မုံရွာမြို့နယ်

September 24, 2021

မုံရွာမြို့နယ် ထန်းတောရပ်ကွက်တွင် မီးလောင်

စစ်ကိုင်းတိုင်းဒေသကြီး၊ မုံရွာမြို့နယ်၊ ထန်းတောရပ်ကွက်၊ အောင်ရတနာရပ်၊ ဇဗ္ဗူရောင်ခြည်ဘုန်းကြီးကျောင်းအနီးမှာ ဒီနေ့မနက် ၀၀း၅၀ အချိန်လောက်က မီးလောင်မှု ဖြစ်ပွားခဲ့တယ်လို့ မြန်မာနိုင်ငံ မီးသတ်တပ်ဖွဲ့က ထုတ်ပြန်ပါတယ်။

မီးလောင်မှုဖြစ်ပွားရာကို စစ်ကိုင်းတိုင်းရုံးက မီးသတ်ယာဉ် ၂ စီး၊ မုံရွာခရိုင်မီးသတ်စခန်းက မီးသတ်ယာဉ် ၄ စီးတို့နဲ့  သွားရောက်ငြှိမ်းသတ်ခဲ့ပြီး မနက် ၁း၂၀ အချိန်မှာ  မီးငြိမ်းနိုင်ခဲ့တယ်လို့ ဆိုပါတယ်။

မီးလောင်ရတဲ့အကြောင်းရင်းနဲ့ ပျက်စီးဆုံးရှုံးမှု ဘယ်လောက်ရှိတယ်ဆိုတာတော့ ဒီဗွီဘီက စုံစမ်းမေးမြန်းနေဆဲဖြစ်ပါတယ်။

2 months Ago

September 23, 2021

မုံရွာမြို့နယ်၌ စစ်ကား ၂ စီး မိုင်းခွဲတိုက်ခိုက်ခံရ၊ စစ်ကောင်စီတပ်သား ၆ ဦးထက်မနည်းသေဆုံး

စစ်ကိုင်းတိုင်း၊ မုံရွာမြို့နယ်မှာ စက်တင်ဘာ ၂၃ ရက် ဒီမနက် ၈ နာရီဝန်းကျင်က သံမဏိအဖွဲ့ဝင်ခွန်ဆာ ဦးဆောင်တဲ့ ပြောက်ကျားတပ်ဖွဲ့နဲ့ ချောင်းဦး PDF အဖွဲ့တို့ပူးပေါင်းပြီး စစ်ကောင်စီယာဉ်  ၂ စီးကို မိုင်းခွဲတိုက်ခိုက်ခဲ့တယ်လို့ သိရပါတယ်။

“အကြမ်းဖက်စစ်ကောင်စီယာဉ် ၂ စီးက မြင်းမူဘက်ကနေ မုံရွာဘက်ကို ဦးတည်လာတာ။ နတ်ရေကန်၊ ရေပိုးစားကွေ့မှာ မိုင်း ၉ လုံး ခွဲပြီး ခြုံခိုတိုက်ခိုက်လိုက်လို့ စခကားနှစ်စီးလုံး မိုင်းထိပျက်စီးသွားပြီး စစ်ကောင်စီတပ်သား ၆ ဦးထက်မနည်း သေဆုံးနိုင်တယ်။ ဒဏ်ရာရသူ တွေလည်း အများကြီး။”လို့ PDF ပူးပေါင်းအဖွဲ့ရဲ့ တာဝန်ရှိသူက ပြောပါတယ်။

မိုင်းခွဲတိုက်ခိုက်ခံရပြီးနောက် လူနာတင်ယာဉ်တွေရောက်လာကာ စစ်ကောင်စီတပ်ဘက်က ဒဏ်ရာရသူတွေကိုတင်ဆောင်ပြီး မုံရွာမြို့ဘက်ကို ပြန်သွားကြတယ်လို့ ဒေသခံမျက်မြင်တွေရဲ့ ပြောပြချက်အရ သိရပါတယ်။

2 months Ago
More News
Up