မုန့်စိမ်းပေါင်း ပေါင်

A d v e r t i s e m e n t With Us

November 22, 2020

ပုသိမ်မြို့တွင် မုန့်စိမ်းပေါင်း ပေါင်းရာမှ နေအိမ်မီးလောင်မှု ဖြစ်ပွား

ဧရာဝတီတိုင်း၊ ပုသိမ်မြို့၊ ပပဝတီရပ်ကွက် ၈ လမ်းမှာ နိုဝင်ဘာ ၂၂ ရက်နေ့ မနက် ၃ နာရီ ၄၀မိနစ်လောက်က နေအိမ်တလုံး မုန့်စိမ်းပေါင်း ပေါင်းရာမှ မီးလောင်ကျွမ်းခဲ့ပြီး မီးသတ်တပ်ဖွဲ့ဝင်တွေ၊ ရဲတပ်ဖွဲ့ဝင်တွေနဲ့ ရပ်ကွက်နေပြည်သူတွေ စုပေါင်းငြိမ်းသတ်ခဲ့တာကြောင့် မီးငြိမ်းသွားခဲ့ပါတယ်။  ပပဝတီ ၈ လမ်းနေ ဦးတင်သန်းဆိုသူနေအိမ်မှ ဈေးရောင်းဖို့ မုန့်စိမ်းပေါင်း ပေါင်းစဉ် လွှစာနဲ့ ထင်းမီး ထည့်ပြီး မီးမွှေးရာက ထရံကို မီးစွဲကာ မီးလောင်ကျွမ်းခဲ့ပြီး သွပ်မိုး၊ ပျဉ်ကာ၊ ပျဉ်ခင်း နေအိမ်တစ်လုံး မီးလောင်ပျက်စီဆုံးရှုံးခဲ့ကြောင်း တိုင်းမီးသတ်ဦးစီးဌာနက ပြောပါတယ်။  မီးလောင်တဲ့နေရာကို ဧရာဝတီတိုင်းဒေသကြီး မီးသတ်တပ်ဖွဲ့ဝင် ၄၅ ဦး၊ အရန် ၃၀ ဦး၊ မီးငြိမ်းသတ်ယာဉ် ၄ စီး၊ ရေသယ်ယာဉ် ၁ စီး အထောက်အကူပြုယာဉ် ၂ စီး၊ တိုင်းရဲတပ်ဖွဲ့ဝင်တွေ၊ အမှတ် ၅ ရပ်ကွက် ပပဝတီရပ်ကွက်နေ ပြည်သူတွေ ပူးပေါင်း ငြိမ်သတ်ခဲ့ပါတယ်။ မီးလောင်မှုကြောင့် လူနဲ့ တိရစ္ဆာန် ထိခိုက်သေကျေ ပျက်စီးမှု မရှိဘဲ ၃၅၆၄၀၀၀ ဖိုး မီးလောင်ပျက်စီးဆုံးရှုံးခဲ့တယ်လို့ တိုင်းမီးသတ်တပ်ဖွဲ့ရဲ့ စာရင်းတွေအရ သိရပါတယ်။ 
2 months Ago
Up