မူးယစ်ဆေးဝါးရောင်းဝယ်သုံးစွဲသူ

September 5, 2022

ကလေးမြို့နယ်တွင် မူးယစ်ဆေးဝါးရောင်းဝယ်သုံးစွဲသူ ၃ ဦး ဖမ်းဆီးခံရ

စစ်ကိုင်းတိုင်း၊ ကလေးမြို့နယ်၊ နတ်ချောင်းကျေးရွာမှာ စက်တင်ဘာ ၂ ရက်က  မူးယစ်ဆေးဝါး ရောင်းသူနှစ်ယောက်နဲ့ သုံးစွဲသူတယောက်တို့ကို ဆက်စပ်ပစ္စည်းတွေနဲ့အတူ နတ်ချောင်းကျေးရွာပြည်သူ့ကာကွယ်ရေးတပ်ဖွဲ့က ဖမ်းဆီးလိုက်ပါတယ်။

မူးယစ်ဆေးဝါး ၁၈ ဂရမ် ထည့်ထားတဲ့ ဆေးဘူး ၂ ဘူး၊ ဆပ်ပြာခွက်နဲ့ ထည့်ထားတဲ့ မူးယစ်ဆေးဝါး ၈ ဂရမ်၊ ပင်နီးစလင် ၇ လုံး၊ မူးယစ်ဆေးရောင်းရမှာ အသုံးပြုတဲ့ ၁၂၅ ဆိုင်ကယ်တစ်စီး၊ ဖုန်း ၃ လုံး၊ ငွေကျပ် ၂၇၆၂၀၀ တို့ကိုဖမ်းမိပြီး ကလေးမြို့နယ် ပြည်သူ့ရဲတပ်ဖွဲ့ထံသို့ လွှဲပြောင်းလိုက်တယ်လို့ နတ်ချောင်း ပကဖ တာဝန်ရှိသူက ဒီဗွီဘီကို ပြောပါတယ်။

ကလေးမြို့နယ်ပြည်သူ့ရဲတပ်ဖွဲ့ဟာ ကလေးမြို့နယ်အခြေစိုက် ဒေသခံကာကွယ်ရေး တပ်ဖွဲ့ဝင်တွေနဲ့ ပူးပေါင်းပြီး ကလေးမြို့နယ်အတွင်း မူးယစ်ဆေးဝါးရောင်းဝယ်သုံးစွဲသူတွေကို ဖမ်းဆီးစစ်ဆေးနေပြီး ဥပဒေနဲ့အညီ အရေးယူနေတာ ဖြစ်ပါတယ်။

5 months Ago

April 9, 2022

ကလေးမြို့နယ်၌ မူးယစ်ဆေးဝါးရောင်းဝယ်သုံးစွဲသူအချို့ကို KPS ဖမ်းဆီးအရေးယူ

စစ်ကိုင်းတိုင်း၊ ကလေးမြို့နယ်အတွင်း CDF(KKG) ဒေသခံ ပြည်သူ့ကာကွယ်ရေးတပ်ဖွဲ့တွေ  နယ်မြေရှင်းလင်းရေးဆောင်ရွက်စဉ်  မူးယစ်ဆေးဝါးရောင်းချသူ ၃ ယောက်နဲ့ မူးယစ်ဆေးဝါးတွေကို ဖမ်းဆီးမိတယ်လို့ CDMရဲတွေနဲ့ဖွဲ့စည်းထားတဲ့ ကလေးမြို့နယ်ပြည်သူ့ရဲတပ်ဖွဲ့ (KPS) က ဧပြီ ၈ ရက်မှာ သတင်းထုတ်ပြန်ပါတယ်။   

ဧပြီ ၆ ရက်က  ကလေးမြို့နယ်  ကျေးရွာတရွာမှာ မူးယစ်ဆေးဝါးရောင်းချသူ တယောက်ထံက ပင်နယ်စလင် ၁၅ ပုလင်းနဲ့ မူးယစ်ဆေးဝါးရောင်းချရငွေကျပ် ၁၀၀၀၀ အရင် ဖမ်းဆီးရမိခဲ့ပါတယ်။ အဲဒီနောက် အမှုကွင်းဆက်ကို စစ်ဆေးမေးမြန်းခဲ့ရာ မူးယစ်ဆေးဝါးရောင်းချသူနောက် တယောက်ကို 125 ဆိုင်ကယ်တစီး၊ ကာလတန်ဖိုး ကျပ်  ၃၃ သိန်းဖိုးရှိတဲ့ မူးယစ်ဆေးဝါးပါ ဆပ်ပြာခွက် ၁၁ ခွက် သိမ်းဆည်းရမိခဲ့တယ်။

ဒါ့အပြင် မူးယစ်ဆေးဝါးရောင်းချဖို့ နောက်ထပ် အမျိုးသားတယောက်ကိုလည်း   ကာလတန်ဖိုး ကျပ် ၃ သိန်းလောက်ရှိတဲ့ မူးယစ်ဆေးဝါးပါ ဆပ်ပြာခွက်တခွက်၊ 125 ဆိုင်ကယ် ၁ စီးနဲ့၊ လက်ကိုင်ဖုန်း ၂ လုံးတို့ကို  ဖမ်းဆီးရမိခဲ့တယ်လို့လည်း ကလေးပြည်သူ့ ရဲတပ်ဖွဲ့(KPS)က ဆိုပါတယ်။

ဖမ်းဆီးရမိတဲ့ မူးယစ်ဆေးဝါးရောင်းဝယ်သုံးစွဲသူတွေကို ဥပဒေအတိုင်း ထိရောက်တဲ့ပြစ်ဒဏ်တွေ  ချမှတ်သွားမယ်လို့ ကလေးပြည်သူ့အုပ်‌ချုပ်ရေးအဖွဲ့က ထုတ်ပြန်ထားပါတယ်။

ကလေးဒေသခံတွေအနေနဲ့ ကလေးပြည်သူ့ကာကွယ်‌ရေးတပ်ဖွဲ့ဝင်တွေရဲ့ စည်းကမ်းချက်တွေနဲ့ ဖမ်းဆီးအရေးယူမှုတွေကို လိုက်နာလက်ခံကြပြီး ကလေးမြို့နယ်မှာတော့ ပြည်သူ့အုပ်ရေးအဖွဲ့တွေလည်း စတင်ဖွဲ့စည်းနေကြပြီ ဖြစ်ပါတယ်။

ကလေးမြို့နယ်က မိဘပြည်သူတွေအနေနဲ့ မူးယစ်ဆေးဝါးရောင်းဝယ်သုံစွဲသူတွေကို သတင်းပေးဖို့ကြဖို့လည်း ကလေးပြည်သူ့ရဲတပ်ဖွဲ့က မေတ္တာရပ်ခံထားပါတယ်။

ပြီးခဲ့တဲ့‌ဖေဖော်ဝါရီလကလည်း  က‌လေးပြည်သူ့ရဲတပ်ဖွဲ့အနေနဲ့  မူးယစ်ဆေးဝါးအမှု ၂၅ မှုနဲ့ မုဒိမ်းမှု ၁ မှုကို  စစ်ဆေးဖော်ထုတ်ဖမ်းဆီးနိုင်ခဲ့ပါတယ်။

10 months Ago
Up