မုန်တိုင်းငယ်အရှိန်ကြောင့် ပြည်နယ်နှင့် တိုင်း ၆ ခုတွင် မိုးရွာနိုင်

November 16, 2017

မုန်တိုင်းငယ်အရှိန်ကြောင့် ပြည်နယ်တိုင်း ၁၁ ခုတွင် မိုးရွာနိုင်

  ဘင်္ဂလားပင်လယ်အော် အနောက်အလယ်ပိုင်းမှာ ဖြစ်ပေါ်နေတဲ့ မုန်တိုင်းငယ် Depression ကြောင့် ပြည်နယ်တိုင်း ၁၁ ခုမှာ အချိန်အခါမဟုတ်မိုးများ ရွာနိုင်တယ်လို့ မိုးလေ၀သဌာနက သတင်းထုတ်ပြန်ထားပါတယ်။ ဒီမနက်ကစပြီး နောက် ၃၆ နာရီအတွင်း မုန်တိုင်းငယ်အရှိန်ကြောင့် စစ်ကိုင်းတိုင်း ဒေသကြီး၊ ချင်းပြည်နယ်နဲ့ ရခိုင်ပြည်နယ်တို့မှာ နေရာစိပ်စိပ်၊ နေပြည်တော်၊ မန္တလေးတိုင်း ဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်း ဒေသကြီး၊ ကချင် ပြည်နယ်နဲ့ ရှမ်းပြည်နယ်တို့မှာ  နေရာကျဲကျဲ မိုးထစ်ချုန်း ရွာနိုင်တယ်လို့ မိုးဇလ သတင်းမှာ ဖော်ပြပါတယ်။ မုန်တိုင်းငယ်ဟာ မြန်မာ့ကမ်းရိုးတန်းကို ဦးတည်လာခြင်းမရှိလို့ လောလောဆယ် အ၀ါရောင်အဆင့်သတ်မှတ်ထားပြီး နောက် ၃၆ နာရီအတွင်း အိန္ဒိယနိုင်ငံ၊ အင်ဒရာပရာဒေ့ရှ် ကမ်းခြေမြောက်ပိုင်းနဲ့ သြရိဿကမ်း ခြေတောင်ပိုင်းအနီးသို့ရောက်ရှိကာ တဖြည်းဖြည်း အားလျော့သွားမယ်လို့ ခန့်မှန်းထုတ်ပြန်ထားပါတယ်။ မန်မာ့ကမ်းရိုးတန်းတလျှောက်နဲ့ ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေးငါးဖမ်း ရေယာဉ်များ၊ သင်္ဘောများ  ကြိုတင်သတိပြုနိုင်ဖို့ မိုးလေ၀သဌာနက အသိပေး နှိုးဆော်ထား ပါတယ်။
4 years Ago

November 7, 2017

မုန်တိုင်းငယ်အရှိန်ကြောင့် ပြည်နယ်နှင့် တိုင်း ၆ ခုတွင် မိုးရွာနိုင်

ထိုင်းပင်လယ်ကွေ့မှာ ဖြစ်ပေါ်နေတဲ့ မုန်တိုင်းငယ်အရှိန်ကြောင့် ပြည်နယ်နဲ့ တိုင်း ၆ ခုမှာ မိုးထစ်ချုန်းရွာနိုင်တယ်လို့ မိုးလေဝသဌာနက ဒီကနေ့ သတင်းထုတ်ပြန်ပါတယ်။ ရန်ကုန်တိုင်းဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ်၊ ကယားပြည်နယ်၊ ကရင်ပြည်နယ်နဲ့ မွန်ပြည်နယ်တွေမှာ နေရာကွက်ကျား မိုးထစ်ချုန်းရွာနိုင်တာ ဖြစ်ပါတယ်။ မြန်မာ့ပင်လယ်ပြင် မွန်-တနင်္သာရီ ကမ်းရိုးတန်းတလျှောက်နဲ့ ကမ်းလွန်ပင်လယ်ပြင်တွေမှာ တခါတရံ အရှေ့ဘက်က လေပြင်းတွေတိုက်ခတ်ပြီး လှိုင်းအသင့်အတင့်ကနေ လှိုင်းကြီးနိုင်တယ်၊ အရှေ့ဘက်က လေပြင်းတွေတိုက်ခတ်စဉ် ရေပြင်/မြေပြင်လေဟာ တနာရီ မိုင် ၃၀ ကနေ ၃၅ မိုင်အထိ တိုက်ခတ်နိုင်တယ်၊ ကျန်မြန်မာ့ပင်လယ်ပြင်မှာ လှိုင်းအနည်းငယ်မှ အသင့်အတင့်ရှိပြီး မွန်-တနင်္သာရီ ကမ်းရိုးတန်းတလျှောက်နဲ့ ကမ်းလွန်ပင်လယ်ပြင်တွေမှာ လှိုင်းအမြင့် ၆ ပေမှ ၉ ပေခန့်၊ ကျန်မြန်မာ့ပင်လယ်ပြင်မှာ ၃ ပေကနေ ၅ ပေခန့် ရှိနိုင်တယ်လို့ မိုးဇလသတင်းမှာ ဖော်ပြပါတယ်။ မုန်တိုင်းငယ်ဟာ နောက် ၁၈ နာရီအတွင်း ထိုင်းနိုင်ငံကမ်းခြေကို ချန်ဖုန်း (Chumphon) မြို့အနီးကနေ ဖြတ်ကျော်ဝင်ရောက်ပြီး ကပ္ပလီပင်လယ်ပြင်ကို ရောက်ရှိမယ်လို့  ခန့်မှန်းထားပါတယ်။
4 years Ago
Up