မိုးညှင်းတွင်

August 28, 2017

မိုးညှင်းတွင် လူငယ်တဦး အပေ့ါသွားရာမှ မိုင်းနင်းမိ

မိုးညှင်းမြို့နယ်၊ အင်းတော်ကြီး နန့်ပဒဲ ရွှေမှော်သွားလမ်းနံဘေးမှာ တကွင်းကျေးရွာမှ လူငယ်တဦး  သြဂုတ် ၂၇ ရက်နေ့ ညက အပေါ့သွားရာကနေ မိုင်းနင်းမိခဲ့တယ်လို့ ဟိုပင်ရဲစခန်းက ပြောပါတယ်။ မိုင်းနင်းမိတဲ့ တကွင်းကျေးရွာ ရပ်ကွက် ၁၀ မှ မောင်စိုး ခေါ် စိုးမင်းဦး (၂၀) ကို ကချင်ပြည်နယ် မိုးညှင်းမြို့နယ် ဟိုပင်ပြည်သူ့ဆေးရုံမှာ ပို့ဆောင် ကုသထားတယ်လို့ ဟိုပင်စခန်းမှူးက ပြောပါတယ်။ မိုင်းနင်းမိမှုကြောင့် ယာဘက်ခြေဖဝါး ကြေမွ အက်ကွဲ ဒဏ်ရာရှိခဲ့တဲ့ မောင်စိုးကို လမ်းသွားလမ်းလာ ဆိုင်ကယ် ကယ်ရီသမားတွေက တွေရှိပြီး အကိုဖြစ်သူ ကိုမောင်ဖြိုးအား အကြောင်းကြားကာ ကားနဲ့ ဟိုပင်ပြည်သူ့ဆေးရုံကြီးကို ပို့ဆောင်ခဲ့တာလို့ ဆိုပါတယ်။ ဒီနောက် ဟိုပင်ပြည်သူ့ဆေးရုံမှ မြစ်ကြီးနားဆေးရုံကြီးကို လွှဲပြောင်း ကုသမှုခံယူနေရကြောင်း သိရပါတယ်။ သတင်း-မုန်းမုန်းမင်း
4 years Ago

February 1, 2017

မိုးညှင်းတွင် လက်လုပ်မိုင်းတလုံး တွေ့ရှိ

ကချင်ပြည်နယ် မိုးညှင်းမြို့နယ် လွယ်ခမ်းတောင် ပြည်ထောင်စုကားလမ်းမကြီးပေါ်မှာ ဇန်န၀ါရီ ၃၁ ရက်နေ့ ညနေပိုင်းက လက်လုပ်မိုင်းတစ်လုံးတွေ့ရှိခဲ့ပါတယ်။ ကချင်ပြည်နယ် မိုးညှင်းမြို့နယ် ဆယ်မိုင်ကျေးရွာနဲ့ မော်ဟန်ကျေးရွာကြား လွဲခမ်းတောင်ပေါ် ရွှေဘိုမြစ်ကြီးနားပြည် ထောင်စုလမ်းမကြီးပေါ်မှာ ဇန်နဝါရီ ၃၁ နေ့ ညနေ ၅ နာရီ ၄၀ မှာ လက်လုပ်မိုင်းတလုံးကို လမ်းတံတားဆောက်လုပ်ရေးအဖွဲ့က တွေ့ရှိခဲ့တာလို့ ဒီဗွီဘီ နယ်ခံသတင်းထောက်က ပြောပါတယ်။ မိုင်းတွေ့ရှိရာ နေရာကို နယ်မြေခံ တကရ (၆၀၀၇) တပ်ရင်းက တာဝန်ရှိသူတွေနဲ့  မိုးညှင်းမြို့နယ်အုပ်ချုပ်ရေးမှူးနဲ့အဖွဲ့တွေက တာဝန်ရှိသူတွေက မိုင်းအန္တရာယ် အချိန်မီရှင်းလင်းနိုင်ရေး ဆောင်ရွက်နေမှုကြောင့် အတက်အဆင်းကားကြီး အစီး ၁၀၀ လောက် ခရီးသွားလာမှု ယာယီရပ်ဆိုင်းထားခဲ့ရပါတယ် ။ မိုးကောင်းမြို့ BE တပ် မိုင်းရှင်းလင်းရေးအဖွဲ့ စစ်မြေပြင် အဂျင်နီယာအဖွဲက အဆိုပါမိုင်းကို ရှင်းလင်းဖယ်ရှားခဲ့ပြီး ည ၁၁ နာရီ ၄၀ မိနစ်လောက် အန္တရာယ်ကင်းစွာ ကားလမ်းပွင့်သွားခဲ့တယ်လို့ ဆိုပါတယ်။ ဓာတ်ပုံ - မုန်းမုန်းမင်း
5 years Ago
Up