မူဆယ်တွင်

A d v e r t i s e m e n t With Us

January 27, 2018

မူဆယ်တွင် ပါးစပ်ကို တိပ်ဖြင့်ပတ်ထားသည့် အမျိုးသားအလောင်း တွေ့ရှိ

မူဆယ်မြို့နယ်မှာ ပါးစပ်ကို အ၀ါရောင်တိပ်နဲ့ပတ်ထားပြီး သေဆုံးနေတဲ့ အမည်မသိ အမျိုးသားအလောင်း ၁ လောင်း တွေ့ရှိခဲ့တယ်လို့ ပြည်ထဲရေးက သတင်းထုတ်ပြန်ပါတယ်။ ဇန်နဝါရီ ၂၆ ရက်နေ့ မွန်းတည့် ၁၂ နာရီက မူဆယ်မြို့နယ်၊ မိုင်းယုကျေးရွာနေ အိုက်ဝင်းဆိုသူ တောင်ယာစိုက်ခင်း သွားရောက်စဉ် မူဆယ်-လားရှိုး ပြည်ထောင်စု လမ်းကြီးဘေးရှိ ထင်းရူးတောအတွင်းမှာ အသက် ၃၅ နှစ်အရွယ် အမျိုးသား ၁ ဦးရဲ့ အလောင်းကို တွေ့ရှိခဲ့တာပါ။ အလောင်းမှာ ဝဲမျက်လုံးဖူးရောင်ညိုမည်းဒဏ်ရာ၊ ဦးခေါင်းမှာ ပတ်တီးစည်းထားပြီး ၂ လက်မအရွယ် ပေါက်ပြဲဒဏ်ရာ၊ ပါးစပ်မှာ အဝါရောင်တိပ်နဲ့ ပိတ်လျက်သေဆုံးနေတာကို တွေ့ရှိကြောင်း အကြောင်းကြားလို့ မူဆယ်မြို့မရဲခစန်း တပ်ဖွဲ့ဝင်တွေက သွားရောက်စစ်ဆေးခဲ့တယ်လို့ ဆိုပါတယ်။ အလောင်းကို မူဆယ်ဆေးရုံ ပို့ဆောင်ခဲ့ပြီး ပြစ်မှုကျူးလွန်သူအား ဖမ်းဆီးမိရေး မူဆယ်မြို့မရဲခစန်း ရာဇသတ်ကြီးပုဒ်မ ၃၀၂/၂၀၁ (လူသတ်မှု/ အလောင်းဖျောက်ဖျက်မှု) နဲ့ အမှုဖွင့် စုံစမ်းနေကြောင်း သိရပါတယ်။
3 years Ago

