မုံရွာ

September 23, 2021

မုံရွာ Mytel ရုံးစောင့် ရဲတပ်သား ပစ်သတ်ခံရ

မုံရွာမြို့၊ မြဝတီရပ်ကွက်၊ ကျောက္ကာလမ်းမှာရှိတဲ့ စစ်တပ်ပိုင်  Mytel ရုံးရှေ့မှာ အစောင့်ကျနေတဲ့ ရဲတပ်သားတစ်ဦးကို စက်တင်ဘာ ၂၃ ရက် ဒီညနေ ၄ နာရီဝန်းကျင်က ပစ်သတ်ခဲ့ပြီး အဆိုပါရဲတပ်သားကိုင်ဆောင်တဲ့  သေနတ်တစ်လက်ကိုပါ သိမ်းယူနိုင်ခဲ့တယ်လို့ သံမဏိနှင့်အဖွဲ့သားများ (MPDF) အဖွဲ့ထံက သိရပါတယ်။

ဒေသခံတဦးက ''အပစ်ခံရတဲ့ရဲသားကတော့ အဲ့နေရာမှာပဲဆုံးသွားတယ်။ အခုတော့ စစ်ကားတွေနဲ့ စစ်သားတွေခြေရှုပ်နေတာပေါ့။ ရပ်ကွက်ရုံးရှေ့မှာတော့ စစ်ကားတွေနဲ့စစ်သားတွေအများကြီးပဲ''လို့ ပြောပါတယ်။

မုံရွာမြို့က Mytel ရုံးတည်ရှိတဲ့နေရာဟာ မြဝတီရဲစခန်း အနီးမှာဖြစ်ပြီး ပြီးခဲ့သည့် စက်တင်ဘာ ၁၅ ရက်ကလည်း အဆိုပါ MyTel ရုံး ဗုံးပစ်ခံရလို့ ရုံးရှေ့ဘက်ခြမ်းပျက်စီးသွားပါတယ်။

ရဲတပ်သား ပစ်ခတ်ခံရတာနဲ့ပတ်သက်လို့ မုံရွာမြို့၊ မြဝတီရဲစခန်းကို ဆက်သွယ်မေးမြန်းတဲ့အခါ ဖုန်းလက်ခံပြောဆိုခြင်းမရှိပါဘူး။

4 days Ago

September 19, 2021

မုံရွာမြို့က မိုင်တဲလ်ရုံး CDM အင်ဂျင်နီယာတစ်ဦးကို စစ်ကောင်စီ ဖမ်းဆီး

စစ်ကိုင်းတိုင်း၊ မုံရွာမြို့၊ အောင်ချမ်းသာရပ်ကွက်ရှိ မိုင်တဲလ်ရုံးက CDM ပြုလုပ်ထားတဲ့ အင်ဂျင်နီယာတဦးကို စစ်ကောင်စီတပ်တွေက ဖမ်းဆီးသွားတယ်လို့ သိရပါတယ်။

စက်တင်ဘာ ၁၈ ရက် ည ၁၀ နာရီခွဲလောက် အောင်ချမ်းသာ၊ နယ်မြေ (၅) က နေအိမ်တစ်အိမ်မှာ စစ်ကောင်စီတပ်တွေက လာရောက်ဖမ်းဆီးခေါ်ဆောင်သွားတယ်လို့ ရပ်ကွက်နေ ပြည်သူတစ်ဦးက ပြောပါတယ်။

“အခုဖမ်းခံရသူက CDM ပြုလုပ်ထားတာကြာပြီ။ ဒီရပ်ကွက်မှာ လာနေတယ်။ ဘယ်လို သတင်းရလို့ မသိဘူး။ သူ့ကို စစ်ကားတွေအများကြီးနဲ့ လာဖမ်းဆီးသွားတယ်။” 

မုံရွာမြို့မှာ စက်တင်ဘာလအတွင်း မိုင်တဲလ် တာဝါတိုင် ၁ တိုင်၊ စစ်ကိုင်းတိုင်း မိုင်တဲလ် ရုံးခွဲနဲ့ မြန်မာဘီယာရုံးတို့ကို ဖောက်ခွဲမှုတွေ ပြုလုပ်ခံရပြီးနောက် CDM ပြုလုပ်တဲ့ မိုင်တဲလ် ရုံးဝန်ထမ်းတွေကို အခုလို မတရားလိုက်လံဖမ်းဆီးနေတာ ဖြစ်ပါတယ်။ 

1 week Ago
More News
Up