မူးယစ်ဆေးပြဿနာကို တပ်၊ ရဲနှင့် တရားရေးတို့ဖြင့်သာ ဖြေရှင်းမရတော့ဟု ဒုသမ္မတပြော

October 2, 2018

မူးယစ်ဆေးပြဿနာကို တပ်၊ ရဲနှင့် တရားရေးတို့ဖြင့်သာ ဖြေရှင်းမရတော့ဟု ဒုသမ္မတပြော

မြန်မာနိုင်ငံရဲ့ မူးယစ်ဆေးဝါးပြဿနာကို ကိုင်တွယ်ဖြေရှင်းရာမှာ တပ်မတော်နဲ့ ရဲတပ်ဖွဲ့တို့က ဆောင်ရွက်နေတဲ့ တားဆီးနှိမ်နင်းရေး၊ တရားစီရင်ရေးကဏ္ဍတို့ရဲ့ မဟာဗျူဟာ တခုတည်းအပေါ်မှာသာ အခြေပြုနေရုံနဲ့မရတော့ဘဲ အခြား ကဏ္ဍတွေကိုပါ ထည့်သွင်း စဉ်းစားဖို့ လိုအပ်လာတယ်လို့ ဒု သမ္မတ ဦးမြင့်ဆွေက ပြောပါတယ်။ နေပြည်တော်မှာ မနေ့က ကျင်းပတဲ့ မြန်မာနိုင်ငံရဲတပ်ဖွဲ့နေ့အခမ်းအနားမှာ ဒုသမ္မတက ပြောခဲ့တာဖြစ်ပြီး လူထုလူတန်းစားအဖွဲ့အစည်း အသီးသီးအနေနဲ့ ကဏ္ဍပေါင်းစုံကနေ ပူးပေါင်းဆောင်ရွက်ရေးဟာ အထူးအရေးကြီးတယ်လို့လည်း ပြောပါတယ်။ “ယနေ့ဖြစ်ပေါ်နေတဲ့ အကြမ်းဖက်မှုများအပါအဝင် အမျိုးစုံသောမှုခင်းများကို ထိရောက်စွာ ထိန်းချုပ်နိုင်ရေးကြိုးပမ်းရာမှာ မှုခင်းများ များပြားခြင်းနဲ့ လျော့နည်းခြင်းတို့ကို ဖြစ်စေတဲ့ အကြောင်းတရားများဟာ ဆက်စပ်လျက်ရှိတဲ့ လူမှုရေးပြဿနာများ၊ ပတ်ဝန်းကျင် ဆိုင်ရာ ပြဿနာများ၊ စီးပွားရေးဆိုင်ရာပြဿနာများ၊ မူးယစ်ဆေးဝါးပြဿနာများနဲ့ နီးကပ်စွာ ဆက်နွယ်နေတဲ့အတွက် လက်ရှိကျင့်သုံးနေတဲ့ ဥပဒေများနဲ့ တရားစီရင်ရေးစနစ်တို့ အပေါ်မှာ သာ မှီခိုအားထားခြင်း တခုတည်းနဲ့ မလုံလောက်တော့ဘဲ ရဲတပ်ဖွဲနဲ့အတူ တရားစီရင်ရေး ကဏ္ဍအပါအဝင်၊ ပညာရေး၊ ကျန်းမာရေး၊ အိုးအိမ်နေရာချထားရေးနဲ့ အလုပ်အကိုင် ရှာဖွေရေး ကဏ္ဍတွေ မီဒီယာ၊ အစိုးရမဟုတ်တဲ့ ပြည်တွင်းပြည်ပအဖွဲ့ အစည်းတွေနဲ့ လူထုလူတန်းစား အဖွဲ့အစည်းအသီးသီးအနေနဲ့ ကဏ္ဍပေါင်းစုံမှာ ပူးပေါင်းဆောင်ရွက်ရေးဟာ အထူးအရေးကြီး ပါတယ်။” မြန်မာနိုင်ငံဟာ ၂၀၁၇ ခုနှစ် UNODC ရဲ့  အစီရင်ခံစာအရဘိန်းစိုက်ပျိုးမှုမှာ ၂၅ ရာခိုင်နှုန်းကျဆင်းခဲ့ပြီး ဘိန်းမဲကို အခြေခံတဲ့ မူးယစ်ဆေးဝါးထုတ်လုပ်မှုမှာလည်း ၁၄ ရာခိုင်နှုန်း ကျဆင်းခဲ့ပါတယ်။ ဒါပေမယ့် ခေတ်မီဓာတုပစ္စည်းတွေနဲ့ပေါင်းစပ်ထားတဲ့ စိတ်ကြွဆေးပြားကဲ့သို့ စိတ်ပြောင်း ဆေးဝါးအသစ်တွေ ထွက်ရှိလာသလို တဖက်မှာလည်း ပြည်တွင်း၊ ပြည်ပဝယ်လိုအား ရှိနေတာကြောင့် ထုတ်လုပ်မှု ပိုမိုများပြားနေပါတယ်။ ဒါ့အပြင် တရားမဝင်လမ်းကြောင်းကနေ ပြည်တွင်း၊ ပြည်ပသယ်ဆောင် ရောင်းဝယ် နေတာတွေကိုလည်း ထိထိရောက်ရောက် တားဆီးထိန်းချုပ်နိုင်ဖို့  အရေးကြီးနေတာလည်း ဖြစ်ပါတယ်။ မူးယစ်ဆေးဝါးနဲ့ စိတ်ကိုပြောင်းလဲစေသော ဆေးဝါးများအန္တရာယ် တားဆီးကာကွယ် ရေးအတွက် ပြည်သူလူထုက ပေးပို့တိုင်ကြားလာတဲ့ သတင်းအချက်အလက်တွေကို စနစ်တကျ လက်ခံ အရေးယူဆောင်ရွက်နိုင်ဖို့ နိုင်ငံတော်သမ္မတရုံးမှာ “မူးယစ်ဆေးဝါး အထူးသတင်း တိုင်ကြားရေးဌာန” ကို ဖွဲ့စည်းဆောင်ရွက်နေပါတယ်။ ဓာတ်ပုံ-MOI
3 years Ago
Up