September 1, 2016

မူဆယ်တွင် ငွေကျပ်သိန်းပေါင်း ၁ သောင်းခန့် တန်ဖိုးရှိ မူးယစ်ဆေးများ ဖမ်းမိ

မြန်မာ- တရုတ်နယ်စပ် မူဆယ်မြို့မှာ   ငွေကျပ်သိန်းပေါင်း ၉,၇၁၇ သိန်းကျော်တန်ဖိုးရှိ စိတ်ကြွရူးသွပ်ဆေးပြားတွေနဲ့  ဘိန်းဖြူဘလောက်တုံးတွေ  ဖမ်းဆီးရမိခဲ့တယ်လို့ မြန်မာနိုင်ငံ ရဲတပ်ဖွဲ့က သတင်းထုတ်ပြန်ပါတယ်။ သြဂုတ် ၃ဝ ရက်က တရုတ်နိုင်ငံ၊ အမျိုးသားမူးယစ်ဆေးဝါးထိန်းချုပ်ရေးအဖွဲ့(NNCC) နဲ့ မူးယစ်တပ်ဖွဲ့စု ၂၂ မူဆယ်တို့ရဲ့  သတင်းဖလှယ် ပူးပေါင်းဆောင်ရွက်ချက်အရ မြန်မာနိုင်ငံသား နိုင်ယိုးကို တရုတ်နိုင်ငံ ရွှေလီမှာ ဖမ်းမိခဲ့ပါတယ်။ သူ ငှားရမ်းနေထိုင်တဲ့ မူဆယ်မြို့၊ ကောင်းမှုလွယ် ရပ်ကွက်ရှိ တိုက်တန်းလျားက အခန်းကို ရှာဖွေရာမှာ ဒေသတန်ဖိုးငွေကျပ် ၂,၈၅ဝ သိန်းလောက်ရှိတဲ့  စိတ်ကြွရူးသွပ် ဆေးပြား ၁၉၀,၀၀၀ ပြားကို ဖမ်းမိတယ်လို့ ဆိုပါတယ်။ မူဆယ်မြို့၊ စွမ်စော်ရပ်ကွက်ရှိ တိမ်းရှောင်နေတဲ့ မရန်ပေါင်းမေရဲ့ အခန်းကို ဆက်လက် ရှာဖွေရာမှာလည်း အိပ်ခန်းအတွင်းမှ ဘိန်းဖြူဘလောက်တုံး ၉၈ တုံး၊ ဘိန်းဖြူဆပ်ပြာခွက် ၃ ခွက်၊ ဘိန်းဖြူအလေးချိန် ၃၄ ဒသမ ၃၃၆ ကီလို (တန်ဖိုး ငွေကျပ် ၆,၈၆၇ ဒသမ ၂ သိန်း)၊ မြန်မာငွေ ၁၃သိန်းကျော်၊ တရုတ်ငွေ ၈၅,ဝဝဝ ယွမ်၊ ရွှေထည် ပစ္စည်းမျိုးစုံ အလေးချိန် ၂၉၄ ဒသမ ၄၇ ဂရမ်တို့ကို ရှာဖွေတွေ့ရှိခဲ့တာပါ။ ဒါ့အပြင် မူးယစ်ဆေးဝါးတွေနဲ့ ဆက်နွှယ်သူ  မူဆယ်မြို့၊ ကောင်းမှုလွယ် ရပ်ကွက်နေ မစိန်နီထွေးရဲ့ နေအိမ်ကို ရှာဖွေရာမှာ မူးယစ်ဆေးဝါး မတွေ့ရှိပေမယ့် အိပ်ခန်းရှိ မီးခံသေတ္တာ အတွင်းမှ မြန်မာငွေကျပ် ၁ဝ သိန်း၊ တရုတ်ယွမ် ၇၅,ဝဝဝနဲ့  လက်ကိုင်ဖုန်း နှစ်လုံးတို့ကို သိမ်းဆည်းရမိခဲ့တယ်လို့ ရဲသတင်းထုတ်ပြန်ချက်မှာ ဖော်ပြပါတယ်။ နိုင်ယိုး (၃၁)နှစ်၊ မရန်ပေါင်းမေ (၃၆)နှစ် နဲ့ မစိန်နီထွေး(ခ)အားဖန် (၂၆) နှစ်တို့ (၃) ဦးကို  မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထား တယ်လို့သိရပါတယ်။ အလားတူ မြန်မာနယ်စပ်နဲ့ ကပ်နေတဲ့ တရုတ်နိုင်ငံ ယူနန်ပြည်နယ် တန်ချွန်းမြို့မှာလည်း မြန်မာနိုင်ငံက မှောင်ခိုတင်သွင်းလာတဲ့ ဘိန်း ၇၅ ကီလိုဂရမ် ဖမ်းမိတယ်လို့ တရုတ်အစိုးရပိုင် တရုတ်ပြည်သူ့နေ့စဉ် သတင်းမှာဖော်ပြပါတယ်။ သြဂုတ်လ ၂၇ ရက်နေ့က  ထောက်လှမ်းရေးသတင်းအရ ဖမ်းဆီးခဲ့ရာမှာ ဘိန်းဖြူ ထုပ် ၆ ထုပ်နဲ့ သံသယရှိသူ တဦးကို ဖမ်းမိပြီး စုံစမ်းစစ်ဆေးမှုတွေဆက်လုပ်နေတယ်လို့ ဆိုပါတယ်။
5 years Ago
Up