည်း သိရပါတယ်။ သတင်း - မင်းထီး
3 years Ago

October 12, 2017

မကွေးတိုင်းဒေသကြီးအတွင်း ချောင်းရေလျှံမှုကြောင့် ခရီးသွားများ အခက်ကြုံ

မကွေးတိုင်းဒေသကြီးမှာ အောက်တိုဘာလ ၁၁ ရက်နေ့ ညနေက မိုးသည်းထန်စွာ ရွာသွန်းပြီး သရက်-မင်းလှ ကားလမ်း သရက်မြင့်ချောင်း၊ ထန်းကိုင်းချောင်း၊ စစ္စနို့ချောင်း၊ ကုန်းကြီးချောင်း၊ ထန်းကိုင်းချောင်းနဲ့ မကွေး-မင်းလှ ကားလမ်းရှိ ထိန်တောချောင်းတွေမှာ အောက်တိုဘာ ၁၂ ရက် မနက် ၂ နာရီအထိ ချောင်းရေလျှံနေလို့ ခရီးသွားတွေ အခက်ခဲကြုံတွေ့ကြရကြောင်း သိရှိရပါတယ်။ ရေနံမကျေးရွာနေ ကိုအောင်ဌေးက “ညနေ ၃ နာရီကတည်းက မိုးရေစိုစိုနဲ့ ထိုင်စောင့်နေတာ ည ၇ နာရီထိုးပြီ။ ခုချိန်ထိ ဖြတ်လို့ မရသေးဘူး။ ဘယ်အချိန်ထိ စောင့်ရမယ် မသိဘူး။ စိတ်အနှောင့်ယှက် ဖြစ်ရတာပေါ့ဗျာ။ ဒီကုန်းကြီးချောင်းမှာ ကျနော် တခါ မျောပါဖူးတယ်” လို့ ဒီဗွီဘီကို ပြောပါတယ်။ ကုန်းကြီးကျေးရွာနေ ဦစံတင်က “ခံစားရတာပေါ့ဗျာ။ နာရီ တော်တော်ကြာနေပြီ။ ကျနော်တို့မှာ အခက်အခဲရှိတာပေါ့။ သွားဖို့ လာဖို့။ ကျနော်တို့ ကုန်ကြီးချောင်းက ရေစီးသန်တယ်။ တော်တော်နဲ့ ရေမလျော့ဘူး။ ၂ နာရီ၊ ၃ နာရီ ကြာတယ်။ ခုကို ရေက မလျော့သေးဘူး။ ခုံးတံတားလေး ထိုးပေးရင် ကောင်းတာပေါ့” လို့ ပြောပါတယ်။ ရေနံမကျေးရွာနေ ဒေါ်ခင်သူသူဝင်းက “ကုန်းကြီးချောင်းရေ ကျတာ ညနေ ၃ နာရီက။ ကျမတို့က ရေနံမကို ပြန်တာ။ ည ၁၁ နာရီရှိပြီ။ ခုချိန်ထိ မဖြတ်ရသေးဘူး။ ကားတွေလည်း တန်းစီစောင့်နေရတယ်။ ဆိုင်ကယ်တွေကတော့ ၃၀၀၀၊ ၂၀၀၀  ပေးပြီး အထမ်းငှားကြတယ်။ တော်တော်စိတ်ပျက်မိတယ်”လို့ ပြောပါတယ်။ အဆိုပါ မိုးသည်းထန်စွာ ရွာသွန်းခဲ့မှုကြောင့် မကွေးတိုင်းဒေသကြီးထဲက နေရာ တော်တော်များများမှာ ကားလမ်း ရေကျော်၊ ချောင်းများ ရေကျော်မှု ဖြစ်ပွားကာ ခရီးသွားပြည်သူတွေ အခက်အခဲကြုံကာ လမ်းခရီးနှောင့်နှေးနေရတယ်လို့ ဒေသခံတွေက ဒီဗွီဘီကို ပြောပါတယ်။ သတင်း - မင်းထီး
4 years Ago
Up